رواية قدر لنا اللقاء الفصل الثاني عشر بقلم ريهام أبوالمجد
نام على سريره هو كمان وقال اووي يا حودة.
محمود مش مصدق لحد دلوقتي إن فاضل كام ساعة وتكون ملكي وبين إيديا وأصحى كل يوم الاقيها نايمة جنبي وأكون أول واحد يشوف عيونها أول ما تصحى وإننا هنجيب عيال شبهنا تعرف نفسي في بنوتة حلوة شبهها وتكون نسخة منها ومش هجوزها خالص ولا أعطيها لحد.
شريف ضحك وقال حتى بنتك بتغير عليها من دلوقتي.
شريف بضحك الله يعينك يا شروق.
محمود بغيرة لو قولت اسمها تاني هقوم أدغدغك أنت سامع.
شريف بضحك خلاص يا باشا حاضر هقولها يا مرات أخويا كدا استريحت.
محمود ايوا كدا حلو ويا ريت متتكلمشي معاها خالص أنا أصلا مش طايقك.
محمود بصله وعينه بتطلع شرار فاكر أول مرة شوفتها في الكافية فضلت تعاكس فيها وتقول جوزهالي يا محمود فاتلم بقى عشان غلطة كمان وھقتلك ومش هتلحق تتجوز وتتهنى.
شريف فضل يضحك لحد ما وقع من على السرير وقال يخربيت كدا دا أنت قلبك أسود اووي يا حودة أنت لسه فاكر وبعدين كنت بهزر وخلاص بقت مرات أخويا يعني فوق راسي وبعدين أنا بحب لارين يا باشا.
تاني يوم ودا اليوم الموعود اللي هتقام فيه حفلة الموضة اللي هيقدم فيها محمود الديزينات بتاعة شركتهم وكمان طبعا يوم فرحهم أهم حدث في حياتهم.
شروق قامت من نومها هي وهيام وبدأت تجهز نفسها فسمعت صوت الباب بيخبط فراحت تفتح لقت محمود ومعاه بوكية ورد.
محمود بحب صباح الجمال على أجمل عيون وقعت في شباكهم.
محمود لا اتلمي بدل ما أتهور وترجعي تزعلي.
شروق ضحكت جامد وهو قرب الورد وقال مقدرتش ابدأ يومي من غير ما أشوف عيونك.
شروق بحبك.
محمود غمض عيونه وقال بقولك إية نيجي نهرب وسيبك من الفرح والكلام الفاضي دا
شروق ضحكت وقالت أعقل يا حبيبي ويلا عشان تشرف على الحفلة وأنا هغير هدومي وأحصلك.
شروق لية عايزة أشرف معاك على شغلنا.
محمود بصرامة أنتي عارفة يا شروقي إني مش بكرر كلامي مرتين فاستهدي بالله كدا واسمعي الكلام يا قلبي.
محمود حس إن شروق زعلت منه وهو مش بيقدر على زعلها فقرب منها وحضنها وقال حبيبتي النهاردة يوم فرحنا اليوم اللي حلمنا بيه بقالنا سنين فلازم ترتاحي وكمان تجهزي نفسك براحتك وتعيشي كل ثانية فيه وتحسي بيها وأنا عايزك ترتاحي عشان مش هسيبك بعدها.
شروق ضحكت وقالت حاضر يا حبيبي فهمتك المهم تاخد بالك من نفسك.
محمود باس راسها وقال خدي أنتي بالك من نفسك عشاني أنا.
سابها ومشي وهي دخلت بس الباب خبط تاني افتكرته هو ففتحت وقالت نسيت إية يا حبيبي
بس لقت قدامها أربع بنات وشايلين في إيدهم شنط والإتنين التانين ماسكين الفستان الأبيض.
واحدة من البنات قالت صباح الخير يا مدام محمود احنا اللي هنجهزك ومحمود بية هو اللي بعتنا ليكي.
شروق ابتسمت وقالت أكيد اتفضلوا.
دخلوا البنات وفردوا الأدوات بتاعتهم وهيام حضرت الحمام لشروق وجهزت فيه كل حاجة هتحتاجها وبعد ما خلصت خرجت وبدأوا البنات يجهزوها اتنين ليها واتنين لهيام لأنها صاحبة العروسة.
لارين وميرا وصلوا وهيام فتحتلهم فلارين راحت حضنت شروق وقالت شوشو إية القمر دا يا قلبي.
شروق مفيش
