رواية سما الفصل الرابع بقلم وسام الفراجي
انت في الصفحة 4 من 4 صفحات
بعرسي ماراح اركص هيج
وتصفيك وصياح وجكليت اشيل واشمر عليهم بحيث فججتهم تفجج ..
امي لزمتني من ايدي بنتي شاربة شي
عوفيني يمة غير بنت عمي انخطبت شعندي غير هدولة ..
والجكليت يابس من هذا القوي بحيث نصه شمرته ع راس زوبع وميكدر يحجي ..
حدما اجت اختي رنا كالتلي يمعودة اوكفي
هذا حجر ومغلفته مستحيل جكليت
كاعد بصفها وساكت احسه يكول شجابني شورطني ..
جان تصيحني هديل وتشاورني ..
يكرابتي ترا جاي ترجمينه رجم ما تطشين جكليت وحدة وكعت بخشم زوبع صار يعاطس ...
اني فرطت من الضحك ع سالفتها ..
عفتها ونزلت اركص بعرسي ما اركص هيج ..
الكيك كدامهم اجه وقت يكطعونه ..
جان زوبع يحط ايده ع ايد هديل علمود يكطعونها سوة ..
ومن كطعوا الكيكة انطينا قطعة لهديل وقطعة لزوبع ..
لزمت الكيكة مالتها هديل وصارت تاكل وكع من الكريم مالت الكيكة ع ايدها جان تطلع لسانها وتشفطها!
زوبع سوة نفسه ما شاف وصار يعدل برباطه وغلس..
اني طلعت برا الا غصيت من الضحك
هديل مدري منو معلمها تدوس ع رجل العريس علمود يعني مسيطرة ..
داست ع حذاء زوبع جان اضحك واشاور رنا ..
اول مرة اشوف عروس رقم حذائها 44 اكبر من حذاء العريس ..
