رواية ابيض واسود الفصل الثاني والعشرون بقلم مني محمود بركات
وتختار يلا تصبح علي خير سلام
وانت من أهله ... سلام يا باشا
بهاء نزل وبكر دخل وافتكر اللي بدور عملته دور عليها في اوضتها ملقهاش اتكلم بصوت عالي وهو رايح اوضته
مستخبيه كمان !! ماشي الصبح هعرفك شغلك لاني تعبان ومفرهد دلوقتي مش قادر ادور عليكي
دخل اوضته وفي خلال دقائق كان نام وعدت الليله بكل اللي فيها عليهم وطلع نهار يوم جديد
بهاء حضر شنطة صغيره وفهم أبوة وعمته أن عندة قضيه ماسكها مع اتنين صحابه وفيها سفر كتير وأنه هيقعد عند حد منهم بس قبل ما يمشي عز سأله ( ولو مش اسمه عز مشوها عز هه )
عملت اي في موضوع نيرة يا بهاء
قدمت التسجيلات كلها للنيابه والتحقيق مفتوح وحاليا هي مطلوب القبض عليها بسبب حاله مهاب بس انا معرفش هي فين للاسف قالت كل حاجة لكن مكان ما هتروح مقالتش خالص
سوزي
مش سهله بردو بنت الايه يمكن كانت عامله حساب انك تكون بتسجلها يا بهاء
بهاء
ممكن فعلا
عز
واحنا هنفضل قاعدين حطين أيدينا علي خدنا كدة خلاص كل حاجة راحت
سوزي
اهدي شويه يا عز الضغط مش مظبوط عندك بقاله مدة اصلا هنعمل اي يعني
عز
طب مهاب عامل اي وليه مش مسموح نشوفه
بهاء
والله كويس والعلاج ماشي تمام ووقت ما الدكاترة تسمح بالزيارة هنكون كلنا عنده اكيد
عموما يا بهاء أنا هحط الفلوس اللي في حسابي الشخصي ع مجوهراتي وأشوف هيعملو كام وهنجب فيلا صغيره كدة نسكن فيها مش هتفضل مقيدين حريتك كدة كتير متقلقش
بهاء
أنا لا متقيدة حريتي ولا قلقان يا عمتي دا بيتكم وانتم مش مضايقني في حاجة
عز
شكرا يا بني اصيل
بهاء
مفيش شكر بينا اكيد ... اومال بسمة فين
سوزي
قالت هتنزل تقابل صحابها في النادي شويه وترجع ع الغدا
بهاء
تمام .. عن ازنكم أنا بقا سلام
سوزي وعز
سلام
بهاء ركب عربيته ورن علي بسمة مرة واتنين بس مردتش نفخ بعصبيه وطلع ع بيت بكر هو سكت علي موضوع شريف كتير ودلوقتي وقت الحساب قضيه عمر وعصام خدت كل وقته ودا وقت عيلته عيلته وبس
ايوة مين
بصلها باستغراب
أيوة مين ! انتي عندك زهايمر مبكر فين بكر
بدور كانت ناسيه شكله وافتكرته لما اتكلم بس كشرت بسبب كلامه
اي زهايمر مبكر دي لا طبعا انا زي الفل
ياستي وانا مالي زي الفل ولا زي الخل أنا عايز بكر هو فين
خل !! أنا زي الخل !!!! انت ازاي تقولي كدة لا خلي بالك احنا هنكون جيران وكدة دا مؤشر مش كويس
بجد هي شكلها هتبقي جيرة مهببه ( نادي بعلو صوته ) بكرررر يا بكر انت يا بكررر
مش هسمعك لان اوضته اخر اوضه في الشقه منفصله عن العالم كله حويط بكر تعرف أن اتخنقنا عليها كتير الاوضه بس هو عشان مفتري خدها ڠصب واقتدار
عيونها دمعت واتكلمت بسرعه وصوتها مخڼوق
لا طبعا انا مسمحلكش تقولي كدة علي فكرة أنا بس لما بتوتر بتكلم كتير و وبكر كان بيحكيلي كتير عنك مش مع اي حد أنا بعمل كدة أنا أنا اسفه عموما عن ازنك هندهلك بكر
دخلت بسرعه وهو اتلجم مكانه عيونها اللي بتلمع بالدموع لخبطتها وهي بتتكلم خدودها اللي احمرو من الاحراج صورتها كلها علي بعضها اطبعت
