رواية اڼتقام انثي الفصل السادس والثلاثون بقلم رشا منصور

كمان شويه أول ما تصحي ممكن تشوفها
فرحت أوى وطلعت لها ألف جنيه وقولتلها دى حلاوة الخبر الحلو ده ونزلت ناديت ع كل اللى فى الدار وقولتلهم بنتي اتحسنت لمياء هترجع ضحكتها تنور حياتنا تانى
حمديه مراتي زغرطت هى وسعديه مرت أخويا وعثمان قال أخيرا سمعت خبر حلو عقبال ما نطمن ع إحسان يارب
سناء.
فرحت لما سمعت الخبر حسيت ان فى أمل أننا نعيش اتصلت ع عبدالله علشان اطمن عليه وع اولادى
لكن الموبايل ادانى مغلق قولت يمكن لسه نايمين كمان شويه اتصل تاني فضل يديني مغلق 
وسألت ع عبدالرحمن لقيت بهيه قالتلي أنه اخد مروان وخرجوا مستعجلين وسمعتهم بيقولوا أنهم رايحين المستشفي ابويا وعمي اتخضوا. ع عمتي
اتصلوا عليهم محدش فيهم بيرد ابويا اتصل ع الدكتور وقالوا أنهم كانوا هنا ولسه ماشين حالا وحالة عمتي مستقرة ونتيجه الفحوصات ظهرت ومطلعش عندها كورونا وهتتنقل ل غرفه عاديه وكمان كام يوم هتقدر تخرج من المستشفي
ابويا وعمي وهدان فرحوا وقالوا الأخبار الحلوة جايه مع بعض كدا مش فاضل غير أننا نطمن ع الأولاد
قولتلهم الموبيل مقفول من بدري ابويا أتصل ع جيلان اداله هذا الرقم غير موجود بالخدمة تأكد من الرقم المطلوب
وموبيل عبدالله لسه مقفول القلق زاد عمي اتصل ع عبدالرحمن لما رد بلغه باللي حصل قال لنا أنهم فى الطريق لهناك أول ما يوصلوا هيطمنونا 
فضلنا قاعدين ع ڼار وندعي ربنا يكون العيال بخير
عبدالرحمن .
روحنا المستشفي وعرفت الدكتور ان حالة عمتى نفس اللى حصل مع أختي ټسمم عناكب وهو طمني ان الفحوصات أثبتت ان معنديهاش كورونا خرجنا من هناك ع الشقه الأولاد 
واتفقت مع مروان أننا نجيبهم كلهم ع البيت من غير ما نجيب سيرة ل جيلان أننا عرفنا حاجه
واتفاجأت ب ابويا بيتصل عليا وبيبلغني ان موبايل عبد الله مقفول ومش عارفين يوصلوا ل جيلان
اتصلت ع رقم جيلان ادانى غير موجود بالخدمة اتصلت بسرعه ع صاحبي وقولت له شوفلي آخر رقم اتصلت عليه جيلان لقيته قالي !!!
يتبع. 
تفاعل كتير وانتظروا الجزء الأخير من القصه