رواية الصمت المعذب الفصل الثالث بقلمي نورهان ناصر

ثم عاد ببصره صوب الأوراق التي بيده وبعد قراءتها وضعها بهدوء على سطح مكتبه وشبك يديه ببعضهما يقول بنبرة هادئة
_ أنتم متأكدين من قراركم ده يا أحمد 
تبادل أحمد وحسان النظرات رأى حسان التردد في عيني أحمد من ذهابه برفقته ليتجاهل نظراته تلك ثم عاد ببصره صوب الوزير يقول بنبرة جادة
_ متأكدين معاليك .
تحدث الوزير وهو يرمق حسان بقلق 
_ يا ابني أنت لسه عريس جديد وسمعت إنك مستني ابنك.
عبست ملامح وجه حسان ثم اڠتصب ابتسامه صفراء يقول بنبرة هادئة في ظاهرها 
_ شغلنا مفهوش عواطف وأنا عايز اتطوع واقدملهم الدعم وإن مت فابني هايكون فخور بابوه.
تنهد الوزير ثم نظر صوب أحمد الذي يلتزم الصمت
_ وأنت يا أحمد .
ضحك أحمد بخفوت يقول مبتسما
_ وأنا ايه يا فندم لا زوجه ولا أولاد ولا أي حاجه أنا واثق من قراري بس ياريت تمنع ..
ضغط حسان على ذراعه پغضب شديد فأكمل أحمد بلا اكتراث بنظراته 
_ تمنع حسان من السفر لأنه عنده بيته ومراته أما أنا ف زي ما بيقولوا على الله حكايتي وكفايه اللي عيشته لانهارده أنا عايز الشهاده يا فندم .
مط الوزير شفتيه يردد بصوت هادئ مشتحا بقلق عليهما فهما من أكفأ ضباط الجيش لديه وخسارتهم فادحة كبيرة 
_ والله إن جيت للحق أنا رافض إنكم تروحوا لوحدكم كدا وأنتم وراكم مسؤوليات كبيرة وأهل بلاش توجعوا قلوبهم عليكم أنت يا أحمد عندك أم نفسها تفرج بيك وحياة قدامك لسه وأنت يا حسان فأنت مصيبتك أكبر زوجه وابن وام وأهل ھتحرق قلوبهم وعلشان كدا مرواحكم انتم الاتنين مرفوض .
ختم حديثه وهو يحمل شيء ما في يده ومال بجزعه العلوي ليطبع الرفض على ذهابهم في الأوراق التي قدموها وقبل أن يلامس الختم للأوراق انتزعها حسان يقول بنبرة جادة وباصرار غريب ملأ عينيه 
_مع احترامي لقرارك يا سيادة الوزير بس أنا مصر .
_ حسان اللي بتعمله ده غلط ودلوقت رجع الورق مكانه وعلى شغلك .
أنهى الوزير حديثه ثم نظر لأحمد يقول بجدية
_ عقل صاحبك يا أحمد.
وقبل أن يفتح أحمد فمه للحديث قال حسان بثبات وهدوء غريب
_ يا فندم الأعمار بيد الله ودي طبيعة شغلنا أصلا ما جايز ما اروحش واموت بردو الله عز وجل يقول في كتابه العزيز بسم الله الرحمن الرحيم وما كان لنفس أن ټموت إلا بإذن الله كتابا مؤجلا ۗ ومن يرد ثواب الدنيا نؤته منها ومن يرد ثواب الآخرة نؤته منها ۚ وسنجزي الشاكرين وأنا عايز ثواب الآخرة وما أراده الله كان .
صمت الوزير متنهدا بصوت مرتفع ابتسم حسان بسمة واسعه ثم تقدم منه ووضع الأوراق على مكتبه يقول بمرح 
_ هاعتبر إن سكوتك هو علامة الرضا زي ما بيقولوا شرفنا بتوقيعك يا باشا وادعي لنا نقدر نعمل حاجه ليهم ده دورنا أصلا نقف معاهم ونساعدهم.
وافقه أحمد في الرأي وهذا ما كان يسعى إليه إلا أنه داخله خوف مبهم على صديق عمره آفاق من أفكاره على حسان يسحب الأوراق من أمام الوزير بعد أن حصل على توقيعه .
وبعد مضي بعد الوقت كانوا يسيرون متجاورين أحمد يضع يده في جيب بنطاله وحسان يحمل الأوراق وينظر إلى تلاميذه بفخر واعتزاز وهم يتدربون بكل قوة أتى إليهم محمد يقول وهو ينظر لهما پغضب 
_ عايزين تروحوا لوحدكم طب وأنا هاتسبوني لمين يا اندال .
