رواية امال ضـائـعـة الفصل الثامن بقلم اية احمد ابوداعوس
انت في الصفحة 4 من 4 صفحات
ما قولتلها لحد بس عارفك خلاص...المره اللي فاتت زهقتيني المره دي مقدرش اتوقع منك حاجه صراحة ممكن تجيبي مشرط وتغوزيني به محدش عارف دماغك دي بتفكر إزاي.
آمال قلبها عمال يدق وواقفه مش مستوعبه حاجة من الخضة وقالت بصوت هادي هو أنت إيه جابك هنا وبعدين إفتكرت إنها كانت هتصلي وراحت مټعصبه على أكرم مرة واحده بعد ما كان صوتها هادي قالت بصوت عالي وعصبية لدرجه إن صوتها صحى مها من النوم أنت يا حيواااان بوظلتي وضوئي أنا كنت جايا أصلي كده لازم اروح أتوضى وهاين عليها ټعيط.... الله يسامحك والله... الله يسامحك انا معرفش بتطلعي من كل حتة كده ليه انت عاوز مني إيييييه.
مها عماله تمسك نفسها من الضحك بالعافيه على شكل آمال هي كمان لكن مره واحده ضحكت بصوت عالي وقالت تعالا يا أكرم إتفضل كتر خيرك والله بس معلش بقا آمال إداتك الطريحة على الصبح .
آمال معلش بعتذر على كلمة حيوان مكنتش أقصد بس فقدت أعصابي هروح أتوضى تاني بقا .
أكرم يبنتي والله ولا حوار ولا حاجة الموضوع كله إن كنت بشوفها كتير من فترة كده وخبت فيا مره وهي داخله المدرج ففضلت مستنى لحد ما اليوم خلص وروحتلها عند السكن أديها الكارنيه بتاعها ومن اللحظه دي عرفت اسمها وعرفت اسمي وكان وقتها معاها بنت اسمها بسملة عيد قدها في الدفعه بتاعتها بنت بشعرها كده وحكالها على الموقف اللي حصل بينهم لما كانوا شباب بيضيقوها وهو راح ساعدها وكانت هتقع بعدها وزهقته بس يستي هو دا الحوار لكن صراحه بنت جميله ومحترمه جدا .
أكرم وقالت ايه.
مها وعدتني مش هتقول لحد وإنها هتفضل جنبي لحد ما حقي يرجعلي ومكنتش مصدقة إنك هتساعدني وترجعلي حقي.
أكرم دا ليه دا بقا ! هي شيفاني وحش أوي كده ولا ايه.
مها لأ مش حوار كده بس يمكن عشان هي متعرفكش كويس بس انا قولتلها إن أكرم كويس وعمره ما قال كلمه وخلف فيها .
أكرم بإهتمام إمممم وقالت إيه .
مها مفيش والله ولا حاجه قالت كويس ربنا يهديه .
اليوم خلص ومها بقا افضل والدكتور كتبلها على خروج وخلاص هترجع السكن تاني لكن على المغرب كده قبل ما تخرج لقت خلود و هدى وشويه بنات جايين يطمنوا عليها وإعتذروا أنهم مجوش من بدري بس لأن رجعوا من الرحله متاخره وصحيوا متأخر وعلى ما خلصوا المحاضرات جيهم علطول.
هدى وآمال دا واجبنا يا مها متقوليش كده انتي أختنا.
الڪاتبة آية أحمد أبوداعوس
رجعوا السكن كلهم سوى وآمال مش معاهم محاضرات النهارده ومضايقة
جدا عشان عاوزه تسجلهم وتذاكر لكن مرة واحده لقت بسملة
بترن عليها
آمال بصت على التلفون لأ مش وقتك خالص هتقعدي تضيعي وقتي وتتكلمي كتير وخلاص مش هرد وسابت التلفون ودخلت تتوضى عشان تصلي المغرب.
