رواية الصمت المعذب الفصل الرابع بقلم نورهان ناصر
ملك جوايا مش هاتسمح لحد يدخل بقولك بعشقها و ...
نظر له حسان بغيظ وهو يصفعه على وجهه منفعلا تحت تعجب أحمد الذي قال پصدمه
_ في إيه يا عم .
هدأ حسان ثم قال وهو يحك شعره بحرج
_ آسف معلش طلعت تلقائي لما لقيتك بتقول ملك جواك وبتعشقها لقيتني بضړبك ونسيت إن حبيبتك نفس الاسم .
رمقه أحمد بنظرات متهكمه
_ اتفضل يعني غيران عليها وعايز يجوزهالي ده كلام ناس عاقله دي .
_ قولتلك مش جواز حقيقي أوف بقى ما تضيقش خلقي يا أحمد أنا بس عايزك تتجوزها سنتين بس وبعدها ليك الحرية .
تحدث أحمد برفض وهو يتنفس بقوة
_وأنا مش موافق خرجني برا الموضوع ده الله يخليك يا حسان أنا مش ناقص احړق قلب واحده تاني واعذبها كفاية عليا ملك اللي كسرت قلبها ولا أنا خلاص بقيت متخصص في كسر القلوب علشان كدا طلبت مني .
_ يا أحمد اسمعني ....
قاطعه أحمد يقول بنبرة جدية وهو ينظر بعينيه مباشرة
_ آسف يا حسان اللي بتطلبه ده صعب أنا واحد عاش محروم من حبيبته فلو هي حبت ترجع له أو أنا في أيدي اجمعهم مع بعض إزاي عايزني ابعدهم وأنا ذايق الحرمان بعدين لو بتحبها بجد هاتتمنالها السعادة حتى لو مع غيرك .
_ بحبها آه بس عايز انتقم لكرامتي أنا مش بقولك افضل متجوزها على طول بعد فترة طلقها .
صړخ أحمد حانقا
_ وهتستفاد إيه فهمني
تهكم حسان وبرز ذلك في نبرة صوته
_ أبعدها عنه فترة واحړق قلبها عليه أنا لو عليا مش عايزك تطلقها أبدا أصلا وتفضل تتعذب كدا طول عمرها .
_ لا يا حسان أنت مكنتش كدا فوق أرجوك من اللي بتقوله ده .
_ هي السبب في اللي وصلتله مش عايزهم يجتمعوا بعد وفاتي على طول استنى أما العدة تخلص صحيح ما اتجوزتهاش بس ليها عدة هاتخنق وأنا مېت يرضيك .
قهقه أحمد بعلو صوته يردف ساخرا
_ أنت خلاص فقدت عقلك على الآخر وبتعايب عليا .
بملامح جامدة أردف حسان
_ أحمد هايبقى فيها زعل كبير وھموت وأنا ڠضبان عليك مش بطلب منك حاجه كبيرة هما سنتين وطلقها يا عم .
مسح أحمد على وجهه بقوة وهو يتنفس بصوت مرتفع يوليه ظهره يفكر في حديثه بجدية ما الضرر في ذلك سيتزوجها لفترة ويطلقها لتعود إلى حبيبها أو لا تعود لا يهمه المهم أنه سيتركها في النهاية .
_ ها يا أحمد قولت إيه .
استدار له أحمد قائلا بعد تنهيدة قوية
_ قولت لا إله إلا الله.
أكمل حسان ببسمة صغيرة
_ محمد رسول الله.
قال أحمد وهو يتساءل
_ طيب قعدت تخطط كدا ونسيت أهم حاجه إيه اللي هيجبرها توافق عليا بقى ما يمكن ترفض ليه محطتش الاحتمال ده في بالك .
توسعت ابتسامة حسان وهو يمد يده يعبث بشيء داخل سترته ضيق أحمد عينيه وهو يتابع حركة يده أخرج حسان ورقة مطوية قال وهو يعطيها له
_ خد اقرأ دي أنا عامل حساب كل حاجه.
التقط أحمد الورقة منه وأخذ يقرأها بعناية ورغم أن الكلمات أوجعت قلبه من مجرد تخيل أنه يقرأ وصية صديقه أو أن يفقده لتنهمر دموعه بقسۏة وهو يلقي الورقة أرضا يندفع له يحتضنه بقوة وهو ينبس بصوت منخفض
بادله حسان العناق وهو يجاهد دموعه هو الآخر رفع يده يربت على ظهره
_ أنا في قلبك يا صاحبي حتى لو مش موجود معاك توعدني يا أحمد تنفذ وصيتي وتتجوزها.
