رواية ابيض واسود الفصل الثاني والعشرون بقلم مني محمود بركات

فتحت بدور
أيوة .. نعم
دي شقه بكر
أيوة مين حضرتك
قوليلو بهاء لو سمحتي
حضرتك الظابط اللي شغال معاه صح
أيوة أنا
طيب لو سمحت قبل ما اندهله عايزة اقولك مينفعش كدة انت مخليه ديما مشغول أنا عايزة الحق اشوفو واشبع منه ينفع تسيبهولي قيمة يومين تلاته كدة نفسي نسافر جمصة ولا راس البر وهو بيقولي مش فاضي الظابط اللي شغال معاه يا بدور معتمد عليا أنا مش هعرف اغيب المدة دي كلها يعني حضرتك ينفع كدة يرضيك يعني أنا وبنتي منصيفش بسببك هتبقي مبسوط وضميرك مرتاح يعني ولا اي انت مش بترد ليه عليا
بكر من وراها 
انتي مش مديااااه فرصه يتكلم يا بنتي في اي قطر داخل ادخلي جوة يا بدور ادخلي جوة وحسابنا علي اللي حصل دا بعدين يلا
بدور وهي داخله 
اسكت واكتئب مش عاجبه انفتح علي الحياة واتكلم مش عاجبه اعمله اي دا بس يا ربي
بكر بصوت عالي 
أنا سمعك علي فكرة هه سمعك اتكي ع الصبر يا بدور جايلك 
بص ل بهاء اللي متنح من اللي بيحصل قدامه 
باشا مصر كلها اتفضل لؤاخذه علي اللي حصل دا اتفضل ا باشا ... اي يا باشا مالك متخشب كدة ليه اتفضل
اتفضل اي بس دا بينها جيره ما يعلم بيها الا ربنا انا ماشي يا عم مش ناقص جنان أنا
مسكة من دراعه قبل ما ينزل 
استني بس يا باشا رايح فين ... معلش هي بس بدور يا تسكت خالص وتفضل بټعيط وتندب لوحدها يصوت واطي يا تمشي تضحك وتهزر مع الناس كلها معندهاش وسط بعيد عنك تعالي بقا مينفعش كدة نتكلم من علي الباب
بدور من وراهم 
اي يا بكر هجبلكم الشاي علي الباب ولا اي
بكر وهو بيجز علي سنانه 
ادخلي جوة يا آخره صبري
بدور وهي بتشوح بايديها 
والله لاكتئب تاني بس هه
بهاء ابتسم ڠصب عنه 
يلا ننزل للراجل اليوم طويل ومتعب وبكرة ورايا يوم اطول بكتير أنجز عايز انام مش قادر
انا مقدر صدمتك طبعا يلا طيب وبعدين الجايات اكتر اتفضل هو مستنينا تحت
نزلوا للراجل اللي كان طالب ايجار عالي بس بعد كلام مع بكر وبهاء نزله وبقا ايجار معقول مضو العقد علي ست شهور بس قابله للتجديد وبعدها خد بهاء المفتاح وخرج هو وبكر
هو حضرتك هتبات فيها من انهاردة. ولا اي
لا طبعا مش عامل حسابي هروح انام واعمل حسابك بكرة الصبح هجيب شنطتي هنا وتيجي تفهمني عملت اي في حوار الواد اللي قولتلك عليه
تمام يا باشا من النجمة هبقي مستنيك
وشوف تلفونك أنا فضلت ارنلك وانا قدام البيت كتير كان غير متاح
ما هو للاسف مش بيلقط شبكة غير في اوضه واحدة اللي فيها البلكونه وأنا وقتها كنت في الصاله مخدتش بالي حقك عليا يا باشا
يا عم مفيش بينا حقوق عموما انا لو لاقيته غير متاح هطلع اخبط عليك بس يارب اختك ما تفتحليش بموشح جديد المرة دي
صحيح قبل ما تمشي متزعلش من اللي حصل هي بدور بس رجوع بنتها ليها مخليها مهيبرة شويه
انت اللي فكرتني أنا سيبك ب مزاجي يا بكر بس زي ما دخلتك حياتي وحياة اللي يخصوني من حقي عليك اعرف في اي انت لا عرفتني موضوع قتل والدك ولا مۏت جوز اختك ولا تفاصيل كتير مش فاهمها وانا ساكت عشان المدعكة اللي احنا محطوطين فيها بس طالما العلاقه بينا مبقتش شغل وبس وبقا في صحوبيه ف صحوبيتي متبادله يا بكر يا كدة يا نفضها ونرجع للشغل وبس من هنا ل بكرة هسيبك تفكر