رواية ابيض واسود الفصل الخامس والعشرون والاخير بقلم مني محمود بركات

فراغ كبير جدا مبتعملش فيه اي حاجه غير انها بتقعد تفكر وتتعب دماغها في التفكير طب ما تشغل وقتها احسن يعني
والله يا باشا ما عارف بقى انت مالك كده ملخبط لي دماغي كلها مره واحده في ايه
هههههههههههه ايوه انا عملك الاسود
احلى عمل والله
طب انجز بقى فكر في حوار بدور كمان هي بجد بتبقى زهقانه اوي وبتقول انها بتعمل حاجه بتحبها وبعدين لا بتخرج ولا بتحتك بناس يعني
طيب ماشي على ما تيجي كده ترد عليا في الحوار بتاع الشركه هكون ان شاء الله دورت الموضوع في دماغي عن اذنك بقى اطلع اشوف موضوع رحمه اللي بره
ماشي يا اخويا يلا روح كمل شغل
علا تاني يوم خدت معاها علبه فيها حمام محشي وعلبه تانيه فيها ممبار وعملت صينيه كيك وراحت لمياده
مكنش له لازمه كل ده يا علا ايه يا بنتي ده كله بقى انا هاكل كل الكميه دي وانا قاعده لوحدي كده
بالهناء والشفاء على قلبك يا حبيبتي كلي زي ما انتي عايزه وابقي شيلي الباقي جوه في الثلاجه المهم قوليلي نيجار تعبتك ولا قعدت مؤدبه
وهي حبيبه ستها دي تتعب حد ابدا طب والنبي دي هاديه مش طالعه لابوها ابدا وهو صغير الحمد لله
ههههههههه هو مؤمن كان شاي اوي كده
يا اختي مش قادره اقولك كان على طول مسمع الجيران حسي ياما كسرلي في حاجات وبوظلي حاجات
معقول مع اني بحس ان مؤمن هادي يعني
والله انتي اللي هاديه ده وهو صغير كان شقي جدا مكنش بيقعد خمس دقائق على بعض يتنطط من الركنه للانتريه للسرير ناقص كان يمشي لي على الحيطه ولا اجيبه من على النجفه
هههههههههههه لا الحمد لله نيجار مش كده هي زنانه وبتعيط كتير بس مش الشقاوه دي لا ان شاء الله مش هتطلع كده 
ان شاء الله يا حبيبتي هتاخد هدوءك انتي مش هتاخد حاجه من ابوها المهم طمنيني انت عامله ايه واخبار ابوكي وامك ايه معاكي
كويسين يا ماما الحمد لله
لسه زي ما هما يعني مفيش اي تغيير
تغيير ايه يا ماما اللي حضرتك ومؤمن مستنينه وبعد العمر ده كله السن اللي هما فيه ده مش سن يتغيروا فيه ابدا يعني ممكن ياخدوا بالهم شويه من كلامهم لكن اساس شخصيتهم معايا هيفضل زي ما هو وانا خلاص اتاقلمت يمكن الاول كنت تعبانه لاني كنت لوحدي لا في حد اتكلم معاه ولا في حد اشاركوا حياتي او اعرف حتى افضفض معاه لكن دلوقتي بقى عندي انتي ومؤمن ونيجار فيعني عندي جانب بيخليني استحمل جانب لكن ان انا اقول ان هم هيتغيروا او اضغط عليهم او اقاطعهم مش هيحصل طبعا هبقى بكذب على نفسي
ربنا يكملك بعقلك يا حبيبتي ويجعل صبرك على معاملتهم ليكي يا رب في ميزان حسناتك ويقعدهولك في بنتك وتشوفيها احسن الناس هي و ان شاء الله اخوها اللي هيجي في السكه قريب
هههههههههههه خلاص بقى اخوها كمان وجاي قريب
هههههههههههه طب بكره تقولي مياده قالت مش هتعدي عليكي السنه غير وانتي حامل وهتجيبي واد
كل اللي يجيبه ربنا كويس بس يعني شويه كده عشان تكون نيجار شدت حيلها وانا كمان وربنا يسهل
ان شاء الله يا حبيبتي ربنا ييسر لك امورك يا رب انا بدعيلك كل يوم في صلاه الفجر ربنا اللي عالم انك مش مرات ابني بس يا علا انتي زي بنتي بالظبط ربنا يعلم بحبك ازاي
