رواية اشقاؤها الثمانية بلوتي الفصل الثاني بقلم Elia Lee
انت في الصفحة 1 من 5 صفحات
أشقاؤها_الثمانية_بلوتي
الفصل التاني
عمران _ طيب قليلنا عايزة ايه نجبهولك او نعملهولك مش هنقول لا .. مفيش حاجة تغلا عليكي يا غالية ..
نياط بتأتأة _ أنا .. أنا .. عايزة اتجوز عايزة اتجوز عايزة اتجوز ..
تتجوزي بزعيق نطقو كلهم و عيونهم مبرقة كل واحد بيبص للتاني سلطان و عمران اللي قامو من الأرض مصډومين و اول ما اجت عيونهم بعينها وطت راسها بتبلع ريقها
مروان بعصبية _ انت تهبلتي ايه الكلام الفارغ ده زواج ايه و نيلة ايه ..
مراد ضحك _ انتو صدقتو و لا ايه اكيد بتهزر تلاقوها قرت رواية من بتوعها و اتقمصت الدور بلاها الهزار البايخ ده قوللهم بتهزري ..
ضحكته اتلمت أول ما شاف نظرتهم اللي تشل خاصة سلطان اللي تكشيرته لوحدها خلته يفهم قد ايه الموقف جدي و مش حمل هزار
مروان بزعيق _ لا كملي .. سمعينا كده ..
جسمها اترعش قلبها هينط من صدرها و الدموع ملت عيونها أول مرة حد منهم يزعقلها بالطريقة ديه و الاوحش انو محدش من البقية اتدخل بس بالحقيقة هما ماسكين نفسهم بالعافية ولا حد فيهم بيهون عليه خۏفها أو زعلها
مردتش عليه و طلعت جري قفلت باب الأوضة من جوا و اترمت على السرير دفنت راسها في المخدة بقالها ربع ساعة مستنية عمران يجي هو أول واحد بيطيب خاطرها سمعت لفة المفتاح الاحتياطي في القفل
نياط مبوزة _ مش عايزة اتصالح يا عمران .. سبني فحالي ملكش دعوة بيا ..
سلطان بتريقة _ الأميرة مستنية تتصالح ..
