رواية قصيرة القامة طويلة اللسان الفصل الرابع بقلم شيماء صبحي
الجمله دي عرفت انه هوا الواد الغلس قالت برفض وانت عايز ايه في وقت زي دا
هادي بصوت ضعيف أنا شامم ريحه أكل جاي من هنا وبصراحة أنا جعان!
قمر باستغراب من كلامه قالت وهو في حد بيعمل اكل في وقت زي دا!
هادي انا شامم ريحه مكرونه وانا جعان انا مكلتش حاجة من الصبح
قمر قالت بحزن بيقول مكلش حاجه من الصبح !
قمر بغيظ لأ واتفضل اطلع علي شقتكم مفيش اكل!
مسمعتش رده وبعدها دخلت للمطبخ وقالت هيا ناقصاك انت كمان قال جعان ومأكلتش المفروض اننا اصدقك وادخلك هنا دنتا
حطت الأكل علي السفرة وبدأت تاكل ولاكنها سمعت صوت جاي من عند الباب زفرت بضيق وقامت فتحت الباب كان هادي قاعد علي الارض وماسك بطنه
هادي انتي كدابه علي فكرة انتي عاملة أكل!
قمر أيوا عامله أكل واقولك علي الكبيرة عاملة مكرونه وبيض
هادي بجوع الله تعرفي اني بحبك الأكل دا أوي!
قمر رفعت حاجبها وقالت بس انا عاملة أكل علي قدي وانت باين عليك كدا بتاكل كتير
هادي وقف ونفض هدومه أبدا انا بس هاكل شويه صغيرين والله.
هادي هز راسه ودخل وهيا سابت الباب مفتوح وبعدها دخلت للمطبخ علشان تجيبلة أكل وطلعت لاقته خلص كل اكلها قالت پغضب اي دا أنت كلت أكلي!
هادي بصلها وقال انا كنت جعان اوي وبصراحه انا اول مره اكل من ايد حد انا معرفوش واول مره في حياتي اطلب طلب من حد !
قمر بضيق وانا مالي بق بالكلام دا انا جعانه انا كمان ودلوقت مفيش غير شوية المكرونه الصغيرين دول ومش هيشبعوني!
قمر ادتلوا الطبق وقالت خده واطلع كل فوق ومشوفش وشك تاني وعلي فكره عقابك انك هتنزل تشتغل في الورشه
هادي اخد الطبق وقال موافق بس متزعليش بق لما ابوظلك الدنيا!
قمر بعيظ امشي من هنا حالا
هادي مشي وهيا قفلت الباب وراه وقعدت بحزن وهيا بتقول مفجوع ياربي خلص الاكل كلو . بس ثواني هوا قالي أنا اسف يعني بيعتذر عادي اهو امال ليه شايف نفسه كدا وبيتنك علي صحابه
تاني يوم الصبح
صحيوا الشباب بنشاط وبدأو يجهزوا علشان ينزلوا الورشه وخرجوا من اوضتهم واتفاجؤ بهادي لابس وقاعد مستنيهم
خالد اي دا انت نازل بجد ولا ايه
هادي أيوا نازل اشمعنا يعني انتو تكسبوا فلوس وانا لأ!
سعيد لاحظ الطبق الي موجود علي السفره قال باستغراب وهوا بيمسكه دا طبق اي دا!
محمد باستغراب اي دا
