رواية ابيض واسود الفصل الخامس والعشرون والاخير بقلم مني محمود بركات

ابيض واسود
مني محمود بركات
الخامس والعشرين والاخير
شخصياتنا مختلفه دي جمله اكيد سمعتوها كتيييير
لكن أثبتت الدراسات أن كل إنسان جواه شخصيه وعكسها كل انسان بنشوفه بارد هادي ما بيتعصبش بسهوله وبياخذ الامور ببساطه هو هو نفس الانسان ده لو اتحط في موقف ما او في ظروف ما ممكن يبقى انسان عصبي عڼيف حاد مؤذي لنفسه وللي حواليه نفس الفكره لو تعرف انسان عصبي جدا بيغلط بسهوله ومبيتحكمش في نفسه قاسې ممكن لو اتحط في ظرف ما او مكان ما تلاقيه اتحول وبقى شخص هادي وطيب وحنين وتستغرب جدا بقى معقول فلان اللي معروف ان هو شديد جدا هو اللي حنيه الدنيا دي كلها فيه او معقول فلان اللي حنيه الدنيا فيه هو اللي اتحول وبقى قاسې كده

مفيش شخصيه ماشيه على نمط معين طول الوقت كلنا بنبقى في حياتنا زي مطبات والمطبات دي يا اما بتبقى عاليه قوي ممكن تغير نمط شخصيتنا على طول يا اما بتبقى مطبات بسيطه بتخلي مجرد اهتزاز شويه في شخصيتنا وبترجع شخصيتنا الاساسيه تاني زي ما هي
ابطالنا هنا عدوا بمطبات كبيره مش صغيره منهم اللي شخصيتهم اتغيرت تماما وفي منهم اللي شخصيتهم اتهزت بس فضلت زي ما هي
نرجع للروايه
صباح يوم جديد بكر وبهاء اتفاجئوا لما راحوا القسم بحركه ودربكه جامده ولما سالوا عرفوا ان رحمه اڼتحرت كانوا سايبينها في اوضه الظابط وقافلين عليها ولما بهاء سأل ازاي دا حصل العسكري اللي كان واقف قدام الاوضه قاله انها طلبت منه كوبايه ميه وهي بټعيط فصعبت عليه وجاب لها الميه وسابها وخرج مفيش دقايق ودخل لقاها كسره الكوبايه وقطعه شرايين ايديها الاثنين كانت كاتبه ورقه وسايباها على المكتب بتامن فيها اللي هيقراها ان يدفنها جنب ابنها
بصلهم كلهم بياس واحباط وسابهم ودخل مكتبه وقفل عليه بكر فضل بره شويه متابع الاجراءات اللي بتحصل وبعدين دخل لبهاء
ادخل يا باشا ولا مشغول في حاجه
تعالى يا بكر
انا عارف ان مود حضرتك قفل خلاص كده بس ده نصيبها هي كانت صغيره قوي على كل اللي بيحصل لها واكيد على قد تفكيرها هي هو ده اللي جه في بالها ان هيبقى راحه ليها انها هتروح لابوها وابنها
كان نفسي اوريها ان في ناس لسه كويسه كان نفسي اعرفها اني هجيب لها حقها وحق ابنها بس ما لحقتش
اديك قلت يا باشا ملحقتش احنا سواد الليل وجينا لقيناها ماټت ربنا يرحمها ربنا ارحم بيها مننا كلنا فك كده بس وشوف ورانا ايه متضايقش نفسك
وفيها ايه لما اضايق نفسي عشانها ده حتى جات الدنيا ومشيت وما حدش هيتضايق عشانها هنستخسر فيها ان احنا نتضايق عشانها خد نفس واتكلم سيبك مني انا وقول لي انت كنت جاي ليه
انا اتصلت بصراحه بكذا سمسار ومش لاقي حجز خالص ثلاث ايام ولا اسبوع كمان الوحيد اللي عنده يعني مكان فاضي اسبوع مقفول بعد اسبوعين
طيب يا بكر ما تقلقش بعد اسبوعين يا سيدي هديك اسبوع مقفول يكون بس رجب رجع من اجازه المړضي اللي هو واخدها يبقى هو هنا معايا على ما انت ترجع
هو احمد باشا واخد اجازه جواز قد ايه بالظبط
واخد شهر اشمعنا يعني ما تقلقش انا مش هربط اجازتك باجازته
