رواية قصيرة القامة طويلة اللسان الفصل الخامس بقلم شيماء صبحي
معاها السواق اتحرك وهيا وهيا ندهت بصوت عالي لحدما وقف قربت من العربيه وندهت عليه ولما انتبه ليها نزل
قمر انا عماله اشاورلك من ساعتها علشان اعرفك اننا هننزل
هادي مخدتش بالي اصلي اهبل!
قمر فهمت انه سمع الست لما قالت عليه كدا
ف قالت متزعلش مني اصلا دي ست كبيره واحنا واجبنا اننا ساعدها علشان لما نكبر نلاقي الي يساعدنا!
هزت راسها وبعدها مشيوا لحدما وصلوا للمحل الي هيجيبوا منه الطلبات وبعد وقت خرجوا وكانت شايله كل الاكياس لوحدها وهوا ماشي جمبها لحد ما عدت ست وقالت اخص علي الرجاله بق سايبها شايله كل الاكياس وماشي فاضي رجاله معندهاش ډم!
فبص جمبه لاقي ان قمر شايله الاكياس ومن الواضح انها تقيله عليها قرب منها وقال هاتي اشيل معاكي
ادتلوا الأكياس وهيا مستغربه انه طلب يساعدها !
ركبوا الميكروباص علشان يروحو وفي الطريق واحده ست كانت شايله بيبي وكانت قعده جمب هادي وكانت ناسيه انها تدفع الاجره وانتبهت علي صوت السواق وهوا بيقولها انها مدفعتش
السواق بصلها بنظرات مش حلوه وكان هادي واخد باله من نظراته ليها فبصلها وهيا مكنتش عارفه تطلع فلوس من ابنها الي كان علي رجليها ف طلبت منه ياخد ابنها علي رجله ثواني بس لحدما ما تطلع الفلوس
وافق هادي واخد الطفل وفضل يلاعبه وكانت قمر بتبص عليه ومبهوره بتغيرة لحدما الست كانت دفعت الاجره واخدت الطفل من هادي تاني وشكرته وهوا ابتسم ورجع بص لقمر لقاها بصاله ومركزه معاه
فهم وقتها كلام قمر واقتنع ان دي حاجه ملهاش علاقه بانه كدا بيقلل من نفسه زي مكان فاكر وان دي حاجه مطلوبه !
وصلوا للمنطقة وهادي وقتها شال كل الأكياس وقربوا من الورشه ولقي ان الشباب لسا شغاله فقمر لاحظت تعبهم فعرضت عليهم انها تساعدهم ف رش البوابه ولاكن هما رفضوا وطلبوا منها تقعد وهما هيعملو كل حاجه بنفسهم فابتسمت وقررت انها تطلع وتعملهم اكل بنفسهاا وطلبت من عبدالله انه يجي وراها علشان عايزه تديلو حاجه وعبدالله وافق وطلع وراها الشقه
بقلم شيماء صبحي
هادي كان ملاحظ نظرات خالد ليه فقال باستغراب مالك بتبصلي كدا ليه
خالد بضيق مببصلكش
هادي فهم ان في حاجه فقال لا فيه نظراتك ليا مش حلوه في ايه انطق!
الشباب انتبهو لصوت هادي الي كان عالي نوعا ما فقربوا وهما بيسألو في ايه
خالد بضيق مش عارف الأستاذ هادي ماله بيقولي بتبصلي ومش بتبصلي!
هادي بغيظ لا منا عايز افهم بتبصلي كدا ليه وكانك مش طايقني
خالد بضيق ايوا مش طايقك وحل عني بق
هادي اتعصب من اسلوبه وقرب منه وقال اتكلم معايا حلو ومتنساش نفسك
خالد پغضب انت الي متنساش نفسك انت زيك زي يعني انت الي تتكلم معايا حلو وبلاش التناكه الي انت فيها دي!
هادي اټصدم من كلامه وقال دانت شايل ومعبي بق!
خالد زفر بضيق ومحمد قرب من هادي وقال اهدي يصحبي
