رواية قصيرة القامة طويلة اللسان الفصل الخامس والثلاثون والاخير بقلم شيماء صبحي
كلهم دخلوا وبدأ الكل يتفرج علي جمال المشروع بعدما الإضاءة إشتغلت وبان المشروع وكل المتواجدين كانو مبهورين بتصميمه وبدا الكل يهتف باسم هادي وهوا كان مبسوط لانه كان مستني اللحظه دي من زمان وعرف معني كلمه النجاح بجد ..
احمد الچارحي كان واقف وهوا بيسقف وفخور بابنه وبالإنجازات اللي عملها وانه ثبت لكل العالم انه مش فاشل وان الفاشل الحقيقي هوا اللي بينتقد اي حاجه بيشوفها لانه مش قادر يعمل زيها...
قمر ادت ليليان للمساعده اللي معاها وبصت لخالد وقالت بابتسامه جميله ازيك يا خالد حمدلله علي السلامه..
خالد بصلها وهوا مبتسم وهيا هزت راسها بمعني ان كل اللي حصل زمان اتنسي وانها حتي مبتفكرش فيه ..
هادي بعدهم پصدمه وقالايه يا عم الحج دي مراتي..
خالد ضحك وقال وتبقي اختي برضوا.. قمر هزت راسها وابتسمت وهيا بتبص للبنت الي معاه لانها كانت معظم الوقت بتبص في الارض وساكته..
خالد بص لنيره وقال بابتسامه اعرفك يا نيره باخواتي الرجاله ودي بق يا ستي البنت اللي كنت بحكيلك عنها وعن اللي كانت بتعمله فينا ..
نيره بصت في الارض بخجل وبعدها قالت تسلمي علي كلامك الحلو..
قمر هزت راسها وقالت بابتسامه احنا من النهارده اخوات مش عايزه شكر وكلام من دا المهم زي مبقولك كلام حلو تقوليلي انتي كمان ..
نيره ابتسمت وسلمت عليهم بفرحه لانها عمرها مصاحبت حد ولا اتكلمت مع حد غريب بس البنات دول كانو فيهم كميه قبول مش طبيعيه فهيا كانت مطمنه ليهم وحست انهم فعلا اخواتها ..
نيره بعدت خطوه عنهم وهيا مبتسمه و سلمت علي بقيت اصحاب خالد وصافي واحمد رحبوا بيها بابتسامه لانها كانت من نفس طبع سهر وقمر بنت ملامحها طيبه جدا وفيها قبول..
خالد بصلها وقال پصدمه دي بنتك..
قمر هزت راسها وضحكت وقالت ايوا بنتي واسمها ليليان ..!
خالد بص للطفله الرضيعه الي قمر شيلاها وقال بابتسامه دي جميله اوي يا قمر شبهك بالظبط
هادي بصله وقال بغيره لا دي شبهي انا.. خالد ضحك علي كلامه وقرب ليليان من نيره وقال شكلها جميل مش كدا..
خالد ابتسم ورجع ليليان تاني لقمر لانه خاېف لتقع منه لان حجمها صغير جدا..
كانت المره الاولي اللي يشيل فيها طفله بالحجم دا ...!
قمر اخدت ليليان واداتها للمساعده وبعدها وقفت معاهم وهيا بتقول لهادي المشروع يجنن .. هادي ابتسم وحضنها وقال..عجبك!!
قمر هزت راسها وقالت ابهرتني بصراحه يا حبيبي..
هادي ضحك علي كلامها وقال..هي دي بس اللي بهرتك مفيش اي حاجه تانيه..قمر لفت وشها بخجل وبصت لسهر وشاورتلها انها جايالها ..
وسابته وبعدت عنه وهوا فضل يضحك علي خجلها ..!
سعيد كان واقف وبيشرب العصير وهوا بيبص عليهم وساكت لحدما فجاه لفت نظره بنت جميله لابسه فستان احمر داخله عليهم..
عبدالله كان بيبص
