رواية حواديت من الواقع الفصل الاول بقلم ليل السيد
وبيرفض ياخد المضاد الحيوي هياخد كيماوي
قولت بنفي سريع
اه طبعا هياخد وانا مش هسيبه غير لما يبدأ علاج هو بيحبني مستحيل يسيبني لوحدي ويرفضلي كلام انا هقنعه وهكون دايما معاه ده صاحبي الوحيد مستحيل اسيبه
ابتسم زين
هو كمان بيحبك اوى يلا علشان الوقت اتأخر والجو برد
انت كده مكنتش مع صحابك زي ما ماما قالت كنت لوحدك صح
همم يعني اكيد ماكلتش برضو يلا يعم هتبرع واعملك مكرونه بالوايت صوص مش علشان انت ابن عمي وكده تؤتؤ ده علشان ماما عامله اكل مش بحبه وانا كنت مكسله اعمل اكل لنفسي كنت شايفه الموضوع مش مستاهل
أنتي طول عمرك يا ليلي مش بتهتمي باكل وتكسلي وتختاري انك تنامي جعانه اسهل
يلا بس علشان تساعدني
يلا يا ستي
دخلت المطبخ وهو دخل يغير وبعدين قالي هاجي وراكي
بدأت اظبط واشوف كل الي هنحتاجه
زين ممكن اسألك سؤال
اه طبعا
لما بنسافر البلد في الأعياد والإجازات العيله ماشاء الله مليانه بنات كتير في سني واكبر مني كنت بشوفك بتعاملهم كلهم كويس من واحنا صغيرين وبتعاملني انا وحش جدا وتتعصب عليا دايما وتزعقلي وتتريق علي شعري وشكل انا بجد يا زين كنت بكره اروح البلد بسببك مع اني بحب اوي باقى ولاد عمي وقرايبي بس وصلتني ان اكره البلد واعيط كل مره لبابا علشان منروحش
وانا بحط اللبن علي الدقيق واقلب علشان اعمل الصوص وهو مركز معايا
بصراحه انا
كل الحكايه ياستي اني كنت بضايق منك علشان مش بتحبى تقعدي غير مع الشباب يعني تبقى العيله كلها متجمعه وكل البنات والستات جوا مع بعض وانتي الوحيده الي سيباهم وقاعده معانا احنا بره تهزري مع ده وده وده يقولك روحك حلوة يا ليلي وده معرفش ايه ليه متقعديش زي كل بنات العيله جوا ليه متلميش شعرك الي دايما سيباهولى علي ضهرك وعملته وعملاهولي كيرلي وده يلعب فيه وده يقولك حلو وده لايق عليكي ولبسك كان كله عريان وده برضو كان بيضايقني
وشعري انا بحبه كده مش بحب المه ولبسي انا كنت لسه صغيره مرفوع عني القلم يعني لبسي مش هتحاسب عليه كنت طفله لسه بس انت كنت بتحاسبني
ايه بحب شباب العيله دي انتي عبيطه
ايه عبيطه دي والله بجد فعلا بحسهم كلهم اخواتي انا كان نفسي اوي يكون عندي اخوات اكبر مني علي فكره بقا بجد هما كلهم صحابي
