رواية سما الفصل السادس بقلم وسام الفراجي
انت في الصفحة 1 من 3 صفحات
وكفله خالي راشدي وصار يكفخ بي الا امي فزعتهم وطلع وكف عالباب جان يكول لخالي ..
وسام_الفراجي
اني موقفي صار محرج!
امي كالت الج حساب عسير بس يفضالي وكت جاي يطلع خياس الج هواي و انت بكد البيضة
كوموا لملموا ملابسكم نطلع ..
خالي ميدري ..
صعدنا نلملم نزلنا شايلين غراضنا جان يطلك خالي محد يطلع عتبة الباب ..
وثكلت وجهها علينا وماتحجي بصورة طبيعية بس ويا رنا ما اعرف شنو سر رنا..
مشت اسبوع الامور طبيعية بس امي تتحلف بية ..
واحنه فوك شبه منعزلين وهم جوة وخالي يشتغل لليل يلا يجي ..
وامي صارت تدزني اشتري خضراوات وطماطة وبتيتة من المحل القريب على بيت خالي ..
لان خالتي صارت تسمعنا حجي!
المصاريف صارت هواي واحنه عائلتين ..
وامي فهمتها وصارت تتسوك وياهم ..
مرة مرتين امي الي راحت
وبعدين صارت تدزني اروحلهم ..
حتى نتشارك بالمسواك وما تصير مانية وطبعا خالي مايرضى ع تصرفات خالتي بس ميدري ..
فالعصريات اندك الباب وطلعله مصطفى
طلعت اسلم عليه وما مد ايده عليه دفعها وكلي وخري لهناك وين هديل!
صحنا هديل وكاللها يلا امشي لبيتج شعندج هنا!
رادت من عنده هديل تظل ما قبل..
اجت امي سلمت عليه حتى تعرف اخر الاخبار ..
كاللها عنتر نجحت عمليته بس عنده عينه بعدها ميشوف بيها ونازل مي من عدها!
بس حاجيت الدكتور كال اقل شي شهر لازم يظل ..
وسام_الفراجي
والكعدة الاثنين الجاي ويا شيخنا حتى نعرف شيكول وشنو رأيه ب الي صار ..
وجاية الشرطة استفسار ورادوا افادات ومن هالسوالف وغطينه الموضوع وماردنا يكبر ..
باوعلي وكلي ..
ابوجن مو زين ووجه معبس ومهموم ..
حافظن ع نفسجن اقل شي علمود تعب ابهاتجن!
حط ايده بجيبه شال فلوس كال لأمي ذني مصرف من رجلج يسلم عليكم كلكم ويكلكم عينكم ع نفسكم وظلوا يم خوالكم جاي ادورلكم ع بيت ايجار ..
سلم علينا واخذ هديل وراح ..
خالتي من سمعت الخبر كيفت وفرفحت كل حيلها ..
جان تكلي امي هاج اخذي فليسات ذني جيبي بيهن فخاذ من المحل واشترينا معجون وبهارات وكيلوين تمن و زيت ..
جاي اتمشه وصارت قريبة عليه بنت ثانية ما اعرفها ..
طبينا سوة للمحل
لكيت الولد بي هيج حنطاوي مملوح يعني يطلع عمره تقريبا 20 او 19 بهالحوالي ..
كتله
بلا زحمة رايده دجاج وزيت وبهارات ..
كلي تدللي اختي لحظات وتكون جاهزة
كم كيلو فخاذ
قاطعتنا البنت تكله الله يستر عليك اكو ولد اثنين من اول الفرع وراية حدما طبيت هنا ممكن افوت شوية هنا بينما يروحون شو خوفوني!
كللها اكيد طبي اكعدي هنا
