رواية امال ضـائـعـة الفصل الرابع بقلم اية احمد ابوداعوس
ولا للسان...
____الڪاتبة_آية_أحمد_أبوداعوس______
اليوم خلص والمحاضرات كلها خلصت وآمال راجعه السكن
بسملة يلا يا لولو
آمال معلش إسبقي إنتي أنا في شويه حاجات هخلصها وهنزل أشتري كتب واتفرج على هدوم كده والإستايلات إللي هنا تنفع محجبات وهتعجبني ولا لأ وبعدين هروح السكن فروحي إنتي.
بسملة طيب أجي معاكي عادي أنا مش ورايا حاجة وبقعد وشي في وش منار في السكن زهقانه وكمان مش بحبها ولا برتاح معاها دا انا مصدقت أعمل صاحبة جميلة زيك يا آمال انتي عاوزه تبعدي عني !.
آمال يبنتي أبعد إيه بس إنتي زي ما إنتي شايفة إستايلتنا مختلفة تماما عن بعض أنا كل لبسي طويل وواسع وإنتي بناطيل وقصير وبشعرك يا بسملة فأكيد زوقنا مش هيكون شبه بعض ولا هيكون مشوار ممتع ليكي عشان كده مش عاوزه أتعبك معايا وخلاص .
آمال هههه زي النهارده كده !.
بسملة لأ بجد وعد هصحى بدري أجيلك نروح سوى الساعه 8 بالظبط هتلقيني عندك...
آمال طيب ماشى سلام بقا عشان ألحق وأرجع قبل ما الوقت يتأخر والسكن يتقفل .
____الڪاتبة_آية_أحمد_أبوداعوس______
بسملة راجعة السكن لوحدها لقت كالعادة أكرم واقف وشكله أكن مستنظر حد وأول ما شاف بسملة خلع النظارة وبص ناحيتها جامد أوي وشكله مستغرب .
بسملة فضلت واقفه تبص لأكرم وبعدين ضحكت وراحتله وهو مستغرب منها وعمال يقول مالها دي جايا تعمل إيه وفين آمال!
أكرم ضحك ضحكه خبيثه وقال عجباني بصراحة
بسملة أنا ولا آمال
أكرم ضحك وقال هو إنتي حلوه مقولناش حاجة بس آمال غير أول مره أشوف بنت كده وصراحه نيتي مش وحشه تجاهها أنا بس أول مره أشوف بنت تتقل عليا أنا وتتعامل معايا كده وإنتي أكيد عارفاني كويس ولا إيه !.
بسملة أكيد يا أكرم باشا وعارفه وسطاتك إللي هتعدينا من الكليه بامتيازات وأنا حاطه رجل على رجل مش كده ولا إيه !
أكرم كده ونص بس هي فين مرجعتش معاكي ليه .
بسملة الست لولو نازله تشتري كتب وشويه لبس وبما إنها محجبة وملتزمة والإستايلات مختلفه عن بعض زي الدماغ بردو فمرضتش تاخدني معاها وبعدين صراحه عملت خير عشان أرجع أشوف الحلويات دي لوحدي.
بسملة ضحكت بسخرية وقالت أل ذكيه أل ...دا ذكية زكريا... المهم هات رقمك وسجل رقمي عندك بس إشحنلي وحياة لولو عشان أعرف أكلمك نت .
أكرم ضحك ضحكه تقليل منها وفهم إن بسملة سهلة تتجاب بالفلوس
