رواية ابيض واسود الفصل الرابع والعشرون بقلم مني محمود بركات

يعرف يخرج من بيت بركات ويكون سند وحماية لأخته من الأشكال اللي بركات كان بيدخلها البيت هيجي دلوقتي بعد العمر دا يبدء من جديد ازاي ولو فشل يعمل اي دا لما صدق يحس بشويه استقرار في حياته هو واخته
نفض كل الأفكار دي من دماغه وجاب الملف ل بهاء ورجع ع المكتب عشان يبدؤ شغل 
بهاء حط الملف قدامه وبدء يقري ال فيه
رحمه عبد التواب ١٨ سنه
اتجوزت مرة عرفي ف سن ١٦ سنه ومرة رسمي ١٨ سنه 
اب مټوفي وام متزوجة
ل بكر 
اي دا أنا معرفش المعلومات دي الا دلوقتي احمد كل اللي قاله وهو ماشي أن في قضيتين عايزين شغل إجراءات وتسليم للنيابه والحوارات دي وقضيه صحبتها معترفه علي نفسها يعني خلصانه لكن اي دا مقالش أن يا باشا حكايتها حكايه لاول مرة من يوم شغلي مع حضرتك اتعاطف مع متهم بالشكل دا لو كنت قاضي والحكم في أيدي ادي اعدام للي وصلها ل كدة وادخلها هي دار رعايه تتأهل نفسيا وجسديا بعد اللي حصل فيها والله
للدرجة دي !! احكيلي يا بكر بالتحريات هه مش بكلامها هي وبس
اكيد يا باشا
مؤمن كان في شغله ومندمج فيه اوي بس قاطع اندماجه رنة تلفونه بنغمه خصصها ل علا ساب اللي في ايديه ورد عليها علي طول
حبيبتي
لا مش مصدقه نفسي دي تاني مرة تعملها وترد من اول رنه اي التغيير دا كله
الله هو لا كدة عاجب ولا كدة عاجب ولا اي
يا عم عجبني في اي دا أنا مبسوطة والله بالتغير دا وديما بدعي ربنا أنه يدوم ميبقاش يومين وخلاص
يا ربنا صحيح ستات ټموت في النكد ما تفرحي يا ستي من غير ما تفكري ف القديم ولا هو اي نكد وخلاص
أنا نكديه يا مؤمن !! اخس عليك طب مش هقولك كنت متصله ليه يلا بقا روح كمل شغلك
ايه ايه استني بس انا بهزر بهزرررر بلاش اهزر مع مراتي حبيبتي ولا اي الله
جيب ورا اوي ماشي
ايه جيب ورا دي لا لو سمحتي أنا راجل اوي في بيتي
هههههههههههه اكيد يا روحي وسيد الرجاله كلهم كمان
طيب قولي بقا كنتي متصله تقوليلي اي الفضول مش هيسبني
كنت هقولك متتاخرش انهاردة عشان أنا عملتلك حمام محشي فريك وممبار ووديت نيجار عند ماما ميادة انهاردة عشان جوزي حبيبي وحشني اوي وعايزة اقعد معاه كتير كتير كتير
بجد !! دا اي الاخبار الحلوة دي حمام محشي وممبار الله
بجد انت يعني بعد كل اللي قولته دا تقولي الحمام والممبار
هههههههههههه والله برخم عليكي ومبسوط اوي بالمفاجاة دي وكويس انك اتصلتي بيا عشان اعمل حسابي واجي بدري لو مكنتيش اتصلتي كنت اندمجت في الشغل وجيت متأخر وضيعت عليا سهره مع حبيبي اللي وحشني
طيب يلا بقا خلص بسرعه وتعالي
انتي خلصتي الاكل يعني الساعه لسه ٤
أنا علي ٦ هيكون خلصت كل حاجة أن شاء الله
تمام أنا هعمل حسابي اني اكون عندك ٦ حلو كدة
شطور يا قلبي
باي مؤقتا بقا
سلام حبيبي
قفل معاها واتنهد بحب اخيرا مراته بدأت ترجع زي ماكانت واحسن كمان اخيرا بدءت تتكلم معاه ومتسكتش واخيرا هو رجع حس أنه مرتاح ومبسوط بعد فتره كلها ضغط ومشاكل اه مش حابب موقفها من أهلها بس كبرت جدا في نظره بعد ما شرحتله هي بتعمل كدة ليه وإصرارها علي بر أهلها وودهم خلاه مش بس يحبها اكتر دا بيعشقها اكتر واكتر
بدور كانت قاعدة زهقانه فكرت ترجع للمشروع بتاعها وتعمل اكل وتسوقه ع