رواية وشم على حواف القلوب الفصل السادس عشر بقلم ميمى عوالى

و هى تنظر تجاه رامى الذى يراقبهم من خلال المرآة الكبيرة المعلقة بواجهة الحائط مين اللى ملى لك دماغك بالكلام الفارغ ده 
حكم باعتراض هادئ لا هو انى عيل صغير و اللاا ايه عشان حد يملالى دماغى بكلام فارغ و اللا مليان يا مراة خالى انى خابر زين انى بتكلم عن ايه زى ما انى خابر كمانى ان الارض القبلية دخلت كردون مبانى بقالها سنتين دلوك ده غير ايراد السنين اللى فاتت دى كلاتها من يوم مۏت امى الله يرحمها و اللى انى خابر زين ان خالى شايلهملى فى الحفظ و الصون مع نصيبى كمان من ثمن بيع ارض الموالح 
فؤاد بتردد انت جيبت الكلام ده كله منين 
حكم عمى مصيلحى الله يرحمه كان بيعرفنى كل كبيرة و صغيرة عن ارضى و ورثى كله .. سوى من ابويا و اللا من امى 
و اللى عرفته وقت ما رجعت مصر انك مسقع الارض بتاعة كردون المبانى 
فحتى لو مش هبيع الارض دى دلوك اعتقد ان ثمن ارض الموالح و الريع بتاع باقى الارض زمانهم دلوقتى عاملين ثروة لوحدهم فلو امكن بس حضرتك تحولهملى على الحساب بتاعى فى البنك عشان كمان يبقى معايا سيولة كفاية هبعتلك البيانات بتاعة الحساب بتاعى فى رسالة 
رامى وسط ضحكات الصغيرتين انت معلم .. و احنا منك نتعلم 
ثريا لفؤاد بترصد هااا .. اتفضل
فؤاد بتردظ الحقيقة انا مش هينفع احول لك حاجة الفترة دى خالص
ثريا بحزم و لا بعدين كمان خليك صريح معاه يا فؤاد عشان يبقى فاهم كل حاجة من الاول بوضوح 
فؤاد بتململ ثوانى بس يا ثريا من فضلك .. الحقيقة يا حكم ان الارض بتاعة الموالح كانت مصاريفها كتير جدا كانت على طول بالعة ريع باقى الارص 
حكم مش فاهم 
ثريا بعجرفة باختصار شديد .. انت حاليا ماليكش اى ورث عند خالك
حكم بذهول ازاى يعنى الكلام ده مين اللى قال اكده
ثريا بعجرفة انا بقول لك و لازم تقتنع ان هى دى الحقيقة عشان ماتعيشش فى وهم مالوش اساس 
حكم و هو ينظر الى خاله حضرتك محتاج توضحلى الكلام ده اصله ايه يا خال انى من يوم ۏفاة امى الله يرحمها و ورثى معاك يعنى من اكتر من تمانية و تلاتين سنة .. عمرى كلاته عشر فدادين موالح و عشرين فدادين ارض زراعية غير الارض القبلية و اللى هى كمان كانت بتنزرع غلة و برسيم و درة و هى لوحدها مساحتها عشر فدادين 
ازاى بعد العمر ده كلاته يتقاللى بح .. ماليكش حاجة
ثريا الارض كانت مصاريفها كتير و خسړت 
حكم بشبه حده من فضلك يا مرة خالى .. ممكن تدى فرصة لخالى يجاوبنى على سؤالى 
ثريا پغضب انت فى بيتى و هتقوللى اتكلم امتى و ما اتكلمش امتى .. ماتشوف قريبك يا فؤاد 
لينهض حكم مناديا صغيرتيه بحدة ثم الټفت الى فؤاد قائلا نجاة الغريبة حافظت على مالى هى و عم مصيلحى و حاسبتنى بالتمرة و حرمت على حالها شوية تمر هداهملها التاجر اللى بياخد المحصول
فؤاد باعتراض انت تقصد انى ماحافظتلكش على مالك 
حكم انى مش هقول خاجة قبل ماتقعد معايا و نتحاسب يا خال و بالورقة و القلم و مش هنا 
ثم وجه حديثه لرامى الذى اقترب منهم عندما نادى حكم على صغيرتيه فقال له من فضلك يا رامى .. خلى حد ينزل لى الشنطة بتاعتى انا و البنات 
رامى استنى بس يا حكم خليك و نتفاهم
حكم لا معلش سيبنى براحتى انا