رواية سما الفصل السادس بقلم وسام الفراجي
اشوفلج منو ذولي!
كالتله لا لا باليستر ع عرضك لتسوي شي ماريد مشاكل بس هم يروحون واروح
وكف ورجع ..
اني حسيت بإحساسها لان عايشة بنص التحرش واباوع لايدها ترجف متوكف ..
دخلوا الشباب الاثنين للمحل وسلموا عالولد ابو المحل وبكل صلافة طلبوا منه بطلين ببسي وهو عرفهم مو عالببسي
كاللهم ماعندي ..
كالوا بس هاي كدامنا ..
اني شسويت صرت اسحب بنفسي حتى اطلع هسة يتعاركون واني اخاڤ من هيج هوسة ..
هم راحوا جان يصيحني كلي اعتذر منج هواي والله بس شغلة متتحمل تتأجل ..
حطلي المسواك وكال للبنت بيتكم بعيد كالتله لا فرعين منا كاللها تمام حقفل الباب واوصلج لهناك وابن امه الي يوصلج ..
اني اخذت المسواك ورحت بالطريق الثاني وافر براسي شلون يمشي كدامها
تلكاني مصطفى كلي وين جنتي
مارديتله وطبيت وطب وراية احجي وياج!
مارديتله وصلت لامي نطيتها المسواك شافته طلعت ناسية التمن مو جايبته ..
وارجع عليه للمحل لكيته بعده مو مفتح قافل الباب البرا ..
صراحة خفت صاير شي وجاي ادعيلهم تمر سلامات رغم ما اعرفهم بس حتى توصل البنت سلامات ..
مدنكة راسي واعدل بدشداشتي وامشي ..
و هو ما انتبه عليه حدما وصل المحل فتحه
وكلي تفضلي ..
كتله عمي بس نسيت التمن!
عمي! ههههه اخذي اخذي التمن بذيج العلاكة السودة
اخذته وطلعت ..
رجعت للبيت واني ادردم ..
العالم شلون عدها كرايب واحنه عدنا زوبع ومصطفى والله يربي ..
والله جاي نعذبكم ويانه ليش جاي تطبخون انتم
امي كلنا واحد ام مصطفى ان شاء الله ماكو فرق
امي صاحت رنا وكالتلها روحي للمحل جيبي جلافة زينة ..
ردت اروح اني بس استحيت اكلهم اني اروح ينتبهون وهم خفت اوكع نفسي بشي مصېبة بس هي الحقيقة غير ..
راحت رنا واجت وبعدين دزتها انوب وكالت لامي فتح ورقة حساب بإسمي ..
والمرة الثالثة اني انتظرها ع ڼار واباوع للباب ايمت تفوت ..
فاتت ووكعت من ايدها ورقة وشالتها وعقجتها وحطتها بصدرها عالسريع ومشت اعتيادي واني شفتها انخطف لونها
كالتلي ماكو
شي وراحت صعدت فوك ..
اني المصېبة ما اعرف اقرا بس الحروف ومعرف اجمعهن وهي تعرف القراية والكتابة
من لحيت عليها طلعت الورقة وكالت مكتوبة بيها ايات قرانية وشلتها حتى ماتظل بالورقة واني اباوع بالورقة هيج مو مال ايات بس ما اعرف اقرا ..
صرت اتحجج تحجج بس اريد اوصل للمحل واني
