رواية ابيض واسود الفصل الرابع والعشرون بقلم مني محمود بركات
صفحتها اللي كل ما تفتحها بكر يقفلها لكن تراجعت هي مش عايزة صدام تاني مع بكر بس هي زهقانه فعلا محتاجة تشغل نفسها محتاجة تبطل تفكير فيه محتاجة تفوق لأن استحاله يحصل اللي قلبها ساعات بيسرح فيه لازم تشغل نفسها أيوة حتي لو هتنزل شغل
مجرد ما فكرة نزول الشغل جات في دماغها افتكرت اللي حصل اول مرة ودموعها لمعت في عيونها نفضت كل الأفكار دي من دماغها وقررت انها لما تسافر مع بكر هتتكلم معاه يمكن المرة دي يقتنع ويسيبها تشتغل من البيت بدل التفكير اللي تاعبها دا
التحريات أثبتت أن البنت دي وحيدة ابوها وامها ابوها ماټ وهي ١٥ سنه وامها خلاص ٨ شهور بس كانت مقعدة البت من التعليم ومتجوزة وراميها برة الشقه عشان تتجوز فيها ... اهل ابوها رفضو يشيلو مسؤوليتها البت ولاد الحلال في المنطقه لمو من بعض فلوس واجرو لها اوضه في سطوح في نفس الشارع وواحد ابن حلال شغلها عنده في محل الملابس بتاعه وبعدها بكام شهر كان بيتردد علي المحل الميكانيكي اللي في نفس الشارع ويبقي صاحب الراجل صاحب المحل وكان ديما يفتح كلام مع رحمة ولما صاحب المحل خد باله قاله يتقابله بعد كدة علي القهوة وأنه يبعد عن البت بس الميكانيكي واللي اسمه فتحي معجبوش الكلام وراح في مرة وصاحب المحل مش هناك وقال للبت أن مراته عايزة حد يعملها الشقه ويغسلها السجاد كانت داخله عيد وكدة وأنه هيديها في الليله دي ٤٠٠ ج البت وافقت لأنها كانت عايزة تصرف علي نفسها من غير ما اهل الحته يساعدوها وراحت معاه وفعلا عملت الشقه ل مراته وغسلت السجاد واتفقت معاها انها كل خميس تروحلها تغسلها مواعين وتروق وتمسح مع ع الوش كدة وتاخد اللي فيه النصيب لأن الست كانت تعبانة وبتاخد علاج كتير بيخلي حركتها قليله فرحت البت ووافقت وعدي العيد وبعده عدي عليها فتحي وقالها أن مراته مستنياها وراحت رحمة بعد الشغل بس ملقتش مراته بكر سكت عشان يشرب
حاضر يا باشا بشرب بس ... المهم هي كانت هتنزل بس هو قالها دي في الصيدلية اللي علي اول الشارع بتاخد الحقنه وطالعه واداها عصير والبت شربته من هنا وصحيت كان اللي حصل حصل من هنا
اللي هو اي مش فاهم
مالك يا باشا ... اعټدي عليها حطلها منوم واعټدي عليها
اااه طيب كمل
بس البنت اڼهارت طبعا وهو كان بارد قالها كل اللي هعمله اني هتجوزك عرفي لكن رسمي مينفعش لانك لسه صغيره لما تتمي ١٨ سنه هتجوزك رسمي والبت صدقت ونزلت من عنده طلعت علي امها حكتلها اللي حصل وامها قالتلها احمدي ربنا أنه هيستر عليكي وعيشي وخلاص أنا هعملك اي ...
وبعد كام شهر كدة البت عرفت انها حامل وفتحي لما عرف قطع الورقه اللي معاه وقالها
مليش دعوة ومشي وسابها تاني يوم وقفته في الشارع وفضلت ټعيط وتصوت ومرات فتحي نزلت وعرفت وصدقت البت وقالتله لازم تكتب عليها عشان العيل لكن فتحي قدام الناس كلها قال محصلش البت طلعت الورقه اللي معاها حاول وقتها هي يشدها منها ويقطعها بس الناس منعوه وحاولوا معاه كتير بس هو رفض حتي مراته ڠضبت عشان تضغط عليه لما صعبت عليها البت اللي لسه ١٧ سنه بس هو رفض ظهر وقتها بقا في الصورة المعلم تحسين جزار في المنطقه عندة ٦٠ سنه وقال ل رحمة أنا هتجوزك
