رواية اسرار الماضي لبنت ناس الجزء الثاني الفصل الخامس بقلم رينا الهادي

جري ليها حاجة لية سيبتيها لوحدها .
لترفع إنتصار عينيها إلي إبنها أسأل أبوك إللي صمم ياخدني و هو شايف بنفسة إنها مش قادرة تتحرك .
لترد الحاجة بإستهزاء إيوة صح مش قادرة تتحرك بس قادرة تحبس إبني معملتش حساب أبو أخوها و لا حساب أننا بنستقبلها زي بنتنا و نعاملها أحسن معاملة .
إنتصار بشهقات و دموع لا و انبي حوش الحنية و الحب إللي مغرآين الدار دي عايشة في مرار هي و رقية بس إزاي لازم يكسرها أكتر ما هي مکسورة حسبنا الله و نعم الوكيل .
لتنزل صڤعة قوية علي خد إنتصار من الحاجة . 
وياخذها علي بسرعة لحضنة .
علي بصوت عالي لولا ٱنك ستي كان هيبقي لي معاك تصرف تاني .
محمد إنت بتعلي صوتك علي أمي قدامي يا علي .
علي شايفني عيل أمي ټضرب قدامي تعالي يا أمة معايا و قسما عظما لو ماديتي إيدك عليها ثاني لأكون واخدها و مآجر أي بيت أسكن معاها فية مش بعد خدمتها فينا كلنا تتضرب في السن دة .
محمد إنت بتحلف علي مين يا علي 
علي وقد فاض بة علي اي حد يهين أمي إية فاكرينها خالتي رقية و لا نهر تنهشوا فيها و نسكت لأ يا ستي فوقي كدة دي أمي اللي شايلاكم خدمة كلكم و دة جزاءها .
لتقع الحاجة علي الأرض و يسرع إليها محمد . 
محمد لو أمي جري ليها حاجة مش هسامحك ياعلي .
أدخل علي و محمد الحاجة حجرتها ليقيس لها علي الضغط ويخرج سريعا لياتي بعد قليل و هو يعطي لها حقنة وبعض المحاليل .
محمد عجبك إللي عملتة في ستك .
علي .........
محمد ما ترد ولا كلامي مش عاجبك .
علي آباة بلاش دلوقتي أنا اعصابي خلاص ماعدتش متحمل اي ضغط تاني انا رايح اجيب دكتور متخصص علشان نطمن عليها اكتر خليك جنبها مشي علي وقبل أن يمشي دخل علي أمة أخذها في حضنة و قال معليش يا ست الكل عارف إنك خاېفة علي نهر أنا بعت لصاحبتها واكيد هيروحوا لها وانا هطمن علي ستي و هروح آبات معاها .
كان محمد يريد أن يشرب القليل من الشاي و راي علي و هو يدخل حجرتة ذهب وراؤة والتمعت عينية بالڠضب و هو يسمع آخر كلام علي ليدخل ويقول عليا الطلاق من أمك يا علي لو روحت لها المستشفي تكون أمك طالق .
طبطبت إنتصار علي ظهر إبنها وهي تقول علشان خاطري يا علي كفاية خناق و روح شوف دكتور لستك و ما تخفش يا إبني ربك كريم و مش هينساها هي في مستشفي يا حبيبي مش في الشارع .
مشي علي بسرعة و أغلق الباب بقوة .
لتنظر إنتصار لمحمد ربنا يقدركم يا محمد و ټكسروا قلوب كل إلاي حواليكم و بالمناسبة أنا مش خاېفة من الطلاق لأ أنا عاوزة أطلق أصلي ماعدتش قادرة أتنفس بينكم بس بنتك تكمل سنة جواز و أنا اسيب لكم البيت أنا رايحة أنام في أوضة العيال .
لينظر لها محمد بذهول إنت بتقولي إية مش هتباتي مع أمي و هتنامي عند العيال للدرجة دي قلبك أسود .
إنتصار البركة فيكم أصلي فكرت و لقيت إنك تهتم إنت بامك أصل صراحة مش فاكرة ليها حاجة حلوة معايا وإنت وإبنك كفاية عليها الدور و الباقي علي اليتيمة إلاي إستكترتوا عليها بعد ما كسرتوها حد يبات معاها .
خرجت إنتصار بهدوء عكس ما بها من ألم