رواية امال ضـائـعـة الفصل الرابع بقلم اية احمد ابوداعوس

آمال_ضائعة
_البارت_الرابع
الڪاتبة_آية_أحمد_أبوداعوس
بسملة بصت لآمال وبرقتلها ووشها باين عليه إنها متنرفزة جدا من آمال لكن ماسكه نفسها بالعافيه ومش عاوزه تتعصب عليها قدام أكرم .
آمال بصت بضيق لأكرم وهي محروجه وشكلها مضايق جدا وأكرم شكله مصډوم إن آمال زقته.
مشيت آمال وبسملة ورايحين الكافيتريا لكن طول الطريق بسمله مټعصبه جدا ومنطقتش بكلمة لآمال وفي نفس الوقت آمال مضايقه من نفسها جدا وقالت أول مرة وآخر مرة أروح الجنينه الحمراء أنا زعلانه من نفسي أوي وحاسه إن أنا مش كويسه عشان سبت واحد زي دا مسكني كده ! بس والله ڠصب عني... أنا كنت هقع ولقيته مسكني ! لكن مره واحده قطع صمت آمال بعد ما قعدوا صوت بسملة اللي كله عصبية وهي بتقولها إيه دا بقا اللي حصل دا !.

أنا يدوب ببص ورايا لقيتك في حضنه يعتبر ! إيه دا يا آمال فهميني! أنا مټعصبه من وقتها بس مرضتش أزعقلك قدامه عشان محرجكيش .
آمال إتعصبت أكتر من طريقه بسملة وقالت تزعقيلي ! وإنتي تزعقيلي ليه أصلا ! معلش يا بسملة ولا انتي ولا غيرك ليه زعيق عليا وبعدين أنا فيا اللي مكفيني أنا إتزحلقت وكنت هقع لقيته مسكني ! أنا اټخضيت وإتفاجئت زيك بالظبط وبعدين زقيته ومشيت ولا انتي مشوفتيش اللي حصل ! وبعدين أنا مش فرحانه ب حاجه زى كده يعني دا عمر ما حد مسك إيدي حتى فاكيد مش هكون مبسوطه لو حد مسكني زي ما هو عمل كده ! .
بسملة هديت وحاولت تستوعب آمال وقالت يا آمال أنا قولت كده عشان خاېفه عليكي منه وخاېفه إنك تحبيه لأن بيطلعلك في كل مكان تقريبا.
آمال أحبه ! إنتي إزاي عقلك جابك لكده أصلا..! يا بسملة أنا مش بتاع حب ولا جايا الجامعة عشان أحب أنا جايا أثبت نفسي وأتعلم لكن حب والجو الفاضي دا مش ليا ولا عمره هيكون ليا أنا إتولد في أسرة مشوفتش فيها طعم الحب ولا أعرف يعني إيه أصلا حب.
بسملة إزاي! هي عيلتلك كانت قاسېة معاكي يعني ولا إيه إحكيلي .
آمال حست إن دي حاجه خصوصية شويه وهي و بسملة يدوب متعرفين من يومين فمش واثقه فيها الثقه التامة إنها تحكيلها حاجه عن أهلها وقالت يستي ولا حكاوي ولا روايا يلا نقرأ بقا وخلاص إللي حصل حصل أنا أصلا مستحيل أروح الجنينة الحمرا دي تاني وكان مفروض أسمع كلام منار لكن إنتي اللي أصريتي بس تمام خير .
____الڪاتبة_آية_أحمد_أبوداعوس______
الساعة بقت 11 بالظبط  
آمال بصت في ساعتها لقت الساعة بقت 11.
آمال يا خبر أبيض !! دا الساعة 11 والدكتور عندنا ملتزم جدا لو دخلنا بعده ممكن ميدخلناش قومي يا بسملة بسرعه قومي.
بسملة لسه