رواية وشم على حواف القلوب الفصل السادس عشر بقلم ميمى عوالى

اللهم رحمتك أرجو فلا تكلني إلى نفسي طرفة عين وأصلح لي شأني كله لا إله إلا أنت سبحانك انى كنت من الظالمين .
16
وشم على حواف القلوب
الفصل السادس عشر 
لا احلل نشر او نقل الرواية باى مكان اخر دون اذن كتابى منى شخصيا و من يفعل دون ذلك يعرض نفسه للمسائلة القانونية
ثريا بالنسبة للشقة يا حكم فهى دور ارضى و ليها مدخل خاص يعنى هتقدروا تحطوا اليافطة بتاعتكم 

و هتفق لكم مع مهندس الديكور يجهز لكم المدخل بتاعكم بطريقة توحى ان الشركة واخدة جزء كبير من المبنى لحسابها .. و نظامها هيساعدنا كتير فى ده خصوصا كمان انها دوبلكس
عندك صور ليها فى الورق اللى معاك ده .. كل اللى عليك انك تحول الفلوس لفؤاد عشان يمضى العقد بتاعها 
ليسمعوا صياح رامى و هو يقول يا اولاد اللعيبة .. اوعى 
و عند النظر اليه يجدوه ينظر الى حكم و هو يقول بمرح لعيبة لعيبة يعنى ماشاء الله ثم يعود بنظره مرة اخرى الى الشاشة قائلا الواحد لو ما صحصحش معاهم هيتتاكل فى ثانية 
لتقول ثريا بضيق واضح الا مش ممكن تلعبوا فى هدوء شوية
رامى دون ان ينظر لها اللعب فى هدوء ده حرفنة و ما اقدرش ادعى انى حريف 
ثريا على الاقل ممكن تقفل الباب عليكم 
حكم برفض لاا .. انا ما احبش انهم بغيبوا عن عينى 
ثريا باعتراض اومال هتعمل ايه لما تبتدى شغل هتاخدهم معاك 
حكم بتردد الحقيقة شكل الحكاية مش هتتم دلوقتى 
فؤاد ليه بقى ده انا بحضر للكلام ده من شهرين دلوقتى و تقريبا كل حاجة جاهزة .. ايه اللى هيعطلنا 
حكم و هو يحك جبهته المبلغ اكبر بكتير من ما كنت متخيل
ثريا معاك كام يعنى 
حكم بدهشة من جرأتها و تدخلها الصلف مهما كان معايا .. انى لا يمكن احط كل فلوسى اكده فى مشروع انى مش عارف لسه العائد بتاعه هيبقى امتى و كام 
رامى بتهليل جووووون 
ثريا پغضب و بعدين بقى فى الدوشة دى 
رامى باعتذار ساخر سامحينى .. اصله كان جون حلو خصوصا انه مش من حريف فتحسيه جونين مش جون واحد
لتنظر له ثريا بتسخيف ثم تلتفت لحكم مرة اخرى قائلة طب انت كنت عامل حسابك على كام 
حكم اقل من عشر المبلغ ده 
ثريا بحدة تبقى بتلعب
حكم ما هو انى مش مليونير برضيك عشان ادخل مشروع بكل الفلوس دى 
ثريا بامتعاض اومال كنت بتعمل ايه فى المانيا السنين اللى فاتت دى كلها
حكم ببساطة عايش انى ما كنتس مسافر المانيا احوش فلوس و ارجع انى كنت ناوى اعيش هناك على طول يعنى ما كنتش بحط القرش على القرش لاا .. كنت عايش عادى جدا و بعمل كل اللى فى نفسى و نفس بناتى و مراتى الله يرحمها ماكنتش بشحت لكن برضيك مش مليونير و لولا الظروف اللى حصلت ماكنتش رجعت تانى 
ثريا بسخرية و انت كنت فاكر انك اما تبقى عاوز تعمل شركة مقاولات كنت هتعملها بالملاليم اللى بتقول عليها دى 
حكم ما انى كنت عامل حسابى على الورث بتاعى انه هيسند برضيك معايا 
فؤاد باستغراب هيسند ازاى و انت مش ناوى تبيع زى ما قلت 
حكم انى مش بتكلم عن ورثى من ابويا و عمتى الله يرحمهم انا اقصد ورثى من امى الله يرحمها 
لتتبادل ثريا النظرات الممتعضة مع فؤاد الذى قال بتهكم و انت فاكر ان ورثك من امك هيعمل لك ايه يعنى
حكم الحقيقة ماحسبتهاش بالظبط بس اقله نص دراسة الجدوى اللى معمولة دى 
ثريا پغضب