رواية سما الفصل الخامس بقلم وسام الفراجي
جان يكول رجعه بعد الهم ماكو ..
يريدوج يعزلوج ببيت بعيد عنهم واذا ماقبلوا هذا طابق الثاني اكعدوا بي ومو بمانية احد ..
بس سالفة عنتر ما راح تمر سلامات
امي يمعود بين الحياة والمۏت حتى عينه طافية عوفه اخذت حكها وزيادة سما
صاحني خالي وباسني بين عيوني وكلي الي يمسج بوردة اطكه بطلقة معليج ولا تخافين ..
خالي صاح خالتي وكاللها جهزي الطابق الثاني الهم وجبتلج بامية ع لحم ترد الروح ..
جان خالي يكول وغرفة مصطفى الفوك خلوها للبنات ومصطفى ينزل جوة ..
مصطفى كعد بهاللحظة يفرك بعيونه وشافنه ومثل المو المصدك
خالتي ام مصطفى تضحك عليه وتكله ترا مو حلمان هاي عمتك هنا كوم سلم عليها ..
اني من كعد هذا الغثيث كمت اخذت رنا وصعدنا فوك نرتب بالطابق الثاني ..
عفتها ورحت للغرفة الثانية نظفتها وكملتها ..
ورنا نظفت الممر ..
جان نسمع صوت الباب يندك قوي يارب سترك منو هذا
نزل مصطفى يركض وخالي طلع كدامه فتح الباب طلع ابوية ووياه هديل هي كالتله طلعوا وشايلين هدوم ويمكن لخوالهم ..
تفاجئت شجابج هنا كالت مو وكتها
وابوي عالباب كال ..
وين البنات وامهن
ردله خالي ..
جوة بالبيت!
صيحلي امهن بالله عالسريع
دفوت جوة منو يركض وراك
مكدر هسة بس صيحلي اياها كلمتين وياها واروح
دفوت مو راهمة واكف عالباب
ابو مصطفى والله مستعجل راح يحولون عنتر ع بغداد ولازم اروح وياه وزلم طابه طالعة والمشكلة شكللهم شصاير للي يسأل ..
لا مو بالوسط اني ويا بنتي و سما سوت الشي الي يستاهله ولو صاحي هو افججه اني بس مو صاحي ..
صاحني وباسني وكلي ديربالج ع نفسج بنيتي انت و رنا ولتخافون هي تنحل حتلو ابيع بيتي لان بس نشوف تالي عمكم
الشيخ رايدنا واكو كعدة احنه العمام سوة ..
اني الصراحة تأثرت وبجيت شسويت بأهلي وشصار بية ..
صعدت فوك طبيت لغرفة الثانية مو مالت مصطفى وكعدت ابجي ..
لحكتني هديل وياي ..
واجه مصطفى كلي ليش تبجين ترا عادي مو كل الناس سمعت بيج يتحرش عمج بيج ولابد يجي واحد مفتح عين اعمى كلب ويتقدملج
ليش ششايفني ناقصة ايد رجل لو مېتة حتى اتزوج اشرف منك ومن عشرة من امثالك ..
وهديل
كالتلي مشتهية اغسله برزالة بس بعدني جديدة هنا..
راح شوي والتهيت اني وهديل فوك ..نسولف باللي صار..
جان ما احس الا جلب يعوي بصوت عالي بحيث شاطت روحي وھجم عليه ..
صړخت اني و هديل وطلع مصطفى خاتلنا ويريد يفززنا ..
وصار ينبح
هديل كالتله ..
جايب صوت الجلب بالمضبوط خربئنة شلون هيج صاير جلب عبالك صحيحي..
ردلها شقصدج! مو من هسة بديتي تناكرين بية
صحتلها هديل خلي نكمل السوالف ماتفيد
صار الليل نمنا بالغرفة الثانية
وغرفة مصطفى فارغة وهو نايم جوة لان خالي كاله الطابق الثاني خليه فارغ بس النا ..
كعدنا الصبح وتريكنا اعتيادي ..
وطلع خالي للشغل وهذا مصطفى دب مال نوم ..
كملنا كل شغلنا ..
تغدينه بس اني وخالتي وامي و رنا وهديل ..
مصطفى نايم
وخالي بالشغل ..
العصريات اندك الباب
ومصطفى افندي توة كاعد وجاي يسووله غدة
طلعت افتح الباب!
تفاجئت جارتنا ام ياسين وياسين ومروة اخت ياسين
صراحة ابنها درة درة من الاخلاق بس هم
