رواية ابيض واسود الفصل الثامن بقلم مني محمود بركات

وانتي عارفه بهاء بيوترني ازاي لما بشتغل معاه أنا مش ببرر اللي حصل أنا غلطان عارف بس ڠصب عني والله
فضلت ساكته خد نفس طويل وخرجة بضيق 
أنا مش هستحمل تزعلي مني كدة حقك عليا يا لولتي اخر مرة والله العظيم وحياة لولا وجيجي عندي ما هتتكرر تاني
علا ردت بصوت ضعيف من غير ما تبصله 
ولا تكرر تاني مش هتفرق يا مؤمن عادي دا شغلك ودي حياتك وانا وافقت عليها متشغلش بالك بيا طول عمري متعودة اداوي نفسي بنفسي مجتش عليك انت كمان يعني
اولا لا مش هتتكرر تاني يا علا ثانيا أنا معنديش اغلي منك عشان اشغل بالي بيه ثالثا أنا مش فاهم تداوي نفسك بنفسك من اي ومتعودة علي اي 
أنا مش قادرة اتكلم ممكن كفايه كدة 
ماشي يا علا مش هضغط عليكي عشان تعبانة بس
شكرا
رد بغيظ
شكرا ! ماشي يا علا ماشي تخفي بس ولينا كلام تاني
مردتش عليه كانت تعبانة فعلا وحسه أنها معندهاش اي طاقه للكلام غمضت عينيها وهربت بالنوم بص عليها واول ما اتاكد أنها نامت خرج بهدوء من جمبها صبري أصر عليه يبات معاهم لأن الوقت اتاخر وهو وافق خصوصا أن حماه قاله أن نيجار بتصحي بقالها كام يوم معظم الليل محبس يضغط عليهم بالسهر بيها ووافق يبات معاهم واخد نيجار من صبري وفضل قاعد بيها وهو قلقان علي علا وخاېف حقيقي علاقتهم المستقرة تتأثر بالموقف دا
بس هل هي فعلا علاقه مستقرة 
وصل بهاء للمستشفى وطلع قدام الاوضه اللي فيها بدور لاقي بكر قاعد جمب الباب وساند رأسه بين أيديه
بكر ايه الاخبار طمني 
بكر بتوهان 
الدكتور بيقول جلطة قلبية بس الحمد لله لحقوها جلطة ازاي أنا سايبها كويسه والله ازاي بس
هو اي اللي ازاي اهدي كدة ووحد الله قول الحمد لله انها كويسه وأنهم لحقوها يا بكر
الحمد لله الحمد لله
طب مقالوش هتخرج أمتي 
الدكتور بيقولي بكرة كمان يطمن علي حالتها وعلي بعد بكرة الصبح لو فضلت مستقرة هيكتبلنا علي خروج
مش محتاج اي حاجة يا بكر وانت عارف انها مش عزومة
عارف يا باشا تسلم خيرك سابق أنا بس ليا عند حضرتك طلب واتمني متكسفنيش
قول يا حبيبي خير
بدور ملهاش غيري يا باشا حتي لو خرجنا بعد بكرة من هنا مفيش حد يقعد معاها ف لو ممكن حضرتك توافقلي علي إجازة اسبوع بس لحد ما أطمن عليها واتصرف في واحدة تكون ثقه تاخد بالها منها في غيابي يبقي تشكر اوي يا باشا
غريبة وفين والدك ميقعدش معاها هو ليه بدل ما تفضل انت في البيت اسبوع بحاله !
بكر كشړ 
والدي اولا راجل كبير مش هيعرف يراعيها ثانيا هو مش عايش معانا عشان في شويه مشاكل بينا هو عايش لوحده وانا وبدور لوحدنا
بهاء استغرب بس محبش يسأل تاني عشان ميحرجش بكر 
ماشي يا عم بكر لولا الظروف اللي انت فيها عمري ما كنت اتخيل اني امضي علي إجازة اسبوع بحاله لحد هه
تسلم يا باشا منتحرمش
طيب انا همشي بقا وانت اي وقت تحتاج اي حاجة كلمني علي طول متترددش والف سلامه علي اختك
تسلم يا باشا الله يسلمك شكرا
اتحرك بهاء بس قبل ما يطلع من المستشفى عدي علي الحسابات وعرف أن بكر دافع جزء بس من الحساب دفعله باقي الحساب بالكامل وبعدين اتحرك علي بيته
وصل بهاء