رواية ابيض واسود الفصل الثالث والعشرون بقلم مني محمود بركات

معلش يا بسمة هنتعب شويه بس أن شاء الله هنلاقي نتيجة واسم الدميري هيرجع تاني السوق حتي لو النشاط مختلف احنا كدة محتاجين مين تاني معانا عشان نبدء 
المحامي
محتاجين مدير تسويق وتيم تحت منه يكونو شاطرين جدا وليهم خبره في المجال دا ومحتاجين اسماء تجار وموزعين جمله عشان نبدء نعرض عليهم الشغل
سوزي 
طيب تمام نعمل اعلان ونشوف اللي هيتقدمو ونختار وبعدها نبدء علي طول
اتفقوا علي التفاصيل اللي هتم الفترة الجايه وبعد الاجتماع بسمة اتصلت علي بهاء
حبيبتي اخبارك اي
الحمد لله يا أبيه انت اخبارك ايه وحشتني
الحمد لله انتي كمان وحشتيني اوي ... اخبار الشغل ايه في جديد 
يختي دي ليله كبيرة اوي ساعات بحس اني اتسرعت لما سبت شغلي وجيت اساعد عمتو وساعات اقول لا كدة صح هي مكنتش هتقدر لوحدها
انتي مقدمة علي إجازة بدون مرتب مسبتيش شغلك دا اولا ثانيا أنا معاكم في اي حاجة تحتاجوني فيها بس من بعيد ل بعيد
طب احنا محتاجين تيم تسويق عندة خبره في مجال السيراميك تعرفها دي ولا اي 
بهاء فكر شويه 
بصي هو أنا معرفش بس انا اعرف حد بيعرف في كل حاجة وشاطر هساله وارد عليكي
دا رجل أعمال يعني 
بهاء ضحك
والله هو دماغه متكلفه ولا اجدعها رجل اعمال بس هو مش بيزنس مان لا دا شغال معايا هنا في القسم دارعي اليمين وصديقي كمان ف متقلقيش أنا واثق أنه هيتصرف
طالما حضرتك واثق فيه يبقي تمام هنتظر تلفون منك بقا متنسناش بس
مقدرش انساكم يا لمضه انهاردة بالليل هرد عليكي إذا كان هيقدر يساعدكم ولا لا ... قوليلي بابا عامل اي دلوقتي
تعالي اتعشي معانا انهاردة واطمن عليه بنفسك ممكن 
مع اني مشغول اوي يا بسمة بس حاضر هاجي انت تؤمري يا حبيبتي
احلي أبيه دا ولا ايه
ماشي يا احلي بسمة يلا روحي كملي شغلك وخليني اكمل شغلي أنا كمان
ماشي يا حبيبي مع السلامة
مع السلامة
علا كانت بتزور أهلها وتقضي اليوم معاهم وهما بيحضرو الغدا هي وماماتها دار الحوار بينهم
جوزك هيجي علي الغدا ولا زي الاسبوع الي فات 
مؤمن خد إجازات كتير يا ماما و
قاطعتها 
خلاص خلاص يبقي زي الاسبوع اللي فات عموما براحته انتي وبنتك بس اللي تهمونا هو حر مش هيزودنا بطلته يعني
يا ماما والله عنده شغل انتي بس اللي فاهمه غلط صدقيني
خلاص بقا ما علينا ... شوفتي عملتلك اي كل الاكل اللي بتحبيه وعملتلك صينيه مكرونة بالبشاميل ف الفريزر تاخديها معاكي وانتي نازله انتي مبتعمليهاش حلو زي بتاعتي عملتلك دي تبقي تعمليها في البيت بقا اي يوم تاني
اكيد مش هعرف اعمل حاجة زيك يا حبيبتي تسلم ايديك تعبتي نفسك عشاني
وهو أنا ليا غيرك يعني اتعبلة يكشي يطمر بس
بيطمر يا ماما بيطمر
طب قومي ريحي جوة شويه شكلك مرهق قومي ريحي ولما اخلص الاكل وابوكي يجي هصحيكي أنا كمان وصيته يجبلك القهوة اللي بالبندق اللي بتحبيها وهو جاي
أنا مش تعبانه خليني قاعدة معاكي ... وتسلمولي حبيبتي متحرمش منكم ابدا
ولا منك يا نور عيني انتي
بكر خلص مشواره ورجع علي القسم دخل ل بهاء علي طول
باشا
اهلا اهلا اخيرا شرفت هو دا اللي وراك علي طول اول ما تشرب قهوتك هتلاقيني قدامك
حبيبي وربنا معلش ڠصب عني والله الراجل فضل