رواية وشم على حواف القلوب الفصل الثامن والعشرون بقلم ميمى عوالى
انت في الصفحة 1 من 5 صفحات
28
وشم على حواف القلوب
الفصل الثامن و العشرون
لا احلل نشر او نقل الرواية باى مكان اخر دون اذن كتابى منى شخصيا و من يفعل دون ذلك يعرض نفسه للمسائلة القانونية
بعد ان انتهت صلاة العشاء توجه جابر الى دار التهامى و عند وصوله كانت عزيزة فى استقباله مع زوجها و بعد ان جلس بصحبتهم قالت له عزيزة اسمع يا جابر يا ولدى .. انت قريت القاتحة مع عمك تهامى و بكر و شيخون و حددتوا كمان معاد الجواز لكن يا ولدى فى حاجات مهمة لازما تتعمل و انى مش شايفة ان فى ايتها حاجة بتتم
عزيزة انى عاوزة اشوف الدار عنديك و اشوف ناقصها ايه لجل حتى اعرف بتى محتاجة ايه و ناقصها ايه فى جهازها و اشوف كمانى انت هتجيب ايه و احنا هنجيب ايه زى ما كل الناس بتعمل
جابر و انى قبل سابق قلت ان الدار عندياتى مش محتاجة ايتها حاجة كل حاجة فيها لساتها جديدة و بخيرها و انى مابقعدش فيها من اصله من يوم المرحومة
جابر بسخرية لا بتك بت بنوت و لا انى اول مرة اتجوز يا خالة الحديت اللى انتى بتتحدتى فيه ده لو انى اول بخت بتك لكن دى متطلقة .. يبقى ايه لزمته بقى الحديت ده كلاته
عزيزة بضيق و هو انت يعنى يا جابر اللى اول نوبة تتجوز فيها
جابر طب ما انى لسه قايللك نفس الحديت اها لا انى و لا بتك اول نوبة نتجوز فيها
جابر احنا مابقيناش صغار يا ام بكر على الحديت ده
عزيزة بتهكم و هى سهى و حمدى كانوا صغار على الزفة و الفرح اللى انعمل النهاردة اياك انى بتى مش اقل من سهى يا جابر
جابر باستيعاب ايوة ايوة قولى اكده بقى انتى كل ده عشان حمدى اتجوز و عمل فرح عاد
جابر بحزم اسمعى يا خالة ام بكر .. اول هام .. انى ما احبش ان اى حد مهما كان هو مين انه يقارننى باى حد تانى سوى كان احسن منى و اللا اوحش لان ده عمره ما كان مربط الفرس
تانى هام .. انى وقت ماقريت الفاتحة مع الرجالة قلت اللى فى ضميرى و الرجالة وافقوا عليه و العروسة بذات نفسيها وافقت و انى مش شايف يعنى اى سبب عشان اغير الحديت اللى اتفقنا عليه
تهامى استهدى بالله بس اكده يا جابر و اسمع الحديت للاخر
جابر لا اله الا الله محمد رسول الله بس احنا كان بيناتنا اتفاق يا عم تهامى و لو هتخلفوه من دلوك يبقى بلاها احسن
عزيزة پغضب انتى يا بت انتى ايه اللى مدخلك فى حديت الكبار
سميحة انى قلتلك يا امة قبل سابق انى موافقة على كل حاجة جابر عاوزها و انى ماليش صالح باى حاجة تانية
عزيزة حتى لو هيتجوزك على عفش مرته القديمة يا خايبة
سميحة بامتعاض انى
