رواية سما الفصل الرابع بقلم وسام الفراجي
نثية الافضل تروح تنصحها هي وتحجي وياها ومعليك بنسوان العالم
وليش تحجين معلگ قابل شكتلج ..
باوعتله بعيني ورجعت اكنس ومارديت
هو حس ع روحه وراح ..
كلما يتقرب وقت خطوبته كلما اني اختنك بس ما اظهر لأحد الضعف الي بية ..
اجت هديل عليه وسلمت عليه وكالتلي محتاجتج ترتبين وياي شغلات الخطوبة والفستان والمكياج ع ذوقج لان انت تعرفين اكثر مني ..
ورحت وياها لبيتهم وصرت اختارلها الي يناسبها واحجيلها العنايات الي مفروض تسويها واعلمها بعض الامور ..
و جاي احجيلها شلون تختار لون الفستان ..
و سمعت يكولون زوبع يريد هديل ..
هديل عافت البيدها وراحتله وبعد شوي طب للغرفة لكاني كدامه كلي تمنيتج انت بمكانها ..
طبت هديل و سمعتني احجي عليه . ووكفت ع باب الغرفة ..
باوعت عليه وباوعت لزوبع ..
وكالت
شبيكم ليش صوتكم طالع! خاص ب وسام_الفراجي
كتلها ماكو شي ..
زوبع لف راسه وطلع ..
حطت ايدها ع خصرها و كالتله خاف ماعجبك سؤالي
نزل ايدها وباوعلي نظرة ورجع باوعلها وراح ..
بالله عليج شبي وليش طلع ضايج
صدكي ماكو شي ..
كوليلي والله امسح بي الكاع ترى لتحسبيني عنده شارب يصير زلمة عليه والله اشوفه نجوم الظهر!
ع كيفج بيهم هدهد شوي شوي صيري رومنسية مو مثل قبل تتباطحين وياه وترجدي بالكاع
اختلف وقت السابق عن هسة ..
هسة انت مرته لازم تدلعين كدامه تتنغوجين ..
لج هديل شبيج افهميني خلي عندج انوثة شوي وتعلمي حركات كدامه
بالله هذا الزواج هيج لازم تغييرين من نفسج علمود ابو شوارب يعتدل مزاجه
اي زوجج هذا و الدين يطلب هيج حتى تصيرين بارة بزوجج
الي يسمعج يكول ماخذة عمار كوسوفي هو تالي زوبع شواربه بيهن تخديرة مال جاي ..
ظليت وياها اريد اعلمها الي عليها و المو عليها بس هي متكدر تغير من نفسها ..
صرت اعرف من حركاته وتصرفاته لزوبع هو مو رايد هديل زواج بكد ما هو يفكر يغثني ويعاند بية بس اني راح اعلمه المغثة شنو ..
اجه الخميس ورتبنا كوشة بيدنا احنه سويناها و هديل كذلك وصار وكتها للخطوبة وناس تركص وناس فرحانة ..
اني ما طبيت بعدني وكشخت كشخة بوكتها جانت مرتبة مو هسة هههه
جان كل همه يخليني اشوفه هو وهديل سوة بالخطوبة حتى يحسسني بالندم او يقهرني ... خاص ب وسام_الفراجي
لبست وعدلت نفسي وما يوم طلعت بترتيب مثل هالترتيب ..
من طبيت من الباب اهلهل بكل علو صوتي الا بح صوتي ..
والكل تباوعلي شبيها هاي ..
واهز هز ذبيت لحم
