رواية وبها متيم انا الفصل الرابع والعشرون بقلم امل نصر
اهي دي تبقى ام العريس يابا ام العريس اللي دخلت معاه المرة اللي فاتت ساعة الخناقة اياها فاكر يابا لما طلعتني غلطان عشان كنت بتكلم في الأصول وعدم زيارة راجل غريب في غياب الرجالة اهم كررورها من تاني وعاملين خطوبة كمان من غير رجالة برضوا
مين دول اللي عاملين خطوبة من غير رجالة يا واد
هتف بها مسعود وقد كان خارجا من الشرفة ممسكا بيده سجادة الصلاة التي أنهى عليها فرضه ليتخطى النساء الاتي توقفن عن التصفيق والرقص يتابعنه وهو يتقدم بغضبه نحو ابراهيم ووالده الذي اردف موجها الكلمات إليه
في ايه يا حج عابد ولدك داخل يهلفط بكلام مش مفهوم ليه
براحة شوية يا عم ابو ليلة احنا مش جاين نتخانق اصلا هي العروسة فين
خرجت له شهد من غرفة المعيشة وخطوات حسن تسبقها ليقف بجوارها داعما ومدافعا ومهاجم اذا لزم الأمر
أنا اهو يا حج عابد
قالتها شهد تخاطبه بتوجس وعدم فهم وقبل أن يرد سبقه ابراهيم الذي اربدت خلجات وجهه بالڠضب
اسم الله دا الحلوين خارجين من الأوضة اللي كانوا فيها لوحدهم! دي هيصة يابا
صيحة قوية من مسعود خرجت منه لتقطع استرسال كلماته السامة
لم نفسك وخلي بالك من كلامك يا واد شهد مع خطيبها اللي قرا فاتحتها معايا وانا حاضر لسة مسيبتش البيت ولا مشيت وهي اساسا بمېت راجل مش في حاجة لحد منينا
هتف بها ابراهيم بطريقة مفهومة رغبة في اشتعال الوضع هم مسعود أن يقرعه بكلمات قاسېة في حق رجولته الناقصة وأفعاله الرخيصة بذمه في من هي ارجل منه ومن عشر من أمثاله ولكن عابد فاجئه بقوله
طب يعني تعملي خطوبة وتعزمي ابو ليلة يبقى الولي قدام عريسك وانا اللي عشرة العمر مع ابوكي وصاحبه من واحنا عيال صغيرين متفتكرنيش حتى بتليفون تبلغيني
ازبهلت شهد في البداية امام الصدمة التي خيمت على رؤوس الجميع ليقطع الصمت ابراهيم بصيحته
انت بتقول ايه يابا بتعاتبها بعد ما داست على هيبتك
يعني يرضيك الكلام دا يا ابو ليلة
ألقى الاخير بنظره نحو ابراهيم الذي ېحترق بغضبه قبل أن يطالع عابد بنظرة خبيرة يستشف منها مقصده الحقيقي من خلف كلماته والذي فاجئه بابتسامة جانببة رافعا سبابته أمام وجهه ملوحا بها وهو يستطرد
انا لولا اني عارف بمعزتك عندها ما كنت هفوتلها انها تتعداني ابدا مع اني برضوا مضايق عشان خدت محلي في اليوم اللي طول عمري مستنيه
إلا هنا واتضحت الصورة كاملة أمام الجميع لترتخي ملامح ابو لية والعريس ووالدته وجاء رد شهد المهادن لشهامة الرجل ليزيد على غيظ الأعداء
تدخلت مجيدة بسرعة بديهة وقد استوعبت الان ما يحدث
امسحها فيا انا دي يا حج ابو ليلة انا دخلته في الموضوع من الأول بحكم معرفة ابني العريس بيه حكم انا ام العريس
بسماحة متبسما امتدت كف الرجل ليرحب بمجيدة مهللا
يا اهلا با الهانم أم العريس خلاص يبقالي عندك حق عرب
حق العرب تاخدوا مني انا يا عم الحج
قالها حسن ليبادله الترحيب والمزاح ويتدخل ابو ليلة بوجهه البشوش يدعوه
ادخل يا حج عابد دا انت ليك شوجة يا راجل الساجع يا بت
هتف بالاخيرة نحو صبا التي سمعت لتذعن لأمره وتركض