انا عارف انا بس الصراحه بفكر لو ناجل الاجازه دي لما احمد باشا يرجع وزي ما هو خد هو والامين بتاعه اخذ انا كمان اجازتي وانت كمان معايا حضرتك بقالك كتير اوي مخدتش اجازه ومحتاج تفصل برده ايه رايك
والله يا بكر انا فعلا تعبت ونفسيا مبقتش احسن حاجه مشاكل ورا بعض وحوارات ومۏت ايهاب يعني حاسس ان انا فعلا تعبان ومحتاج اريح
خلاص يبقى كنسل بقى الاجازه ام ثلاث ايام دي ولما احمد باشا يرجع ناخذ لنا انا وانت اسبوع مقفول و محدش يقدر يتكلم معانا
طيب ماشي يا بكر بس مش تقول لبدور الاول لاحسن تكون اتحمست وبدات تحضر للمصيف وانت تروح تحبطها كده فتزعل منك
لا متقلقش بدور عارفه ظروف شغلي وعارفه ان انا ممكن في ثانيه اكون خلاص باخد الاجازه وتيجي قضيه معرفش اخد اجازه هي متعوده على كده وبعدين هقول لها ثلاث ايام ولا اسبوع فاكيد هتختار الاسبوع وتفرح بيه طبعا
ماشي بس كده احنا عندنا مشكله يا حلو
مشكله ايه دي
موضوع الشغل عمتي وبسمة مش هيستنوا المده دي كلها على ما انت تبقى تسافر وتفكر وانت مسافر وترجع وتقرر مش هينفع الشركه واقفه ومحتاجين ناس
والله يا باشا وانا اتكلمت امبارح مع بدور وهي برده رايها من رايك قعدت تحمس فيا بصراحه خصوصا ان هي لفتت نظري ان اهل امجد على قد حالهم شويه واحمد كتر الف خيره شايل امه واخته لسه بتدرس وهيجوزها فاكيد مش هنتقل عليه باي مصاريف تخص تاليا
طيب ايه اكلم عمتي بقى ونقول مبروك
انا فكرت بصراحه بس انا مش حابب اكون شريك يعني خليني اخد من هنا اجازه واحط برده الفلوس وديعه في البنك واشتغل معاها في الشركه موظف يعني فلو هو ده هيناسبها تمام هنزل اربط مع الناس واظبط الدنيا واقعد افهم الدنيا فيها ايه
انا المفروض كنت رايح اتعشى معاهم امبارح بس معرفش ازاي نسيت وسقطت الموضوع ده وبسمه اصلا زعلانه مني فهروح لهم النهارده فخليني اروح وافهم منهم الدنيا واقولهم على العرض بتاعك ولما ارجع بالليل هكلمك
طيب وحوار الاجازه ده حضرتك عارف ان لازم بيكون قبلها بمده حلوه يعني
هو انت مش هتربط مع الناس هتفهمهم وهتبقى متابع معاهم بالتليفون وكل ما يكون عندك وقت فاضي يطلع على الشركه لغايه اما الورق بتاع الاجازه بتاعك يخلص تروح واخد الورق بتاعك وطالع مظبط ورقك في الشركه ومظبط تعينك سهله يعني يا بكر
طيب تمام ماشي خلاص هستناك كده تكلمني وتقولي عمتك قالت لك ايه
طيب تمام معلش هتقل عليك النهارده تخلص انت حوار رحمه كله لان انا بجد مش فايق
تمام حاضر عن اذن حضرتك هطلع اكمل انا
اتفضل لا استنى استنى كنت عايزه اكلم معاك في حاجه كده
خير يا باشا حاجه ايه
انت ايه مشكلتك في شغل اختك بدور من البيت انت مش شايف ان عندها وقت فراغ كبير وخصوصا انها مختاره مجال هتبقى قاعده فيه في البيت ومش هتحتك فيه بحد يعني مش هتخاف عليها رافض ليه بقى
هي لحقت اشتكيت لك
يا سيدي ولا اشتكت ولا حاجه كل موضوع ان لما دخلت تتكلم في البلكونه بقول لها تسلم ايدك وانتي شاطره اوي في المطبخ راحت قايلالي ان كل ما تفتح الصفحه بتاعتها انت تقفلها
مش عايزاها تتبهدل غلطان انا يعني عشان عايز اريحها
ما هو كتر الراحه ده تعب يا بني ادم هي ماشي مشغوله مع تاليا والبيت والاكل بس عندها وقت تاني