رواية بك احيا اخر طوق للنجاة الفصل الخامس والثلاثون بقلم ناهد خالد

قائلة ايوة يا مامى 
ثريا انتى فين يا بنت انتى بايتة برة البيت من امبارح 
مى بتنهيدة ضيق و هو حضرتك لسه واخدة بالك دلوقتى انى بايتة برة .. دى الساعة داخلة على ستة الصبح
ثريا انتى عارفة انى كان عندى حفلة و مش فاضية 
مى و الحفلة خلصت فعرفتى انى مش فى البيت 
ثريا انتى قلتيلى انك مش هتحضرى الحفلة لكن ماقلتيليش انك هتباتى برة .. انطقى و قولى انتى فين 
مى بايجاز بايتة فى المركز .. كان فى حاډثة و جاتلنا عملية مستعجلة و يادوب خلصنا من ساعتين
ثريا بتهكم و ماجاش على بالك تبلغينى حتى 
مى قلت لبابى لما كلمنى
ثريا بحدة و هو انتى عايشة مع بابى بس مابلغتينيش انا كمان ليه
مى بحدة مماثلة لان حضرتك كان عندك حفلة و مش فاضيالى و كمان لو حضرتك كلفتى نفسك و فتحتى الواتس اب كنتى لقيتينى بعتالك مسدج اقوللك فيها اللى حصل لكن طبعا حضرتك مش فاضية للكلام ده
ثريا و هى تحاول الغلوشة على خطئها كان برضة تبلغينى زى ما بلغتى بابى 
مى هو حضرتك ما ركزتيش فى كلامى اللى قلته انا بعتت المسدج ليكى و لبابى و كالعادة بابى هو اللى شافها و اهتم انه يكلمنى و يتطمن عليا فقلت له و انا داخلة العمليات يعنى ما كلمتوش و طنشتك مثلا انا مجرد رديت علي تليفونه لانه على الاقل اهتم و سال عنى 
ثريا بدفاع انا ماشفتش الرسالة اصلا
مى بسخرية عذر اقبح من ذنب يا مامى حضرتك اصلا ما اهتميتيش حتى تبصى عليا و لا تعرفى عنى حاجة طول اليوم 
ثريا انتى اللى طلعتى من تحت طوعى و رفضتى انك تحضرى معايا الحفلة و صممتى على رايك
مى فقررتى تشيلينى من حساباتك اصلا .. مش كده 
ثريا انتى اصلا مش قاهمة حاجة مش عارفة ابوكى عمل ايه
مى بفضول بابى عمل ايه
ثريا پجنون ابوكى كوش على كل حاجة .. كل حاجة حرفيا الاوراق و الفلوس .. حتى مجوهراتى حط ايده عليها و حطها فى خزنته و غير كمان الباسوورد بتاعها و كمان كان عاوز يحبسنى 
مى باستنكار مين يحبس مين يا مامى
ثريا انتى فاكرانى بخرف ابوكى عمل انذار للخزنة و لما الانذار اشتغل وصل للبوليس 
لتشعر مى انها لا تستوعب شيئا من حديث امها فقالت طب يا مامى خلاص لما ابقى اجى هبفى افهم ايه اللى حصل 
ثريا و انتى هتيجى امتى انا عاوزاكى تيجى دلوقتى حالا كنت محتاجاكى و لما دورت عليكى مالقيتكيش
مى بامتعاض كمان ما اهتميتيش تبصى عليا غير لما احتجتينى معاكى 
ثريا بلاش هبل و تفاهات بقى .. خليكى فى المهم لو ابوكى فضل راكب و مدلدل رجليه بالشكل ده ماحدش هيعرف يرده .. ابوكى اټجنن .. ده قال النهاردة لضيوفى اننا هنبيع الفيلا و نشترى شقة صغيرة .. تصورى لأ و كمان مد ايده عليا النهاردة مرتين 
مى بشهقة لا يا مامى .. اكيد الكلام ده ما حصلش 
ثريا لا حصل و اتجرأ و عملها
مى ايه اللى وصل الامور بينكم للدرجة دى بس
ثريا و هى تحدث نفسها حتة فلاح مالوش اى قيمة .. يمد ايده عليا انا ثريا هانم 
مى باعتراض يا مامى مهما حصل ماينفعش تتكلمى على بابى بالطريقة دى 
ثريا انتى لسه قاعدة عندك بترغى بقوللك تعالى حالا 
مى للاسف مش هينفع الحالة اللى عملتلها العملية فى حالة حرجة و مش هينفع امشى و اسيبها قبل ما اتطمن عليها على الاقل لازم استنى حد من