رواية ابيض واسود الفصل الثالث والعشرون بقلم مني محمود بركات
في انتظاره مها اللي قدمت الحلقه اللي كسرت الدنيا وخلت القضيه قضيه راي عام بجد استقابلها في مكتبه وبعد ما القهوة نزلت اتكلمت هي
أنا عارفه اني دي قله زوق مني اني اجي من غير معاد كدة
لا طبعا مفيش قله زوق ولا حاجة حضرتك تنوريني اي وقت
بجد ميرسي لزوقك ... أنا بصراحة يعني كنت طمعانه في حاجة كدة واتمني حضرتك متكسفنيش
كنت عايزاك معايا
معاكي ازاي يعني
اقصد يعني تطلع ضيف معايا في حلقه
ااه... بس هطلع اتكلم في اي القضيه اتقفلت وبقي محظور فيها النشر
احنا مش هنتكلم عن القضيه دي خالص احنا هنتكلم عن الچريمة عموما الحلقه هيكون فيها دكتور علم نفس في الچريمة ومفروض حضرتك و مشرع قانوني هنتناقش عن الچريمة وأسبابها ونتائجها كدة يعني حلقه عامه مش عن قضيه محددة
اسبوع. أن شاء الله عشان نحضر لها كويس أنا عندي هوا بكرة لو حضرتك وافقت بكرة في الحلقه هعلن عن أن الحلقه الجايه هتبقي عن اي وكدة يعني
تمام انا موافق انتي خدمتيني ولازم اردلك الخدمة بس ابقي عارف قبل ما اطلع هوا أنا هتسال في اي بالظبط ويحقلي أن اي سؤال ميعجبنيش اطلب أنه يتمسح نهائي اتفقنا
اتفقنا طبعا حضرتك تؤمر
بهاء
الأمر لله
مها
طيب ممكن رقم حضرتك عشان اخلي الاعداد يتواصل معاك يتفقو ع التفاصيل كلها وكدة
بهاء
اكيد طبعا
مسك ورقه وقلم وكتب رقمة وادهولها وهي شكرته مرة تانيه واستاذنت ومشيت بعدها بهاء رجع انشغل في القضايا اللي معاه
في شركة شريف سابقا كانت سوزي وبسمة مجتمعين مع تيم جديد تماما غير التيم اللي مع شريف وبيشوفو الخطة الجديدة اللي هيتعاملو بيها
أنا عايزة اغير نشاط كله مش هشتغل في استيراد الادوات الطبيه دي مبفهمش فيها
مدير الشؤون القانونية
بس تغيير النشاط دا مش حاجة سهله هياخد وقت ومصاريف كتير
المحاسب القانوني
لا يا متر متقلقش البطاقه الضريبيه للشركة مش متحدد فيها نشاط مكتوب شركة الشريف للاستيراد والتصدير والتوكيلات التجاريه فقط احنا من حقنا نستورد ونصدر اي حاجة ونعمل توكيلات مع شركات برة كمان بس اللي مش هينفع هو تغير العلامة التجاريه والاسم التجاري دول اللي هياخدو فلوس كتير ووقت اكتر
لا مش لازم نغير الاسم والعلامة التجارية علي الأقل دلوقتي ممكن قدام شويه ولا ايه يا عمتو
سوزي
مع اني مكنتش حبه اكمل بنفس الاسم بس تمام ماشي
المحاسب
وحضرتك حبه نغير النشاط ل ايه في حاجة معينه في دماغك حضرتك ولا هنفكر ونشوف السوق
سوزي
احنا شركتنا كانت متخصصه في العقارات ودا صعب دلوقتي للاسف بس انا اتفقت مع تلت مصانع سيراميك كبار في مصر ومصنع من الصين أن نكون وكيل ليهم ونوزع لهم احنا هي اه حاجة بعيد عن العقارات بس احنا لينا علاقات كتير نقدر نستغلها في الموضوع دا
يعني هنعمل اي مش فاهمه
المحاسب بهدوء
حضرتك تسمعي عن مولات السلاب اللي في كل مكان
بسمة
اه اسمع عنها
المحاسب
احنا هنبقي زيهم بس علي صغير عشان لسه بنبدء هناخد من المصانع الكبيرة ونوزع أو نبيع احنا بيكون لينا عموله وهامش ربح غير حوار المصنع اللي من الصين دا بيفتح لينا سوق باسمنا احنا بس لأننا الوكيل الوحيد بتاعه فهيفرق جدا معانا
بسمة
تمام فهمت ... بس دا سوق مختلف خالص يا عمتو
سوزي
