رواية انجاني حبها الفصل السادس والعشرون بقلم مي السيد
منها لنفسها الفكره كانت ف رعشتها جوايا كانت ف طريقه مسكها ليا كانها بتتحامي فيا ودي مش حاجه تضايقني خالص بالعكس
بس بتتحامي من اي اي ال مخوفها كده اي ال مخوفها لدرجه انها بتترعش لدرجه مش قادره تقوم تتوضي حتي ركنت كل الاسئله دي ع جمب عشان نصلي
واحنا بنصلي انا سامع صوت بكاها سامعها وهي پتبكي پعنف وخوف
خصلنا صلاه وبصتلها لقيتها بتتكلم وهي بتفرك ايديها بخجل وخوف
_ يوسف
اي ي حبيب يوسف
اتكلمت وهي بتحاول تاخد نفسها وبتدور بعنيها ف كل مكان ومازالت پتبكي من غير م اعرف ف اي
_ هو.. هو ينفع انام معاك انا خاېفه انام لوحدي
ي سلام ده ينفع وينفع اوي كمان
اتكلمت انا وانا بحاول افهم ف اي او اي سبب ده كله
_ كابوس اي ال بكاكي اوي كده
اتكلمت بصوت خاڤت مبحوح من اثر بكاها
احم... م.. مفيش حاجه
اتكلمت بتحذير وانا قاصد اخوفها فعلا عشان اعرف ف اي
_ مريم
نن.. نعم
اتكلمت بتحذير اشد وانا فعلا بتكلم بجد
_ انا لو عرفت انه ف حاجه وانتي مقولتليش صدقيني هزعلك مني وخاصه لو حاجه خاصه بيكي انتي فبلاش عشان صدقيني هتشوفي مني وش انا وانتي هنتفاجئ بيه
بدات تبكي من غير م ترد وهنا اتاكدت انه فعلا ف حاجه وهي مش عايزه تقول ضميتها ليا بدون م اتكلم وانا بفكر ازاي هعرف ف اي شويه وبطلت بكا وبعدها نفسها هدي ف عرفت انها نامت
شويه وعيني تقلت ونمت بدون م احس
صحيت الصبح قومتها عشان نمشي ع الكليه قمنا وصلينا الضحي وركبنا العربيه ومشينا بدون م نفطر وبدون م نتكلم
وصلنا نزلت من العربيه ودخلت عشان تمتحن بدون برضه م تتكلم وانا دخلت المكتب بدون اي تركيز ف اي حاجه بتحصل غير اني عايز بس افهم ف اي انا مش عاجز عن اني اعرف الكلام منها حتي ڠصب عنها انا بس عايزها تحكي بمزاجها
عدي وقت امتحانها وسط تفكيري فيها بس خرجت من المكتب عشان اروحلها وف وسط الطريق وانا ماشي ليها لقيتها واقفه مع شاب خلينا متفقين انها كانت غاضه بصرها عنه وف مسافه كبيره جدا بينهم تكاد تكون مترين او اكتر وهو باين أنه محترم مش وحش يعني او لا وحش هه
اتكلمت بعصبيه وانا بقرب عليهم
_ مريم
ردت بتوتر وهي بتقرب عليا بعد م سابت الواد ده
نعم
_ انتي واقفه بتعملي اي
مفيش كان الاستاذ بيسألني ع حاجه
_ حاجه اي دي ان شاء الله ي استاذ
رد
