رواية لخبطيطا الجزء الثاني الفصل العاشر بقلم عبد الرحمن الرداد
تنتظر سيارة أجرة حتى تذهب إلى الجامعة لكنها تفاجئت بسيارة تقف امامها ويخرج كرم رأسه قائلا
اركبى يلا هوصلك
تعجبت اسماء واحمرت وجنتاها قائلة
لا ملوش لزوم انا هركب تاكسى
قولت اركبى
لم تنتظر ولبت طلبه على الفور دلفت إلى السيارة فى خجل فخبط كرم امامه حتى تنتبه ونطق قائلا
اية مالك مكسوفة كدا لية احنا كنا امبارح بنلعب ببجى وكنتى كويسة
اصلى على الموبايل وكدا عادى انما فيس تو فيس ببقى مكسوفة وكدا بقى
امممممم قولتيلى بقى ذاكرتى ولا نمتى .. اراهن انك بعد ما قفلتى معايا روحتى فى النوم
ضحت اسماء ثم نظرت إليه نظرة استفهام قائلة
عرفت منين انا نمت فعلا
ابتسم كرم بعدما اظهر وقاره وهدوئه واجاب بهدوء
عيب عليكى انا بقرأ الشخصية اللى قدامى وبعدين باين عليكى انك صاحية من نوم مش مطبقة
انطلق كرم فى طريقة وظل ينظر إليها بتفحص بينما كان الصمت يسيطر على السيارة حتى قرر كرم التحدث
هو انتى عايشة فى الشقة دى لوحدك ولا معاكى حد
تفاجئت بسؤاله الغريب لكنها اجابت دون ان تظهر دهشتها
عايشة مع ماما واخويا الصغير بابا مسافر من فترة واتقطعت كل وسائل الاتصال بيه
ضم حاجبيه متعجبا ثم نظر إليها بنصف عين قائلا
بدأت علامات الحزن فى الظهور على وجهها لتجيب
معرفش من خمس سنين سافر فرنسا علشان شغل وبعد اسبوع بالظبط جينا نكلمه موبايله مقفول حتى حساباته كلها اتقفلت والغريب ان عمى سافر يدور عليه واختفى هو كمان ومنعرفش عنه حاجة
غريبة الحكاية دى طيب ومفيش اى اخبار نهائى عنه
حركت اسماء رأسها بالرفض قائلة
عاد كرم لينظر إلى الطريق امامه دون ان يتحدث حتى تحدثت أسماء متسائلة
قولى بقى انت عايش لوحدك فى الشقة دى
ابتسم كرم لأن هذا السؤال هو الذى انتظره ثم اجاب
ايوة لوحدي والدى ووالدتى توفوا فى حاډثة واتبقيت انا بس ومقدرتش اقعد فى البيت بعدها فبعته واشتريت الشقة اللى قدامك دى
اسفة لو كنت فكرتك بيهم وضايقتك
لا ابدا ابدا مفيش حاجة وبعدين زى ما انا سألت انتى سألتى وجاوبت قوليلى بقى جاهزة للأمتحان!
حركت رأسها بالرفض قائلة پخوف وقلق
لا انا خاېفة اوى من الامتحان والصراحة على اد ما النهاردة اخر امتحان إلا انها اصعب مادة
تحدث كرم محاولا زرع الطمأنينة فى قلبها
يااارب
فى تلك اللحظة رن هاتف كرم الذى كان يضعه امامه برقم رحمة ولاحظت اسماء الاسم سحب كرم هاتفه واجاب
