رواية ابيض واسود الفصل الثامن بقلم مني محمود بركات

شقته ويادوب دخل اوضته يرتاح تلفونه رن برقم نيرة
بهاء بصوت عالي
استغفر الله العظيم يارب لازم اليوم يختم بغم لاززززم
رد
يا نعم 
في حد يرد علي حد كدة يا حضرة الظابط
أنا برد كدة خير يا نيرة
مهاب عايز يشوفك بكرة ضروري وقالي ابلغك واشوف المكان والمعاد اللي يناسبك
والله ! وهو مكلمنيش بنفسه ليه عينك سكرتيره ليه يعني
اوووف انت ليه التعامل معاك متعب كدة ما تبطل اسئلة وتقولي المعاد اللي يناسبك ولما تقابل اخوك اساله زي ما تحب
اوك يا نيرة هانم قوليله بكرة الساعه ٤ عندي في القسم لان مش فاضي اخرج والله لو تمام معاه أنا في انتظاره مش تمام براحته ها حلو كدة
مستفز بجد سلام
وقفلت السكة في وشه بص للفون وضحك بانتصار أنه قدر يضايقها بس ضحكته اختفت تدريجيا لما افتكر أن مهاب عايز يقابله وفضل قلقان مدة كبيرة بيفكر مهاب ممكن يكون عايزه في اي
صباح يوم جديد صحي بهاء فطر وشرب قهوتة واتحرك علي القسم اول ما دخل سال علي الامين اللي كان مكلفه بموضوع محمود والتأكد أن محمود معاه عيلته دلوقتي دخل اوضته وبدء يشوف شغله وفي وسط اندماجه خبط عسكري ودخل
لا مؤاخذه يا باشا
خير يا بني
في واحد برة بيقول أنه ابو الامين بكر وعايز يقابل حضرتك ضروري بيقول موضوع حياه او مۏت
كشړ باستغراب 
حياة أو مۏت !! ډخله لما نشوف عايز اي
امرك يا باشا
خرج العسكري ودخل بركات وهو باين عليه الحزن والتعب
اهلا وسهلا اتفضل اقعد
الله يعزك يا بني شكرا
خير العسكري قالي انك عايزني ف موضوع حياه او مۏت
بدء بركات يعيط جامد اتفاجا بهاء بحركته دي ومبقاش عارف يتصرف ازاي
في اي يا حج لا حول ولا قوه الا بالله العلي العظيم اهدي بس اهدي في اي حصل لكل دا
أنا جاي طمعان في كرم سعادتك تكلم ابني بكر وتحنن قلبه عليا يا باشا عيط تاني أنا راجل كبير خلاص ايامي معدودة وهو راميني مش بيبص في وشي حتي ولا بيسال عليا الناس في الشارع هي اللي بتخدمني وبيعطوفو عليا وابني عايش حتي بنتي حبيبتي منعها مني بالعافيه ومش بيخليها تكلمني حتي يرضي مين دا بس يارب اربي واكبر واعلم ولما يبقي راجل ملو هدومة يعمل كدة فيا عيط اكتر أنا تعبت واتذليت كتير اوي ربنا يهديه مش هقدر ادعي عليه لا ربنا يهديك يا بكر
في نفس التوقيت كانت بدور بدأت تفوق وتتكلم شافت ړعب بكر عليها وهو قاعد قدامها علي كرسي ومتبت في ايديها وعقلها صورلها أنها اكيد صح في تصرفها من خۏفها عليه حاولت تبان كويسه واتكلمت بصوت متعب
بكر حبيبي نايم كدة ليه
صحي واتكلم بلهفه
بدور حبيبتي قوليلي حاسه بايه في حاجة وجعاكي طيب طمنيني يا حبيبتي استني استني انده الدكتور يجي يشوفك
مسكت ايديها قبل ما يتحرك من مكانه 
أنا كويسه متقلقش كدة عليا أنا تمام والله
طب خليني انده للدكتور يطمني اكتر الله يخليكي
هزتله رأسها في ضعف وهو خرج جري يشوف الدكتور فين ثواني ورجع
الدكتور عنده مرور ربع ساعه كدة ويجي يطمني عليكي
ماشي يا حبيبي اهدي بقا
اي اللي حصل يا بدور أنا كنت سايبك كويسه اي اللي حصل ووصلك للحاله دي ريحي قلبي واتكلمي بقا
عينيها دمعت وهزت رأسها بنفي ودا عصبه منها اكتر ومش قادر يضغط
عليها في تعبها دا قبض علي ايديه جامد وخرج من الاوضه خالص من غير ولا كلمة وهي أول ما قفل الباب وراه دموعها نزلت بۏجع عليها وعليه
نرجع ل بركات وبهاء يا تري بركات عايز منهم اي وبهاء يكل خبرته وزكائه هيصدق بركات ولا لا 
علا ومؤمن علاقه مستقرة فعلا 
أهلها كويسين ولا وحشين 
القضيه بتاعت البنت جوزها اللي ماټ خلصت كدة 
مهاب عايز بهاء في اي 
واخيرا بكر هيستسلم زي كل مرة ولا هيقدر يعرف في اي من بدور 
يتبع