رواية ابيض واسود الفصل الثامن بقلم مني محمود بركات

أبيض وأسود
مني محمود بركات
الفصل الثامن
ليس عليك أن تكون قويا دائما قر بلحظات الضعف ولا تخجل منها لأنها جزء من أنسانيتك
جبران خليل جبران
بهاء وصل مع محمود المستشفى وډخله الطوارئ وفضل منتظر برة لحد ما يطمن عليه كان صعبان عليه وضعه خسر في يومين بالظبط ولاده الاثنين اللي طلع بيهم من الدنيا واحد اټقتل والتانيه هتتحبس وحكم الإعدام مستنيها فضل منتظر حوالي نص ساعه لحد ما خرج الدكتور
طمني يا دكتور حالته اي 
الحاله مش مستقرة للاسف واحتمال نحتاج لتدخل جراحي قلب مفتوح ف لازم حد من أهله يكون موجود عشان الإجراءات

تمام يا دكتور أن شاء الله في اقرب وقت هتلاقي حد من اقاريبه هنا ارجوك بس لحد ما حد يكون معاه خلي بالك منه دا رجاء شخصي
متقلقيش يا بهاء هو معاه ممرضه مش هتسيبه لحظة وأن شاء الله خير
أن شاء الله
عن ازنك اروح اكمل شغلي
اكيد اتفضل
مشي الدكتور وطلع بهاء تلفونه عشان يكلم بكر لاقاه فصل شحن ملاقش قدامه حل غير أنه يرجع علي القسم ويخلي بكر يتصرف لكن لما رجع القسم اتفاجا أن بكر مش موجود وان في قضيه جديدة والقسم مليان ناس اتنهد پغضب ودخل علي مكتبه الاول حط تلفونه علي الشاحن وبعدين راح مكتب ظابط زميله في القسم
هو مفيش اي ډم خالص يا احمد مش شايف أن في قلق برة وانا مش موجود مقمتش ليه تشوف انت في اي بدل وجودك اللي زي قلته في القسم دا
رد عليه اللس قاعد علي المكتب بكل برود
في اي يا عم انت لكل دا وبعدين الباب دا معمول عشان تخبط قبل ما تدخل مش طابونة هيا
بطل البرود دا ورد عليا أنا علي أخري
في اي يا بهاء هو مش الأوامر أن قضايا القټل معاك انت وبس عشان انت الظابط اللي مفيش منك واللي اي قضيه مش بتقعد معاك غير ساعات وبس اللي برا دي قضيه قتل اول ما عرفت رجعت تاني ع مكتبي وقفلت عليا وقاعد مستني الڤرج اهو
حاول يهدي نفسه ويعزره في رد فعله 
ملكش دعوة بالأوامر دي قوم شوف القضيه اللي برا وانا هخلي مدحت بيه يكلمك بنفسه يقولك أنها قضيتك قوم يا احمد متخليش انفعال بسيط من سيادة اللواء يخسرك شغفك وحبك ل مهنتك يلا بقا يا جدع متبقاش أتم كدة
أنا آسف يا بهاء انت اكيد عارف معزتك عندي أنا بس
قاطعه بهاء بتفهم
ولا بطل رغي وقوم شوف شغلك قلتلك بعدين أنا ماسك قضيه لسه متقفلتش وسي بكر دا كمان اللي اختفي دا يومه اسود التلفون يشحن بس وهتصل اشوفه بيهبب ايه
يا اخي حرام عليك دا انت لو مشتري عبد مش هتعمل فيه زي ما بتعمل في بكر والغربيه أنه سكتلك
رفع بهاء حاجبه 
وهو يقدر يعمل حاجة ولا اي هتخيب دا أنا بهاء يالا 
ماشي يا عم بهاء هقوم اشوف القضيه بس لو اللواء 
قاطعه للمرة التانيه 
متبقاش غتت بقا قلتلك هيجيلك تلفون من اللواء نفسه يلا أنا رايح اوضتي سلام
ابتسم احمد بحب 
سلام يا باشا
بهاء رجع اوضته كان تلفونه شحن شويه وقدر يفتحة واول ما فتحة رن علي بكر اللي رد من تاني جرس وقتها بهاء اتكلم بكل عصيبه وحزم
اول واخر مرة يا بكر اخرج من القسم واكون مكلفك بحاجة وارجع الاقيك مزوغ سامع ولا