رواية اجنحة الاحلام الفصل الثاني بقلم مريم ولـيـد مـحمـد

بس عمري ما توقعت إنه دي هتبقى مشاعري خرج من باب الشقة بهزيمة جديدة.. المرة دي أنا اللي السبب فيها خرج وقفل الباب فأمنية خرجت جري ناحيتي أخدتني في حضنها فعيطت طبطبت عليا بهدوء
مكنش ليه لزوم اللي عملتيه دلوقتي يا سيا أنت كمان محتاجة عمار.
كفاية يا أمنية علشان خاطري متتكلميش.
اتنهدت وطبطبت على كتفي بهدوء
خلاص حقك عليا أهدي طيب.
كل يوم بالنسبة ليا فرصة
فرصة جديدة نتعرف على ناس جديدة
فرصة جديدة نشوف ظروف مختلفة
حكايات جميلة عدت أمبارح ويدوب بنسمعها النهارده
عملت فنجان قهوة شربته ونزلت.. كانت أمنية لسه نايمة مكنش عندي شغل فنزلت أتمشيت شوية كان فيه ولد واقف في الشارع على جنب بيدور في صندوق الژبالة مشهد قادر يوجع قلبي كل مرة بتعدي عليا مشهد قادر يقطع روحي.. ياريت كان ينفع كلنا نبقى معانا فلوس.. جيت رايحة تجاهه لقيت حد بيشده من ورا لفه ليه وابتسم
بتعمل إيه!
كمل پخوف وهو بيبعد
أنا.. أنا آسف يا أستاذ والله أنا بس كنت جعان كنت بردان.. أنا آسف آس..
قاطعه بهدوء وهو بيقرب منه
ممكن تهدى شوية أنا مش جاي أعاقبك.
بين له الچاكت اللي كان جايبهوله وعلبة الأكل والمية
أنا جايبلك دول بس.
الولد بص للشنط بقلق
مفيهاش سم يا أستاذ!
سم!
كمل پخوف وضحكة سخرية متابعة كلامه
ما بيعاملونا أحنا والكلاب زي بعض أحنا الاتنين دايما بنحاول نلاقي أكل بندور حتى في الژبالة.. وفي النهاية بيقدمولنا الأكل متسمم علشان ڼموت والدنيا تخف ياريتنا ڼموت بس منغير ما نتوجع.
قلبي وجعني كلامه الحزين لمس جزء من قلبي.. الشارع والطريق مليان حكايات محدش فاضي كلنا شايلين طفل مكملش العشر سنين.. عايشهم في الشارع بين العربيات بين الرمي والحط والشيل ليه بنعاقب ناس على ذنب مش ذنبهم!
العالم مش كله بالسوء اللي أنت فاكره مقدرش أنكر إن فيه ناس وحشة بس صدقني فيه ناس كويسة.. ناس بتحب تساعدكم وعايزة تساعدكم ناس شبهكم وبتحبكم.
ابتسمله وأخد الحاجة
شكلك طيب يا أستاذ.
ضحك بخفة
يا عم بعد إيه بقى! ده أنت طلعتني شرير مۏت.
حقك عليا يا بيه.. تاكل معايا!
ابتسم وطبطب على كتفه
لأ يا حبيبي بالهنا على قلبك كل وأشبع.. أنا شغال هنا في المحل اللي جنبك وقت ما تجوع ولا تعطش تعالى متدورش في الژبالة تاني محدش يعرف فيها إيه.
معدتنا أتعودت تشرب من مية النيل منغير تكرير وتاكل الأكل اللي مش نضيف.. حديد متقلقش.
ضحك بخفة
هيجي يوم وكل حاجة تتعدل يا طيب.
مشهد من ألذ المشاهد اللي قابلتها في حياتي مشهد قدر يغير يومي ١٨٠ درجة ابتسمت بهدوء.. وأعتقد والله أعلم هو خد باله إني كنت براقبهم
أنت كمان جعانة ولا إيه!
أفندم!
ضحك بهدوء
شكلك جعانة يعني.. أصلك مركزة.
ضيقت حاجبي
كنت بتفرج على الولد كنت جاية بس أنت سبقتني.
كمل بمراوغة
المرة الجاية هتسبقيني أنت.
بصيت له بعدم فهم فضحك
فيه كلب شكله جعان معايا أكل كلاب.. تيجي معايا نأكله
بصيت للكلب فكان شكله لطيف سبقته وجريت ناحيته بدأت ألاعب الكلب واعتقد بقينا صحاب وبالفعل بدأنا نأكله أكل وشبع.. معتقدش هو لوحده هو وأصحابه اللي حب إنهم ياكلوا معاه.
شكلك قلبك طيب..
ابتسمتله بهدوء
وأنت كمان مصر طلع فيها حاجة عدلة لسه.
ابتسم وقبل ما يرد تليفوني رن رديت بابتسامة وقبل ما أتكلم وصلني صوت
عمار ماله!
كملت بخضة
أنا أنا جاية حالا..