رواية ابن عمي الفصل الثالث بقلم ناهد خالد
ولا اي ياعمي!
قالها علي وهو بيقطع كلامهم بغيظ اكبر بس بيحاول يبان انه عادي...
_ااه يلا بقي عشان منتأخرش...
قالت ساره ببرود
_علي خد انت نهي وصلها واحنا يوسف هيوصلنا...
بصلها بضيق وقال
_وده لي يعني مانا اللي جايبكوا!
_ايوه ومين هيوصل نهي
_خلاص ياعلي وصل...هي مين دي
قالها يوسف باستغراب باين لكنه في الحقيقه استهبال...
ردت عليه ساره بابتسامه
_دي نهي يا جو خطيبة علي...
_بجد مبروك ياعلي أخيرا خدت الخطوه دي...
_اي أخيرا دي! انتي شايفني عجزت!
_لا مقصدش طبعا عموما مبروك.
_شكرا.
قالها علي من غير نفس وهو مش طايقه..
_يلا يابابا..
حاولت تقوم فقال يوسف باهتمام
_هتقدري تقفي
هزت راسها بهدوء وسندت علي مامتها وفعلا خرجوا من المستشفي...
بعد مارجعوا البيت قعد يوسف وساره لوحدهم في الصاله وامها بتحضر العشا وابوها بيصلي..
_يا واد يا متفاجئ أنت.. قال متعرفش ان علي خطب.
_يابنتي مانا لازم اعمل كده عشان ميشكوش انك قايلالي حاجه...
_ميشكوا فيها..
_اه فيعرفوا ان الموضوع قاهرك لدرجه انك حكتيه لابن خالتك اللي بقالك خمس سنين مشفتهوش.. انتي عبيطه يابه احنا عاوزين نبين ان الموضوع مش في دماغك أصلا...
_وانتي عامله اي دلوقت
_الحمد لله..
_ومين هون عليكي الوقت
_يوسف..
_مانا عارف انا أصلا مهوناتي...
_يوسف...
_يابنتي خلاص عرفت ان اننا مش محتاجه تأكدي.
_انت بايخ علي فكره...
_بس عسل ودمي شربات..
_يابارد...
_احترمي نفسك يابت ومتنسيش اني اكبر منك.
وقفت وحطت ايديها في وسطها
_اكبر مين يابو اكبر... مكنوش سنتين دول الي هتزلني بيهم...
_ولو اكبر منك بيوم يعرف عنك بسنه.. ثم انتي هتردحيلي يابنت خالتي والله عال خالتي عرفت تربي بصحيح..
من دقيقه
رن علي جرس الباب بس هم مسمعوش لانهم مشغولين بالخناق طبعا.. فتحتله ام ساره ودخل سمع الدوشه وصوتهم العالي ومرات عمه بتقوله
_ادخل سكت ولاد المجانين دول ولا كأنهم أطفال واستني اتعشي معانا...
لما دخل وقف علي باب الاوضه وهو شايفهم بيتخانقوا.. ڠصب عنه ابتسم وهو بيفتكر انه من فتره قريبه كان ده حاله مع ساره... كانوا دايما بيتخانقوا وتيجي مامته او مرات عمه تفض بينهم... بس الحال مبقاش زي الاول.. حس انه فعلا اشتاق لخناقهم سوي حتي لو كان علي كيس شيبسي زي اللي حصل قبل كده....
_سيب الشيبسي بتاعي يلا..
_يلا! طب تصدقي مش هتاخديه.. وانا هاكله كله امشي اعملي شاي.
_اكونش الخدامه اللي جبهالك عمي وانا معرفش!
_واي لازمه عمي بقي!
_ولو لازم احترمه..
_حوشي يابت وانتي محترمه اوي...
_انا محترمه ڠصب عنك يا صفيق...
_اي صفيق دي كمان!
_معرفش بس هي شتيمه سلمي قالتها ل عمر..
_سلمي مين وعمر مين
_تامر حسني ومي عز الدين ياجاهل أنت..
_اللهم طولك ياروح.... طب امشي من قدامي.
_يابجاحتك انا اللي دافعه فلوس الشيبسي ده هات فلوسه وانا اسيبه لك..
_وانا وانتي اي ياسو مش واحد اجري اعملي شاي.
_لا مش واحد... والشاي ده تطفحه قبل ما تشربه ان شاء الله...
_بتدعي عليا يابنت عمي!
_اه وان شاء
