رواية الصمت المعذب الفصل السادس بقلمي نورهان ناصر

يا باشا 
حك أحمد شعره يقول 
شكلي كدا أول مره أوصل للمنطقة دي أنت أسمك إيه 
أنا شيخ العرب محمد رفعت وأنت يا ولدي 
ابتسم أحمد قائلا 
أنا عبد لله بقولك يا شيخنا ليك في أحكام الشريعة الإسلامية 
أومأ الرجل يقول
الحمد لله يا ولدي قول عايز تسأل عن ايه 
أخبره أحمد بما يريد وبعد بضع دقائق أجابه الرجل وكانت إجابته نفس الإجابة التي أخبره بها الشيخ عبد الله الذي قابله حينما تأخر في المسجد وطلب منه الخروج لتأخر الوقت 
تنهد أحمد ثم شكره بهدوء وانتبه إلى أحد رفاقه يناديه نظر الرجل إلى محمد الذي يهرول صوبهم 
صاحبك وصل آهو مع السلامه يا ولدي اتمنى تكون لقيت طريقك 
قال الأخيرة وهو يضحك بخفوت ليبتسم أحمد وهو يقول تزامن ذلك مع وصول محمد له 
لقيته يا شيخنا 
قال محمد مستغربا
هو إيه اللي لقيته 
وضع أحمد يده على كتف محمد 
ده موضوع طويل 
ابتسم محمد يقول 
والطريق طويل إيه اللي جابك هنا عند الشيخ محمد 
نظر له أحمد مندهشا 
أنت تعرفه 
ابتسم محمد وقال 
ايوه طبعا ده حبيبي ده 
ضيق أحمد عينيه يرمقه بشك 
حبيبك اومال ليه أول ما شافك مشي 
تنهد محمد يقول 
زعلان مني بقالي كتير مجتش شوفته واتغيبت عن ميعاد المحاضرات بتاعته 
انتبه أحمد لحديثه يردف مستغربا 
محاضرات إيه 
زفر محمد الهواء يجيبه ببسمة واسعه
بص يا سيدي ده شيخ محمد ولقبه شيخ العرب كان شيخ في الأزهر وطلع معاش وهو ساب كل حاجه وجه هنا وبقى يعلم الناس دينهم يجمعهم ويشرح لهم شايف الخيم اللي هناك دي 
نظر أحمد حيث يشير فتابع محمد حديثه 
زمان أول ما جه كانت خيمه واحده بس اللي هي بتاعته دلوقت ما شاء الله عليه ناس كتير جاتله لما سمعت باسمه وسيرته الطيبه مجرد القعدة معاه بتريح قلبك إنسان ربنا وضع في وشه القبول كل ما الاقيني مضايق اجي اقعد معاه واستفاد من كلامه حاجات كتيره كنت جاهلها في الدين بفضل الله ثم بفضله عرفتها عمره ما بخل علينا بمعلومة ومش بيقولنا أي كلام وخلاص 
قال أحمد بعد صمت لما توقف محمد عن الحديث وأخذ ينظر إلى الخيم والشيخ يجمعهم لصلاة العصر 
يعني ثقه يا محمد 
أومأ محمد برأسه تأكيدا وهو يقول 
آه طبعا وكلامه كله من القرآن الكريم والسنة النبوية الشريفة وحافظ كمية كتب للإمام مالك و الشافعي والغزالي وغيرهم راجل بركه ربنا يبارك فيه لو عايز تحضر ابقى تعالى مش هيمانع أبدا الإنسان مقصر كتير في حق دينه وربه يا أحمد أبسط الأمور والله ما نعرفها وده يزعل أوي عارف إننا مش فاضيين بسبب شغلنا بس ساعة لقلبك تطهر فيها نفسك وتكسب معلومة جديدة لازم نعمل توازن ما بين متطلبات الدنيا والآخرة بردو 
ابتسم أحمد براحه يقول 
عايز طبعا تعالى عرفني عليه قبل ما نرجع لشغلنا تقريبا في مأمورية طالعينها على الصعيد علشان جماعة تجار دول والفرع طالب دعم جهز نفسك 
الله المستعان يا صاحبي تعالى يالا 
تمام اسبقني دقيقه وجيلك 
يتبع 
الصمت المعذب 
نورهان ناصر