رواية ابيض واسود الفصل الرابع والعشرون بقلم مني محمود بركات

ابيض واسود 
مني محمود بركات
الفصل الرابع والعشرين 
قبل الأخير 
العلاقات متغيره ديما مفيهاش حاجه ثابته لا طول الوقت هنكون مبسوطين مع الغير ولا طول الوقت هنكون تعبانين
بس اللي بيطول في عمر علاقه أو بيقصرها هو التبادل في كل شيء
مش في الاهتمام بس لا
تبادل في اهتمام و وقت وجهد وحب وتضحيه وانصات وتشجيع وتحمل

تبادلو في العلاقات اللي نفسكم عمرها يطول معاكم هتنبهرو بالنتيجة
مينفعش تكوني محاجة طرف الآخر يقدرك ويستحملك ويسمعك وووو وانتي بتعملي جزء صغير اوي من كل اللي بتطلبيه
تبادلووووو
بهاء عرض علي بكر أنه يشتغل في الشركة مع أخته وعمته ودا كان رد بكر
مدير ! وشركة ! لا طبعا يا باشا انا اخدمك طبعا متاخرش ابدا لكن شغل زي دا مقدرش واصلا ممنوع وحضرتك عارف
عارف يا بكر بس لو دنيتك في الشركة مشيت سيب هنا وكمل هناك بصراحة كدة انت دماغك حلوة خسارة تضيع ف وظيفه صغيره كدة في قسم شرطة فهماني
اولا دي شهادة اعتز بيها
قاطعه بهاء 
أنا لسه مخلصتش كلامي ... أنا فاهم كويس اوي انك لو من زمان كنت بدأت في التجارة كان زمانك ليك اسم وشركة أو مصنع باسمك لانك شاطر وفاهم انك اخترت المجال دا حمايه ليك ولاختك بسبب مشاكل والدك من صغرك بس خلاص كل دا انتهي والدك اټوفي الشقه هتتباع اهي اختك وحياتها بدأت تستقر يبقي اي بقا تبدء ف الحاجة اللي واثق انك بتحبها وهتبقي شاطر جدا فيها ولو مش عايز تشتغل عند حد بفلوس الشقه يا سيدي أنا هكلمك عمتو تبقي شريك بنسبه في الشركة ها اي رايك كدة 
بكر بتخبط
يا باشا براحة عليا كدة عشان انت لخبضتني
طيب براحة اهو ... انت كنت هتعمل اي بفلوس الشقه 
كنت هحطهم وديعه ب اسم بدور عشان أأمن لها مستقبلها هي وتوتي
ماشي مع أن ركنه الفلوس مش مستقبل بس هسالك سؤال تاني الكلام اللي قولته دا اللي حصل ولا لا مش لولا مشاكل والدك كان زمانك صاحب شركة أو مصنع أو أقل تقدير كان ليك شغل خاص بيك صح 
صح لاني فعلا بحب التجارة والحمد لله بفهم في حاجات كتير بس دا كان بقا هاجي بعد السنين دي كلها وبعد ما بقيت ٣٧ سنه وابدء في حياة جديدة ووظيفه جديدة صعب يا باشا انا طول عمري مسؤل عن اختي وامي وبعدها بقا اختي وبنتها مقدرش اخاطر لازم أأمن لهم مستقبلهم
ومين قالك أن تأمين المستقبل في شيل الفلوس اي يا بكر دا أنا بضړب بذكائك المثل في كل مكان ... اختك وبنتها حمايتهم في وجودك جنبهم وكل ما تكبر ف مجال بتحبه وشاطر فيه طول ما هتقدر تأمنهم ماديا كمان الفلوس المتشاله دي مع اي ظرف هتخلص هتخلص المثل بيقولك خد من التل يختل
مش عارف اقولك اي بصراحة
انت كدة كدة تلت ايام وطالع إجازة فكر في الإجازة دي كويس اوي و ممكن تاخد إجازة بدون مرتب سنه ولا اتنين لو خاېف تسيب الميري مرة واحدة فكر يا بكر وبما ترجع من الإجازة بلغني قرارك
تمام يا باشا هفكر حاضر
يلا بقا روح هاتي من مكتب احمد ملف مكتوب عليه 
بص في نوته قدامه ملف رحمة عبد التواب اللي جات من يومين دي خلينا نشوف قصتها
تمام يا باشا عن ازنك
اتفضل
بكر خرج من عند بهاء وهو دماغه
مشغوله بالكلام اللي اتقال اه دا حلمه من صغره بس هو ردم حلمه دا تحت التراب واختار الميري عشان