رواية ابن عمي الفصل الرابع بقلم ناهد خالد

ابن عمي الجزء الرابع. 
_ ساره أنا....
قالها علي بتوتر فقاطعته ساره وهي بتقول بعصبيه واستنكار
_اي هتبرر لنفسك ب أي! طب هي هنقول غرضها كان خير لما ڤضحت سري لكن أنت اي غرضك! اي اللي اجبرك انك تتكلم ولي اصلا تروح تقولها اي نوغه انت مش عارف تخبي عن مامي سر عرفته ومرتحتش غير لما قولتلها!.. قالت آخر كلامها بسخريه ونظره استحقار... رد علي بتحذير 
_ساره خدي بالك من كلامك.
شاورت علي نفسها بذهول وهي بتقول 
_أنا! أنا اخد بالي من كلامي!.. يابجاحتك.. يابجاحتك يا اخي انا عمري ما شوفت بجاحه كده.. عينك جامده واقف تبصلي وعينك في عيني من غير اي كسوف لا وبتقولي خدي بالك من كلامك! كلام اي انا لسه قولت حاجه!.. أنت لو كنت راجل بصحيح مكنتش رحت ڤضحت بنت عمك قدام واحده غريبه.. لو كنت راجل بجد كنت حفظت السر لكن انت زي ال... اكيد عارف اقصد زي اي.. انا مش بلومك ولا بحاسبك انك مبحتنيش انت حر.. بس مكنش من حقك انك تروح تفضح سري لخطيبتك مكنش من حقك يا علي..... ولا كان من حقك انتي كمان..

قالتها وهي بتبص لنور وكملت 
_قوليلي رده كان اي عليكي ها..
بصت نور لها بدموع بتنزل من عنيها ونقلت نظرها ل علي وهي مش عارفه ترد...
_ردي..
صړخت بيها ساره في نور اللي اتكلمت بارتعاش
_مش هينفع اقولك.
لفت ساره ل علي وقالت
_طب قول أنت... بما إنك بجح قول أنت..
قرب علي منها ووقف قدامها وقال
_قولتلها اني مش هقدر اشوفك اكتر من بنت عمي وصاحبتي...
ابتسمت بمرار وقالت
_شوفتي بقي رخصتيني ازاي...
اڼهارت نور في العياط اكتر وهي بتشوف نتيجه تهورها... كملت ساره
_اطلعوا بره انتوا الاتنين اندل من بعض ومش عاوزه اعرفكم تاني لاني عمري ما هآمن لكم تاني.
قرب علي خطوه كمان وهو بيحاول يتكلم 
_ساره أنا...
_قولت امشوا..
كانت بتقطع عليه اي طريق للكلام وسابتهم وخرجت من الاوضه تماما... بصت نور ل علي باڼهيار وهي لسه بټعيط وطلعت جري من الشقه كلها.. غمض علي عينه لثواني بيحاول يهدي نفسه وغضبه خصوصا من معرفته ان نهي واجهت ساره باللي عرفته منه وبعدها فتح عينه بهدوء وانسحب من الشقه هو كمان...
بعد يومين... 
_ها يا علي اي اللي حصل بقالي يومين اتصل بيك متردش وابعتلك رسايل برضو بتشوفها متردش في اي 
_عشان كده كلمتك النهارده. 
_ وانا سمعاك. 
_انتي احقر واحده انا عرفتها في حياتي.. 
قالها علي بهدوء وبرود وقفت نهي پغضب وهي بتقول
_انت اټجننت ياعلي انت.... 
وقف قدامها وقال پغضب
_جن اما يلغبطك محدش هنا مچنون غيرك.. بقي انا اقولك علي سر تروحي تفضحيه وتواجهي ساره بيه... لي استفدتي اي لما عملتي كده... 
_عشان انا مبحبهاش انا طول عمري وانا بتمني تجيلي الفرصه اللي ابقي احسن من ساره فيها واقهرها اني