رواية ابن عمي الفصل الثالث بقلم ناهد خالد
انت في الصفحة 1 من 3 صفحات
ابن عمي الجزء الثالث
_ مش عيب اننا نحب بس العيب اننا نتزل للحب ده وانا معملتش كده ولا عمري كنت هعمل الحب مش ب ايدينا اه بس افعالنا بايدينا زيك كده حقدك اللي جايبك لحد هنا مخصوص عشان تعرفيني انك عارفه سري الخطېر مش بايدك بس الافعال اللي بتنتج عنه بايدك كنتي فاكره اي اني هعيط وانهار وتشوفيني مكسوره لاني مش طايله حاجه بقت في ايدك انتي! لا ياحبيبتي العنوان غلط انا ادوس علي اي حاجه بجزمتي لو كانت هتقل مني اما بقي بالنسبه ل علي فهو من وقت ما كلمني عليكي وانا رميته من بالي تماما ومبقاش فارقلي لان مادام بص ليكي او لغيرك عمري ما هقبل في يوم اني اكون دور ثانوي في حياه حد يبقي البطله يا مبقاش فهمتي يا... يا خطيبه ابن عمي.
_صحيح مبروك ياعلي... معلش مقدرتش اجي معاكم رغم اني كان نفسي احضر مناسبه سعيده زي دي بس حظك وحش عرفت ان واحده صحبتي من زمان وعزيزه عليا عملت حاډثه وماټت.
كانت بتتكلم بمنتهي الهدوء والبرود... فضل باصص لها شويه بيحاول يوصل لأي حاجه ورا كلامها ده زي حزن او ۏجع اي مشاعر من اللي طبيعي تكون موجوده دلوقتي... بس ملقاش... ابتسامه هاديه وعيون واثقه وبرود غير طبيعي!....
قالها بتوتر وهو مستغرب نفسه هو اللي متوتر! مش المفروض العكس! هو اي اللي بيحصل!
اتفتح الباب ودخل شخص جديد هتشفوه لأول مره يوسف ابن خالة ساره اللي رجع من السفر من يومين بعد غياب اكتر من ٥ سنين.. وعلاقته هو وساره متقلش عن علاقة ساره ب علي زمان...
_يوسف..
قالتها ساره بلهفه فقرب يوسف منها وهو بيقول
_اي يا ساره الف سلامه عليكي انا اول ما عرفت جيت جري.
رفع علي حاجبه بغيظ وهو عارف كويس من ده بس عمره ما حب يوسف ببساطه لانه دايما كان بيشاركه اهتمامات ساره قبل ما يسافر وكان دايما بيلفت انتباها وواخد معظم اهتمامها وعلي ارتاح كتير بعد ما سافر... اي اللي رجعه ده! سؤال قاله علي في باله وهو بيتابع اللي بيحصل قدامه.
_ده كلام ياهبله انتي... طب والله كنت ملصت ودانك زي زمان فاكره
ضحكت وهي بتقول
_طبعا فاكره ده انت كنت شړير خالص.
_انا! ده انا طول عمري ملاك وبحبك.
_ما اي بقي مش يلا الدكتور كتب ع الخروج مفيش داعي القاعده