_ أوعدك يا حسان .
عاد أحمد من شروده على تلك المياه التي تتساقط من عينيه بقوة وصوت حسان يتردد على عقله
أنا في قلبك يا صاحبي حتى لو مش موجود معاك
مسح أحمد دموعه ثم انطلق بالسيارة عازم على تنفيذ وصية حسان مهما كلفه ذلك.
تجوب أرضية الغرفة ذهابا وايابا من التوتر تنظر إلى معدتها بملامح باكية تطالع بروزها الظاهر للعين وهي تنفخ الهواء بحنق واضح والأخرى تجلس على الأريكة تنظر لها بصمت توقفت ملك تقول بنبرة صوت مرتفعة من البكاء
_ خلاص مش قادره أكمل في التمثيلية دي حرام اللي بنعمله ده حرام أنا تعبت بجد ومش عارفه أعمل إيه .
ختمت ملك حديثها وهي ترفع طرف بجامتها تنزع تلك البطن الاصطناعية تلقيها بجوار نعمه التي تلتزم الصمت على غير العادة حركت ملك عينيها عليها تقول بضيق شديد من صمتها
_ مالك يا ست نعمه لا اسكت الله لك حسا !.
زفرت نعمه الهواء بقوة وقالت بعينين باردتين
_ عايزاني أقول إيه ما أنا ياما قولت ولا حياة لمن تنادي سيادتك المفروض بقى حامل في خمس شهور هتعملي إيه .
جلست ملك على المقعد وهي منفطرة من البكاء تغمغم بضعف شديد
_ أروح اموتلك نفسي يعني يارب أنا تعبت وعايزه أموت بقى .
نهضت نعمه تجلس أمامها وهي ترفع وجهها تقول
_ استغفري ربك وما تدعيش على نفسك لأنه حرام الحل علشان نخلص من الكدبة اللي قالها حسان الله يرحمه إنك تعملي اجهاض...
سخرت ملك رغما عنها
_ مش لما ابقى حامل الأول علشان أعمل اجهاض.
ابتسمت نعمه بتكلف تقول بغيظ
_ ما أنا عارفه يا غبيه هنمثل إنك سقطتي وخلاص.
حركت ملك رأسها برفض للفكرة تقول بنبرة ضعيفة
_ حماتي تروح فيها بعدين مش هتسامحني لو عملت كدا وضيعت آخر امانه من ابنها .
_ يا ذكية اومال هنعمل إيه ما الكدب ملوش رجلين ولا هتخطفي عيل وتقولي ده ابني.
نفخت ملك الهواء بضجر وهي تسترخي على المقعد بكامل جسدها
_ أوف أنا تعبت أكيد مش هعمل اللي بتقولي عليه ده الصدق أحسن حاجه في الوقت ده واحنا غلطنا لما سكتنا وقتها لو كنت قولتلهم إني مش حامل كان أفضل .
_ وايه اللي منعك بقى .
شردت عيني ملك وهي تقول
_ نظرات حماتي ليا وقتها يوم الخبر قبل ما نروح المستشفى لما فوقت ولقيتها بتقولي إني ااكد اللي قاله الوزير كانت نظراتها بتترجاني وقتها أقول أيوه مقدرتش اكسر فرحتها وقتها .
قالت نعمه بدموع شديدة
_ ودلوقت مش هتكسري فرحتها .
صاحت ملك بعينين دامعتين وهي مڼهارة كليا
_ خلاص اسكتي بقى أنا زهقت كذا مرة حاولت أقولها بس لساني مبيطاوعنيش بلاقيها قاعدة تخيط في هدوم لحفيدها وفرحانه وهي بتوريهاني كنتي عايزاني أعمل إيه وقتها ومرة تانيه لقيتها جايبالي صندوق في هدوم حسان وهو صغير بتفرجهالي وتقولي هنلبس ابنه من هدومه تقولي هايبقى شبه حسان تلمس بطني وتقولي اللي مصبرني هو ده وتدعي لي اقوم بالسلامه .
صمتت ملك تتنفس بصوت مرتفع وهي تصرخ بحړقة وقد فاض كيلها
_أقولها إيه وقتها معلش أنا مش حامل وكدبت عليك وحفيدك اللي قاعده تعدي الأيام علشان ياجي ملوش وجود انطقي سكتي يعني يارب
