رواية ابيض واسود الفصل الثالث والعشرون بقلم مني محمود بركات
علي السفره
صباح الخير يا حبيبتي
صباح الخير يا حبيبي... اوعي تقولي مستعجل ومش هتفطر دا أنا محضرالك فطار ملوكي والله
ما هو باين اهو وانا مستعجل جدا لاني ورايا مشوار ضروري قبل القسم بس هقعد افطر معاكي الاول أنا عندي كام بدور يعني
أيوة كدة حبيبي حبيبي .. بس مشوار اي دا
في حد عايز يشتري شقه بركات وكلمني هقابله كمان شويه عشان يشوفها من جوة ولو عجبته واتفقنا هنمضي انهاردة بالليل أن شاء الله
اومال فين توتي
نايمة الحمد لله البت بتصحي في أوقات غريبه يا بكر وترجع تنام في أوقات اغرب
مش امها بدور يبقي طبيعي البت تبقي غريبه يعني معروفه
نيني نيني نيني خفه اوي
جرس الباب رن بكر وهو رايح يفتح
هفتح وارجعلك اعرفك مين الخفه يا بدور صبرا بس ... اهلا يا باشا اتفضل اتفضل حماتك بتحبك والله لسه كنا هنفطر
تسلم يا بكر أنا كنت رايح ع القسم قلت اشوفك لو رايح نطلع سوا بالعربيه
بكر
تعالي بس نتكلم واحنا بنفطر والله العظيم ما هفطر الا لو دخلت فطرت معايا
بهاء كشړ
انت بتحلف ليه يا جدع انت
بكر ابتسم
اهو حلفت واللي كان كان ولعلمك بدور صاحيه من بدري ومحضرة فطار إنما اي تخيل كدة لو دخلت قولتلها اني مش هفطر هتعمل فيا اي لو يرضيك خلاص براحتك
هتعمل منك بطاطس محمره
بكر وهو بيدخل بهاء ويقفل الباب
طب كويس انك عارف اتفضل ادخل بقا
بهاء وقف
طب ادي اختك بس صوت اني داخل معاك الاول
بكر هز رأسه ودخل الصاله عرفها أن بهاء بره وهيفطر معاهم هزت راسها من غير كلام وفضلت ثابته مكانها ... دخل بهاء ورمي السلام ردت بدور بصوت واطي وفضل ساكته
بكر
بهاء
اكيد يا بكر ... هتيجي معايا بعد الفطار ولا اي
بكر
لا هروح مشوار كدة في واحد عايز يشتري الشقه بتاعت بركات هيروح يشوفها ولو عجبته واتفقنا هنمضي العقد بالليل ان شاء الله
بهاء
أن شاء الله خير تمام خلص مشوارك وحصلني ورانا شغل كتير انهاردة بصراحة قدامك تلت ايام الشغل فيهم كتير شويه عشان الإجازة اللي بعدهم
إجازة اي أنا مطلبتش إجازة !
بهاء وهو بيبص بطرف عينيه علي بدور
لا طلبت عشان تاخد اختك وتوتي وتطلعو مصيف أنا حاولت اجبلك اسبوع بس بسبب إجازة جواز احمد معرفتش اجيب غير خمس ايام بس يارب تكون مبسوط كدة يا بكر
بدور وطت رأسها عشان محدش يلاحظ ابتسامتها
بكر
حبيبي يا باشا تسلم والله مش عارف اقولك اي بس يارب الحق احجز والاقي مكان كويس
هتلحق أن شاء الله عندك تلت ايام شغل وتظبيط سفريتك أن شاء الله تحلق وتتبسط ابقي افتكرنا بقا هه
بدور ابتسمت اكتر
بكر
اكيد طبعا ... انا مقدرش انساك يا باشا مصر
بهاء ضحك
بكاش طول عمرك مش هتتغير
بكر
ابدا والله انت حبيبي وانت عارف
بدور اخيرا طلعت صوتها
هقوم انا اعملكم الشاي
بهاء
لا استني شاي اي أنا يا دوب اتحرك هبقي اشرب القهوة في القسم بكر متتاخرش عليا ورانا شغل كتير مش هوصيك
بكر
أن شاء الله بعد ما تشرب قهوتك تلاقيني قدامك علي طول
بهاء اتحرك علي القسم وبكر راح مشوار وبدور فضلت قاعدة سرحانه شويه تضحك وشويه تكشر وشويه تفكر فىترجع تكشر تاني
بهاء وصل مكتبه لاقي المذيعه
