رواية اڼتقام انثي الفصل الثلاثون بقلم رشا منصور

عندها حساسية منها 
ويعرفوا العلاج الغلط. اللى خدته تأثيرة هيوصل لحد فين لان واضح ان حالتها بتسوء 
كلنا خوفنا وفضلنا نبكي طول عمرنا شايفين عمتي قويه وبصحتها فجأة تقع كدا ومش عارفين نعمل حاجه
عثمان.
قولت ل جيلان كتر خيرك يا بنتي جميلك ع رأسي من فوق خليكي معانا وأنا هعوضك عن شغلك وفوقهم كمان الفلوس اللى انتي جيبهالي لقيتها قالت 
أنا معاها من غير مقابل أنا عمري ما انسي زعلها ع ابني ووقوفكم جنبي روحوا انتوا ارتاحوا وأنا هتابعكم بالموبايل 
طلبت من عبدالرحمن يجيب لها أكل وميه وعصاير لأنها نزلت من غير اكل وطلبت من سناء بنتي تفضل معاها
جيلان.
لقيت عبدالرحمن بصلي وقالي هاتي موبايلك اكتبلك ارقمنا وقالي أنه سجل رقمه ورقم أبوه ورقم سناء ورقم عمه عثمان كان معايا أصلا من الأول أيام ما كنت بوضب العيادة
عبدالرحمن.
اخدت الموبيل من جيلان بحجه انى هسجل ارقامنا واتاكدت ان ارقامنا مش موجودة عندها وخدت رقمها ونزلت اجيب الطلبات اللى قالي عمي عليها واتصلت بواحد صاحبي شغال تبع شړكة اتصالات قولت له شوفلي الخط ده بأسم مين وشوف آخر مرة الرقم ده اتصل ع حد من الصعيد كان امتي 
وقولت أكيد لو لها علاقه بحد هنا وهو اللى بيلعب معاها وبيهددنا هعرف إسمه وعنوانه كمان
جيلان. 
انا عارفه من الأول ان اذكى واحد فى العيلة دى هو عبدالرحمن وهو الوحيد اللى ممكن يكشفني. علشان كدا كنت عامله حسابي وشايله صورة أحمد من الفون ويعتبر كل الصور كانت عن الحشرات ومجرد ما كلهم نزلوا طلبت من الدكتور إنى أحضر وهى بتعمل التحاليل بصفتي دكتورة وسناء فضلت منتظرة بره
وفى أقل من لحظه شكيت السن التانى فى نفس الوقت اللى الدكتور بيسحب منها عينة الډم 
وبعد ما خلصت طبطت عليها وقولتلها اطمنى أنا معاكي لحد ما ترتاحي خالص واتنقلت ع غرفة وأنا دخلت الحمام وشيلتن فى علبة العناكب 
عبدالرحمن. 
يتبع.