حبيبتي يا ماما وانا كمان والله بحبك اوي ربنا يخليكي لينا يا رب وما يحرمناش منك ابدا
طب بقولك ايه بقى عشان الكلمتين الحلوين اللي احنا قلناهم لبعض دول هتقعدي النهارده تتغدي معايا وخلي مؤمن يجي على هنا ونزود اي حاجه كده جنب الاكل اللي انتي جايباه ونتغدى مع بعض هتفتحوا نفسي ايه رايك
ودي عايزه كلام مفيش راي بعد رايك يا مياده يا قمر انتي خلاص هكلم مؤمن واقوله
حبيبتي ربنا ما يحرمني منك ابدا طب يلا كلميه بقى وانا هخش اشوف في ايه في المطبخ نعمله
ماشي يا ماما وانا هاجي وراكي على طول
النهار عدي بدون تفاصيل تانيه واخر النهار خرج بهاء من القسم وراح الفيلا اللي قاعد فيها ابوه وعمته واخته بعد السلامات والعتاب علي بعده عنهم اتكلم بهاء معاهم في موضوع بكر
سوزي 
ايوه يا بهاء بس ده مش شغال في السيراميك يعني ده مخبر عندك خبرته ايه هو في المجال اللي انا بتكلم فيه
بهاء 
بكر مش مخبر بس بكر حد اجتماعي جدا وليه علاقات كتير لسانه حلو بيعرف يقنع اللي قدامه بسهوله باللي هو عايزه بيعرف يجيب معلومات عن اي حاجه من اي حته وبعدين هو هيبقى مسؤول عن التيم اللي فاهم في السيراميك كويس جدا اظن حضرتك هتبقى محتاجه نتائج حطي التيم كله زي تحت اختبار كده لمده ثلاث شهور مثلا وشوفي هيجيبوا نتائج ولا لا
بسمة
واضح ان حضرتك بتثق فيه جدا
بهاء ابتسم 
فوق ما تتخيلي يا بسمه
عز 
انا شايف ان احنا مش هنخسر حاجه كده كده بنبدا من اول وجديد فخلينا نبدا في ناس بنثق فيهم بدل ما يجي حد تاني ينصب علينا
سوزي 
انا عن نفسي شلت كلمه ثقه من قاموسي نهائي مبقتش اثق في اي حد
بهاء 
من غير ما تثقي يا عمتي زي ما قلتلك ثلاث شهور لاقيتي نتائج يكمل ما لقيتيش نتائج خلاص يروح لحاله
بسمة
انا شايفه ان احنا نجرب يا عمتو مش هنخسر حاجه فعلا
سوزي 
خلاص طالما كلكم موافقين نجرب
بهاء 
بس معلش في كده شرط صغير
سوزي بسخريه 
كمان هيتشرط
بهاء
المثل بيقولك اللي اوله شرط اخره نور مش تسمعيني بس الاول هقولك ايه
سوزي 
قول يا بهاء لما نشوف اخرتها
بهاء 
بعد الثلاث شهور لو اثبت انه شاطر وقدر يرفع معاكوا الشركه ويبقى لها اسم يبقى له نسبه بعد كده من اي عمليه هتتعمل نقول 5 مثلا
سوزي بضيق
ايه! نسبه ايه هو هيبقى موظف زي اي حد طب قول نعلي له مرتبه مدير تسويق بقى وبتاع لكن ياخد نسبه ليه ان شاء الله
عز ابتسم 
انت هتعمل مصلحه لصاحبك على خاطرنا احنا ولا ايه
بهاء 
خليني اكلمكم بلغه البيزنس اللي انتم تعرفوها دلوقتي انتي لو زودتي مرتبه زيه زي اي مدير تسويق هيعمل برده زي ما اي مدير تسويق بيعمل هيشتغل على قد المرتب اللي انتي بتديهله لكن لو اديتيله نسبه حتى لو صغيره هو هيجيب اقصى اقصى ما عنده علشان النسبه بتاعته تعلى ويبقى له دخل تاني من شغله غير المرتب هيحس بالانتماء ليكم اكتر يعني انتي هتكسبي اكثر من اللي انت هتديه
بسمة 
بس 5 كتير اوي يا ابيه دا غير ان احنا هنعلي له كمان مرتبه
سوزي كشرت 
لا طبعا مش موافقه بص يا بهاء بعد ثلاث شهور لو بقى زي