رواية ابيض واسود الفصل الثامن بقلم مني محمود بركات

لا و
قاطعه بكر بصوت متعب ومخڼوق 
بهاء باشا انا اسف طبعا اني مشيت قبل ما ابلغك بس انا مش مزوغ يا باشا انا اختي في المستشفى بين الحياة والمۏت أنا مليش غيرها ولا هي ليها غيري مينفعش امشي واسيبها
بهاء نبرة صوته هديت كتير واتكلم بقلق
هي مالها يا بكر في ايه طيب طمني 
والله ما عارف يا باشا انا اتصلت بيها كتير مردتش ودي مش عادتها قلقت عليها روحت اشوفها لاقيتها واقعه علي الارض وجسمها كله متلج ومتخشبه أنا للحظة فكرتها فكرتها
قاطعه بهاء 
اهدي بس لا حول ولا قوه الا بالله اهدي يا بكر قولي انت في مستشفى اي طيب
بكر قاله عنوان المستشفى وبهاء مترددش ثانيه واحدة أنه يكون جمبه بكر بس مش شغال معاه من سنين وفاهمه وحافظة ومريحة لا بكر مسؤول منه ولازم يكون جمبه
كلف حد تاني أنه يتواصل مع حد من اهل محمود ويتاكد بنفسه أنهم وصلو لمحمود المستشفى وعمل تلفون للواء عشان يحل موضوع احمد زميله واتحرك ل بكر عشان يكون جمبه
في الوقت اللي بهاء كان في طريقه ل بكر عشان يطمن عليه كان مؤمن وصل بيت اهل علا واستقبله حماه
مؤمن بلهفه وقلق
مساء الخير يا عمي طمني علي علا
قبل ما يرد صبري خرجت نجاة من المطبخ وهي مكشرة واتكلمت بحدة بس بنبرة صوت واطيه
بقا هي دي الأمانة اللي معاك يا مؤمن بنتي تستنجد بيك وانت متكلفش خاطرك تطمن عليها إلا لما تخلص شغلك كدة يا مؤمن
قاطعها صبري بضيق 
خلاص يا نجاة مش وقته وبس بقا ل تسمعك وتتعصب تاني مش ناقصين
مؤمن بحرج
أنا آسف والله العظيم متخيلتش أنها تعبانه ابدا اسف بجد بس طمنوني عليها الاول وبعد كدة اعملو فيا اللي انتم عايزينه مش هنطق والله
صبري 
ضغطها وطي جدا بتقول بقالها يومين مش بتنام عشان نيجار بتبقي صاحيه كتير بالليل ف تاخدها وتدخل اوضه تانيه عشان انت تنام ومتقلقش وقله النوم مع قله الاكل نزلو ضغطها ل ٤٠ كانت بتروح مننا لولا ستر ربنا الحمد لله
مؤمن بحزن 
الحمد لله طيب هي كويسه دلوقتي الضغط اتظبط طيب 
صبري 
الحمد لله دي تاني مرة نعلق محاليل زي ما الدكتور قال ساعه كدة وهنقيس تاني ونكلمة ونشوف هيقول اي
مؤمن 
أنا عايز اشوفها يا عمي لو سمحت
نجاة لسه هتعترض قاطعها صبري
اتفضل يا بني دي مراتك مش هنمنعك اكيد بس ليا عندك رجاء شخصي
مؤمن 
اتفضل يا عمي حضرتك تأمر
صبري
الأمر لله يا حبيبي ممكن لو حسيت انها مش قادرة تتكلم أو يعني
هنا نجاة مقدرتش تسكت واتكلمت بسخريه
ما تقولو الصراحة من غير تزويق بصت ل مؤمن لو حسيت يا حبيبي انها مش طايقه تبص في وشك متضعطش عليها عشان الدكتور قايل الانفعال وحش دلوقتي دا اللي عمك عايز يقولهولك
صبري خبط أيديه في بعض بقله حيلة ومؤمن هز رأسه بحرج واتحرك ناحيه اوضه علا واول ما اتحرك من أقدامهم صبري بص ل نجاة پغضب وهي ردتله البصه ب لا مبالاة ودخلت تكمل اللي كانت بتعمله في المطبخ
دخل مؤمن كانت علا فاتحة عينيها وباصه للسقف في شرود لدرجة أنها محستش بيه الا لما قعد جمبها ومسك ايديها
حبيبتي عامله اي دلوقتي
بصتله بعتاب وخذلان ورجعت بصت الناحيه التانيه وهي بتشدت ايديها من ايديه بهدوء 
الحمد لله كويسه
علا أنا عارف اني غلطان والله بس كنت مضغوط وكزا قضيه ورا بعض