رواية وبها متيم انا الفصل الرابع عشر بقلم امل نصر
ليظل هو يمهل بالخطوات خلفها متعمدا مغمغما بمصمصة من شفتيه
الحاجة الوحيدة اللي عجباني فيكي!
وفي الجهة الأخرى
خرجت مجيدة من المصعد المقابل تستند على ذراع امين الذي أتى بصحبتها مذعنا لإلحاحها بعد أن اصرت على المجيء.
هو دا الدور اللي فيه اؤضة شهد
أجاب على مضض وعينيه تجول يمينا ويسارا
هو دا الدور فعلا يا ست ماما بس انا بقى مش عارف اوضتها في اي جهة عشان ابنك
قالت مجيدة مدافعة
يا بني هو في إيه ولا ايه بس دا يا حبيبي بيتكلم بالعافية.
توقف بها ليقول بتذمر
اه يا ست الكل هو يتاثر ويزعل وانا بقى اللي اشيل واعطل نفسي في اللف والدوران يعني هما كان من أهلنا.
زفر أمين يتناول الهاتف بضيق ليتصل على شقيقه
وفي غرفة شهد
الف سلامة عليكي يا اختي والله ما تعرفي انا كنت زعلانة قد إيه ولولا ابراهيم كان وراه شغل مهم لكان جابني قبل امي واختي كمان.
رد إبراهيم رافعا رأسه أمامها بزهو يدعيه بكذب
اه امال ايه انا كان ورايا مصلحة مهمة بعملها مش صايع يعني ولا فاضي.
رمقته شهد بنظرة كاشفة أثارت حنقه من الداخل فتدخلت نرجس بمداهنة
لى طول بتقولي انك مشغول روح يا بني ربنا يفتحها عليك انت وكل الشباب اللي زيك.
قالت الاخيرة بتفكه جعل الأخرى تضحك مستجيبة بمرح لتردد وهي تقترب منها
ايوة بقى واتعدي كمان من طبعك ومدام هتبقى عدوة يبقى نخليها شامل كمان بالشكل عشان اخد حلاوتك وجمالك.
جذبتها من كفها لتتلقفها بعناق مرددة
دا انتي اللي قمر واحلانا كلنا يا اخر العنقود يا سكر معقود انتي.
عوجت أمنية ثغرها بزاوية وهي تشيح بوجهها عنهن لا تطيق هذه اللحظات المستفزة من هن التقت عينيها بابراهيم الذي فهم ليناظرها بتشفي وكأنه يخبرها بحجم المحبة الفارق بين الشقيقتين وهي المكروهة منهن وبينهن كانت تقف نرجس لا تفقه ولا تعي بحديث الأعين الدائر بحدة ولكن شهد بفطنتها لم يفتها ذلك فسألت تجفلهما
على الفور نفت أمنية بهز راسها وهي تخفي ارتباكها بالھجوم المضاد
لا طبعا مطلعش جرا ايه يا شهد دا مبيدخلش البيت وانتو قاعدين هسمحلوا ان يدخل وانتو غايبين ما تخلي بالك من كلامك الله.
اضاف هو ايضا وقد اعجبه قولها
يمكن فاكراني ناقص ولا قليل أصل
صمتت شهد ولم تريحهم بأي رد فعل بل اتجهت نحو شقيقتها الصغرى سائلة
وانتي بقى يا ست رؤى قوليلي عرفتي ازاي تروحي لعبد الرحيم عشان يوصلك
همت تجيبها رؤى ولكنها