خلود يا آمال... آماااال!! تلفونك يبنتي بيرن بقاله شويه تعالي شوفي مين عشان اللي بيرن دا ميقلقش .
آمال سيبك منه يا خلود بس حاضر يا خلود جايا أهو..
آمال جيت لقت بسملة رنت فوق ال 10 مرات وبتقول ياااه ممكن تزعل كده خلاص هرن أنا عليها وقبل ما ترن لقيتها هي بترن عليها تاني .
آمال ردت السلام عليكم ألو يا بسملة معلش كنت بتوضى يا جميله .
بسملة تمام مفيش مشكلة بقولك إيه أنا جايا من الرحله إمبارح وانتي حتى مطمنتيش عليا يا آمال وكمان أنا مخنوقه جدا من الصبح ومنزلتش محاضرات اعتمدت عليكي انك هتنزلي وابقا أخدهم منك لكن سالت بنات معانا في الدفعه قالوا إنك مجيتيش وهما كمان مش في دماغهم حاجه اصلا ومسجلوش حاجه ورا الدكاتره.
آمالحقك عليا يا بسمله إن مطمنتش عليكي بس في بنوته صاحبتي اللي معايا في الاوضه كانت تعبانه امبارح ونقلناها المستشفى عشان كده إتسحلت فيها وسهرت امبارح فصحيت متأخر معرفتش أحضر.
بسملة طيب ماشى مفيش مشكلة تعالي ننزل نتمشى شويه والنبي أصل هطق من القاعدة دي لوحدي .
آمال لأ معلش مش هعرف انزل والله دلوقت وأسيب صاحبتي بقولك معايا في الاوضه وتعبانه كانت في المستشفي محجوزه امبارح لسه راجعه النهارده.
بسملة يبنتي وايه المشكلة!! هو انتي من بقيت عيلتها يعني يا آمال وبعدين هتلاقي ناس كتير قاعدين معاها مجتش عليكي انتي والنبي تعالي معايا ننزل نتمشى نصف ساعه ولا نقعد على الكافيه شويه نشرب حاجه ونطلع المهم انزل اتحرك هطق يا آمال
آمال يبنتي بقولك عيب مينفعش أنزل في الظروف دي وأسيب صاحبتي.
بسملة وهو أنا يعني مش صاحبتك !! عشان خاطري يا آمال وحياتي مش هنتأخر .
وبعد عدت محاولات وخلود ومها سمعوها وقالوا ل آمال خلاص إنزلي إتمشى شوية وفكي هي معاها حق عشان متزعلش بردو واحنا قاعدين مع مها اهو وبعدين مش هتتأخري واهو تغيري جو .
آمال إقتنعت وقالت طيب يا بسملة هصلي المغرب بس وانزلك علطول إجهزي بقا عشان يومك بسنه وعشان منتأخرش السكن لسه معاد محدد.
بسملة أنا جاهزه اصلا قاعده ب هدومي يلا مستنيه اهو .
بسملة قفلت مع آمال وبعتت لأكرم عرفته انهم نازلين وهيقعدوا على الكافيه إللي جنب الكليه بتاعتهم .
آمال نزلت حضنت بسملة لكن للاسف متعرفش انها بتحضن حرباية بتتلون حسب مصلحتها وقالت وحشتني والله يا بسبوسه ها يستي عاوزه تروحي فين بقا بس بسرعه والنبي عشان منتأخرش .
بسملة إيه الحلاوة دي يا لولو وبعدين أي حتة معاكي حلوه يا جميل يا قمر أنت بس إيه رأيك نروح نقعد في الكافيه إللي جنب الكليه نتكلم شويه ونشرب حاجه وأحكيلك اللي حصل في الرحلة إمبارح.
آمال ماشى فكرة حلوة بردو.
آمال وبسملة راحوا الكافيه وقاعدين يتكلموا ويشربوا نسكافية لكن مرة واحده حد جيه وشد كرسي وقعد معاهم !!!.
آمال إتخضت وبرقت وقامت