ابتسم أحمد مرددا بنبرة هادئة وهو يربت على كتفه 
_ أنت لسه قدامك مشوار طويل وفرح بتجهزله روح افرح يا محمد ومتوجعش قلوبهم عليك .
طالعه محمد متهكما وهو يقول بضيق
_ والله شوف مين بينصحني الاستاذ اللي رايح برجله للمۏت واهلك مفكرتش فيهم وأنت يا استاذ حسان طب أحمد والحب لحس عقله خلاص وما دام خسر حبيبته وأنت يا حسان عندك زوجه بتحبك ومستني ابنك وأم وأخوات مش عارف عقلك فين .
أطلق حسان تنهيدة قوية ثم أولاهما ظهره وقال ببسمة صغيرة
_ هقولك زي ما قولت لسيادة الوزير لكل إنسان أجل لا ينقص ولا يزيد بعدين انتوا خلاص عرفتوا إني ھموت ما يمكن أرجع.
توقف فجأة واستدار لهما يقول ضاحكا 
_ بطلوا تفولوا عليا عيال واطيه جرى إيه يا ببلاوي أنت وهو أنتم ماشيين مع مېت ادفنوني وريحوني كاتكم القرف عيال كئيبة .
قال حديثه وتركهم ورحل نظر أحمد لمحمد بياس وهو يقول 
_ بحاول أقنع فيه مافيش فايده منشف دماغه وعلى رأيه يا محمد العمر لا بيزيد ولا بينقص اللي ربك رايده نافذ في اية جميلة جدا بتمثل اللي حسان بيعمله ربنا سبحانه وتعالى بيقول أينما تكونوا يدرككم المۏت ولو كنتم في بروج مشيدة ۗ وإن تصبهم حسنة يقولوا هذه من عند الله ۖ وإن تصبهم سيئة يقولوا هذه من عندك ۚ قل كل من عند الله ۖ فمال هؤلاء القوم لا يكادون يفقهون حديثا سلمها لله مفيش مهرب من المۏت .
نظر محمد إلى أثر حسان الذي ابتعد عنهم كثيرا يقول ببسمة واسعه
_ ونعم بالله.

كانوا يقفون أمام باب الغرفة منذ وصولهم ولا أحد يخرج ليطمئنهم زفر هادي پخوف وهو يراهم منكبين على البكاء ليقول حانقا
_ خلاص عرفتوا أنها ماټت وقعدتوا تعيطوا ارحموني بقى واسكتوا شويه ملك قوية وعايشه ولسه فيها النبض .
صاحت والدته پبكاء وقلب أم مكلوم على ابنتها 
_ عايشه أختك مېته من زمان واحنا اللي مش حاسين بيها كفايه بقى فتحوا عيونكم بنتي مېته اللي جوه دي مش بنتي بنتي ماټت من زمان الانسانه الضعيفة دي اللي بټصارع المۏت جوه مش ملك ملك راحت منا راحت بنتي ماټت ماټت ضحكتها ماټت أحلامها ماټت فرحتها السعادة مبقتش تعرفلها طريق خلاص سيبني اعيط براحتي على بنتي بنتي اللي مكنتش الضحكه بتفارق وشها بنتي اللي كانت شقيه وعامله دوشه في البيت إنما الساكته دي على طول اللي عيونها تايهه مش بنتي مش بنتي هاتولي بنتي .
أدمعت عيونهم من تأثير كلماتها حتى العاملين في المشفى اجهشت نعمه في البكاء هي أكثر من شاهدت مۏتها أمام عينيها ضيقت والدة حسان أعينها بضيق شديد من فحوى كلمات السيدة والدة ملك ماذا تقصد بكلماتها تلك أن ابنها مصدر تعاستها لولا الموقف الذي هم فيه لكانت صاحت في وجهها ولكنها أم وتقدر حالتها لذا التزمت الصمت ڠصبا.
خرج في تلك الأثناء الطبيب يحدق في وجوههم بضيق شديد تسارعت دقات قلب هادي من ملامح الطبيب العابسه 
_ في إيه يا دكتور أختي مالها 
نزع الطبيب كمامته يقول بنبرة بها شيء من الحدة 
_ أنتم ازاي بالاهمال ده البنت تعرضت لنوبة قلبية مفاجئة من كتر الضغط اللي عليها في حاجه قوية مقصرة على نفسيتها هموم وحزن كبير ومبتاكلش أصلا ولا جسمها فيه أي تغذية ده أنتم لو بټعذبوها مش هاتبقى دي حالتها في جفاف في جسمها لا بتاكل ولا بتشرب مش فاهم خايفين عليها بالشكل ده وأنتم شايفينها بټموت قدامكم بالبطيء