رواية سما الفصل الرابع بقلم وسام الفراجي
انت في الصفحة 1 من 4 صفحات
كلي اي الله يديم عليج السعادة
لعد هديل بنت عمي هلال شلون فرحتها وهي العاروسة ..
كتله شنو
جاي تشاقة مو
شنو عاروسة مو حاجيت عليه ومتفقين ماتصير لغيري !
ليش هديل بشنو احسن مني وتقدمتلها وعفتني بين الڼار ..
اني عندي استعداد اعوف اهلي علمود اظل وياك ..
اذا تريدني والله اعوف كلشي بس علمود اصير مرتك!
اذا انت زلمة عوفني!
والله لو تنجمع كل بنات العراق ماراح يحبونك وېخافون عليك بكدي!
روح تزوجها بس والله ماترتاح لان وجهي راح تشوفه بكل مكان تروحله وتكعد بي ..
صورتي راح تظل كدامك حتى يظل ضميرك يأنبك شلون عفتني وتركتني بعدما وعدتني وخلفت بوعدك
ما راح تتجاوزني والخلقك وراح تشوفني حتى بمرتك ..
لان حبيتك حب طفولة حب بريئ واني ما اعرف كلشي ..
حبيتك و اني مو واعية شنو زواج ..
اذا هسة ماحركت مشاعرك!
وما تراجعت عن هديل وقررت تتركها وتاخذني ..
واروح وانت ع قرارك !
بعد تحلم اعيشك داخل صدري
كلبي اذا يدك بإسمك الزمه و ادوسه ..
قسما عظما الي ما يريدني ربح ما اريده خسارة روح تزوج الله يسعدك ويسعد هديل لان هديل هم خوش بنت الله شاهد
قرر هسة صير زلمة وقرر وكول اريد هديل ..
كلي ..
الي كلته يكفي اعتقد ..
صير زلمة وكول اريد هديل ..
حتزوج هديل
كتله الله وياك لفت ظهري وعفته وحسيت انكسارات الدنيا كلها براسي امشي وكلامه حتزوج هديل يتردد بإذني ..
لتبجين ياعيني ع ناس باعوج لتبجين .. لتبجين وتخلين الكل يتشمت بيج ..
ميخالف هاي كلها دروس تصنع مني انسانة صلبة اكثر
هذا درس اترك فطارتي واعيش فطنة ..
دا امشي وتصيحني امي ..
اني شنو كتلج
مو كتلج مصطفى ابن خالج ما يتضيع !
ترا خوش زلمة ويريدج ومن جيلج وفلوسهم جثيرة ..
وبيتهم طابقين وعنده وهو اعزب غرفة فوك وحده
اني وين وهي وين هههه
كلت الها فلوس!
فلوس تقضي حاجة صح بس ماتعيشني بسعادة اذا ماجنت راغبته ..
ماريده يمة ..
عفت امي ومشيت واني اردد بداخلي عفية سما ميصير علمود زوبع وقراره تصيرين غبية وتعيشين ويا شخص عمر كامل علمود بس اقهر زوبع!
لااا ميستحق اقهره واعيش ويا شخص بس علمود اقهر زوبع ..
احسبها تجربة فاشلة والملم كسرات كلبي واجبرهن والحياة بعدها طويلة نعيش ونشوف ..
اني متأكدة ميحب هديل ليش قرر هيج قرار ما ادري معقولة عمي عنتر غير رأيه رغم اعرفه عمي عنتر بس يريدني ببيتهم ..
او عمتي ما رادتني ..
هسة اني ليش افكر بي مو كلت لازم امحي ..
اجذب اذا كلت تجاوزت
