رواية سما الفصل الخامس بقلم وسام الفراجي
ويا بناتج ..
اجينه كلنا بغرفة وحدة واني ابجي وامي تمسح ع شعري وتكلي وين تلمسج
يمة يرحم والديج بيا حال اني هسة
رنا عاكدة حواجبها وطلعت لكت ابوي وعمي رايحين يلحكون عمي عنتر ..
رجعت وكالتلي
كل الصوج منج من يوم امي سألتج عمج يسويلج شي كلتي لا! ليش تغطين ع فعايله ليش ساكتة شهالغباء هذا!
جان يهددني يكول لامي عكس الي يصير وكل مرة جنت اخاڤ امي تدري
احترمي نفسج شنو ساكتة قابل برضاتي ساكتة
ضړبتني راشدي وكالتلي
انت تحتاجين تربية من جديد وهاي اجر اذني للكاع اذا احد يباوع بوجهج بعد لان كلها عرفت متحرشين بيج
مامحتاجة احد يعترف بية ومو اول وحدة تتعرض للتحرش مو ذنبي اني تلومين البنت ماتروحون تلومون الزلمة الي رجليه بالكبر
عفتها ورحت للمطبخ ابجي ..
طلعتله هاي سما كدامك ..
اجه وضړبني ونزع شالي وسحلني بالكاع ويكلي ..
صايرة ايدج طويلة ابوية بي ولو يلحكوني لوما يلحكونه ..
جاي يضرب بية ..
جان ما احس الا واحد دفع زوبع وضربه من ظهره ..
باوعتلها لكيتها هديل ..
جان تكله ..
انت لو زلمة صحيح ما مديت ايدك ع بنية بس بيك رس و عرج من ابوك ..
وكفت كدامي ولملمت شعري وحطت حجاب ع راسي ..
جان تطب امي وتشوف المنظر!
شبيج سما هذا ضربج مو
عوفي يمة محروك ع ابوه
هو سمع كلامي ولف راسه وراح ..
باوعت لهديل بعيونها حيل وحضنتها ..
صارت ټضرب ع ظهري وتكلي ..
اني حفسخ منه ما اكدر اعيش بهيج بيئة ابو الولد والله اذا اتزوجه الا اشبعه كتله اخلي عينه تطفي شحن ..
ومنو كال علمودج! طبج حريش انت شعليه بيج بس اني ما اتقبله بعد وما اعيش ويا هيج نماذج ..
بهاللحظة اجوا كم ولد من جيرانه فاتوا ع بيت عمي عنتر يريدون بطانيات ..
طلعت هديل عليهم وسألتهم شكالوا ع عمي عنتر شطلع بي ..
كالوا يمكنك عينه اليسرى انعمت وڼزيف براسه ..
داخل هسة طوارئ وما ندري ..
اول مرة اسوي شي براسه خير ..
بس جاي افكر ابوي شنو ممكن يسوي ..
وشنو راح يصير اذا انعمت عين عمي صحيح ..
امي اجت علينا كالت
تعالن يبنات
لموا هدومجن بس لتكثرن كل وحدة لبستين ثلاثة
وحطنهن بالجنطة هاي الجبيرة
ليش يمة
لمن هدومجن عالسريع بلا ليش
حطيت لبساتي اني و رنا ..
وكالتلنا اطلعوا يلا عالسريع ولتوكفون لأحد ..
طلعنا ..
شافتني هديل ركضت علينه
وين وين
والله يحبيبتي مدري امي كالت اطلعوا
عمة عمة بالله عليج كولي وين رايحة
امي ارض الله واسعة
باوعت لهديل كلت الها ديربالج ع
نفسج زين ..
هديل ظلت تباوعلنا حدما فرينا من الفرع كله
رحنا وعفنا البيت ..
طلعنا بالسيارة ونمشي نمشي
طلعت امي ماخذتنه ع بيت خالي جاسم ابو مصطفى..
دكينا الباب ..
وطلعت خالتي الي هي مرت خالي ..
شهكت من شافتنا وكالت
خالتي الله حيو شجابكم شورطكم شهالمفاجئة الحلوة هاي
امي جابتنا المصاېب والله يمرت اخوي
خالتي ليش شكو
امي دطببينا هسة موكفتنا بالباب يا ام مصطفى
خالتي ههههههه والله التهيت حياكم الله فوتوا جوة البيت بيتكم هلا بيكم
طبينا جوة جان مصطفى نايم بالغرفة وطبينا وخالتي تصيح بي بيت عمتك اجوا علينا اكعد .. وهو غاطس ..
اني تعوذت مية مرة منه لان هذا يرادله دولكة مي كزاز هم حتى يجر عدل ..
كعدنا وشربنه مي وجاي وشوي واجه خالي جاسم ..
وتفاجئ بينه و بوسنه كلنا وهلا بيكم
جان امي تحجيله كلشي الي صار بالتفصيل
