رواية وشم على حواف القلوب الفصل السابع بقلم ميمى عوالى

بيعارض جوازى من سميحة ليه و يحلف على مرته انها ماتدخلش اختها بيتهم تانى ليه .. مانى عاوز افهم برضك
شيخون بفضول مين اللى قال لك الكلام ده 
جابر بسخرية اللى انت بتقول انى اتعرضتلها يوم ما حصل لى اللى حصل طب و هنروح لبعيد ليه ايه رايك لو تسألها بنفسك يا حكم و كمان بلاش ابقى انى موجود عشان ماحدش يقول انها خاېفة منى و اللا خجلانة .. اسالها لو انى حصل منى حاجة زى اكده ليها من اصله و اللا لاا و كمان اسالوا بكر على الحشېش
حكم بانتباه و ماله بكر بالحكاية دى 
جابر يوميها كان عندى و كان عمال يهزر معايا و يقوللى انه هيظبطنى يوم فرحى على نجاة و هيجيبلى حتة هدية اسالوه انى قلت ايه يومها 
قلت له .. انى محرم على روحى كل اللى يغضب ربنا ده حتى كان بيلف سېجارة عشان يشربها و هو قاعد معايا و لما قعدت انصحه و اقول له انه حرام رماها فى الڼار اللى كانت فى المنقد قبل ما يمشى 
حكم بسخرية يبقى ريحة الحشېش هى اللى سطلتك و خلتك تنام مش هوا الليل
جابر يمكن بس انى نمت لدرجة ان لما بكر رجع يدور على محفظته ماكنتش قادر حتى افتح عينى و لا ارد عليه 
شيخون بانتباه رجعلك تانى 
جابر بجمود ايوة رجعلى تانى سمعت صوته بس ماكنتش مركز معاه بس اما زارنى فى الوحدة .. سألته قاللى ان محفظته وقعت منيه و رجع يدور عليها و لقاها جنبى و انى نايم 
اساله يا حكم و اسال سميحة .. هتعرف ان كل الكلام اللى قاله ده كدب فى كدب
حكم بابتسامة انى عن نفسى مصدقك يا جابر من غير ما اسال حد انى من الاول قلت ان فى حاجة مش مظبوطة و عشان اكده جينالك نعرف منيك الحقيقة 
جابر بفضول جيتولى تعرفوا منى
حكم ايوة يا جابر لان اللى شيخون حكاه ده مش كلام شيخون يا جابر .. ده للاسف كلام سميحة 
جابر بانكار مش ممكن ابدا ازاى يعنى طب و سميحة ليه تعمل اكده ايه اللى يخليها تقول عليا كلام زى ده من غير ما يحصل تتبلى عليا ليه .. انى مش مصدق 
شيخون بتنهيدة لأ صدق .. انى هحكيلك كل اللى حصل ليلتها بالظبط
و بعد ان انهى شيخون حديثه و قص على جابر ما سبق و قصه على حكم منذ سويعات قليلة و لكنه لم يذكر له طلب بكر الزواج من نجاة فقال جابر بذهول انى كانت ريحتى حشېش يا شيخون
شيخون ايوة .. هدومك و نفسك و المكان كلاته و كنت كمان عمال تضحك طول ما كنت بضر ب
فيك يعنى كنت مسطول و مونون على الاخر
جابر پغضب انى مستعد احلف على المصحف دلوك حالا انى عمرى ما اتعاطيت حاجة من الحاجات دى 
شيخون بحدة و هو ينفض ذراعيه فى الهواء اومال تفسر اللى حصل ليلتها ده بايه فهمنى
جابر بتصميم انى لازم اسأل سميحة على الكلام ده انى متوكد انى ما اعملش اكده حتى لو كنت غايب عن وعيى زى ما بتقول الحكاية دى فيها ان و انى مش هيهدالى بال غير لما اعرف
شيخون وصل لك اللى وصل لى 
حكم بمغزى تقريبا
جابر ماتفهمونى معاكم .. هو ايه ده اللى وصل لكم
حكم انت قلت ان بكر رمى حتة الحشېش اللى كانت معاه فى النا ر اللى كنت مولعها عشان الشاى
جابر ايوة
حكم ممكن تبقى حتة الحشېش دى هى اللى سطلتك
شيخون بتفكير بس ده ما يخليش التحاليل بتاعته تبين انه كان واخد مخدر 
حكم ماهو هو ده بقى اللى سره عند بكر بكر لما رجع له من تانى .. اكيد اداله حاجة معينة تخلبه يوصل للحالة اللى انت لقيته فيها