رواية سما الفصل الرابع بقلم وسام الفراجي
بسرعة ..
صرت قليلة الكلام .. انام هواي .. شقة ولعب مثل كبل ماكو ..
التزمت بصلاتي .. وبلبسي .. وصرت اقرأ كل يوم جزء بالقران .. بس اريد اتجاوز هالايام وارجع ع حيلي..
وكلشي لبس ضيك و دلع ما البسه ..
صارت تطلع ندوب زركة بجسمي ..
شلت طشت مال مي وجبت تايت وصرت اغسل بالهدوم وافرك بيهن بالطشت وعندي سطل بسدي احطهن بيهن ينشفن بعد العصر ..
باجر ابوي وعمي عنتر وكرابتنه يمشون مشية صغيرة ع عمي هلال علمود زوبع
هههه اي الله يتمم على خير
وحسب الي سمعته الاثنين خطوبتهم وعمي عنتر مستعجل جدا ع زواج زوبع!
هم الله يتمم ع خير
ترا اني اعرف كلشي وملاحظة
شنو ملاحظة رنا!
ملاحظة تغييرج وتأثير زوبع وزواجه
لا ما تهمني الله يسعده شي ماضي وراح ..
تمام ..
راحت رنا واني اجلف بالهدوم وافكر شهالتغييرات السريعة وهم قبل يومين يتعاركون علمودي ويريدوني ..
مافهمت اللغز والسر بالموضوع شنو ..
بس كلت لنفسي الا اخلي يعرف خسارتي شكبرها بس بدون ما خرب ع بنت عمي هديل ..
لان احبها كلش
اجه علينا يدور رباط من ابوية ..
فات من يمي ..
جان يكلي ..
وين عمي
نزلت عيني بالطشت واغسل الملابس بيدي وكتله
فوت جوة تلكاه
انتظر شوي وراح حسيته يريد يسولف شي وشافني ما منطيته مجال وراح بس ما اهتميت شنو يريد يكول ..
طلع زوبع شايل رباط من هاي العريضة مالت كبل الي يلبسوها اهلنا..
يباوع للرباط ويكلب بي .. ويباوعلي ..
سما سما تكدرين بس تنظفيلي اياه هيج بس مسح ..
اي اخوية ادلل انطيني اياه ..
تفاجئ جان يكلي
لا خلص شكرا ..
لف راسه وراح .. من بعد هالكلمة صارلي واهس اجلف هدوم العيلة كلها ..
قالب ثلج وصار ع كلبي ..
تريد تغثني !
والله الا اندمه لان ضيع وحدة جانت لو يريد روحها تنطيه اله وتخاف عليه من الهوى ..
والخميس الجاي خطوبة مالتهم ..
اذا اكلكم ما ضجت اجذب عليكم ..
شعور اي انسان يشوف الانسان الي جان يتمناه وياه
راح يلزم ايد شخص ثاني راح يضوج بكل تأكيد ..
لمة النسوان وقال وقيل واللبس وناس مخبوصة ..
واجه اسم زوبع بالدورة مالت جيش مدري شنو اسم الي مقدم عليها ..
صرت اكنس بالحوش و اجه يمي كلي
انت تستاهلين احسن مني
رفعت راسي وباوعتله لكيته زوبع دنكت اكنس وكتله ..
مو انت الي تقرر منو الي استاهله
ليش
عندك
